موسوعة لأجمل الابيات الشعرية اهداء لمرتادي قسم الشعر وهمس القوافي -

[دمعة نمله]

طبعك تحب بكل جرح التمـادي
توي دريت امسح دموع التماسيح
اول جروحك زارني قلت عـادي
سحابة هلت وزلت مـع الريـح
تذلني بالحب وين انـت غـادي
عند المذله نرفع الـراس ونشيـح

لا أقصد بها....

[ملكـــ الغرامـ]

كلها رائعهــ


سلمت اناملكــــ

[غرور أنثى محطمة]

والعاشق اللي يعشق بصدق مفضوح = لوجا يرد الشوق لازم يبيني
لاتسأليني وش ورى الهم والنـوح = و بعز جرح القلب لاتساليني
ياليتني اقدر على البوح وابوح = ان كان ماشفتي الشقا محتويني

[خاطــــــوف]

أهلاً هلا بالي معي دايم الدوم = لو هو بعيد الدار بالقلب له طيف
اسمه يداعب خافقي في حلا النوم = وأفز له طولي من الشوق واقيف
فرحٍ بشوف الي مع الناس معدوم = ماله وصيف وكامل بالتواصيف
لو قلت كامل وصف مانيب مليوم = ولا حدٍ يلوم اهل القلوب المواليف

[غرور أنثى محطمة]

اخاف اشوفك وتضيعني عيونك = واخاف ما اشوفك ويقتلني حنيني

[nansi71]

قريت الكتب وجتني حكايا موصّله.....
------باعذب عشق لامس عيوني بالهيام
ما تعودت الهوى ولاحــب اطْعمــه......
------حتى بدالي منك شوق ياخل وغرام
اشهد ان الشعر نعمه والخلايق تجهله .....
------ واشهد ان الشعر اعذب ما نقوله من كلام
به رسايل للمحبه وبه نحــــل المشكله .....
------ كم قصيده من غلاها حلت اعقــود الخصام

[خاطــــــوف]

في البدايه استمع لك = وفكري سارح مع فتونك
وفي النهايه اعترف لك = ما اقدر اتحدى عيونك
ما أقدر اتجاوز حدودي
وانت اغلى من وجودي

[غرور أنثى محطمة]

خلى دروب الكل واختار دربك ......داريه تكفى قد مافيك داريــــــه
وابشر بقلب مايبي غير قربك .....يموت وغير محبتك ما سكن فيه

[خاطــــــوف]

تفرغت لك ياساكن القلب بلحالك = تقل غيرك من الناس ماهم بحييني
أنا قام يطرالي بالاحلام مرسالك = وطيفك حبيبي بين الاحلام ناسيني

[nansi71]

ما خفيته بقلبك ينقـرى فـي عيونـك -- لا تحاول تخفّي لوعتـك فـي سلامـك
انت ما انته وطبعك ما تبلـور بلونـك -- تبتسم لي وحزنك ينعرف مـن كلامـك
كل شي فيك ينطق حتّى ثورة شجونـك -- زادها الشوق غيره..واكشفت لي مرامك
وين شوق التّلاقي..وين لحظة جنونـك -- وين وردٍ تفتّح من ريـاض ابتسامـك
وين قلبك وفكرك..وين..سارح بكونـك -- كل شي فيك يدعو للتعجّب.. علامـك؟
كيف انساك واقدر يا حياتـي اخونـك -- وانت بالقلب واحـد مالكنّـي غرامـك
تعتقد لو جفيتك اقـدر اعيـش دونـك؟ -- وانت نبضي وحسيّ..خاطري مستهامك
اطلب الله ربي يحفظك لـي يصونـك -- واعرف انّك بقلبي ما لغيـرك مقامـك