موسوعة لأجمل الابيات الشعرية اهداء لمرتادي قسم الشعر وهمس القوافي -

[بحرينية كيووت]

هاك قلبي لا تـرده ليـن ترويـه الحنيـن
كم و كم من مرة لا رحت من عندك قعد

[خاطــــــوف]

غنى الحمام بدوحة العاشقيني
.........وتراقصت في نون عيني طيوفك
لك صورة ٍ ما بين جفني وعيني
........من وين ما قلّبت طرفي أشوفك

[غرور أنثى محطمة]

بذكرك بعهد انت على نفسك قطعته = عهد(ن) يقول مستحيل أحد ياخذ مكاني
ويادوب افترقنا ومكان قلبي بدلته = وأسكنت قلبك شخص حيل أكرهه ثاني

[خاطــــــوف]

أحـاول أقـوى شـي مانيـب قـاويـه
...............وأحـاول أقبـل شـي نفسـي تعـافـه
اسمع من هـروج العتـب والمسافيـه ..
...................مـازوّد حمـول التـعـب والمسـافـه

[غرور أنثى محطمة]

والله ياحبيبي ما هو عتب إلا ملام = وإذا مالمت من كنت محبوبه من ألوم

[nansi71]

وربي لوتغيب سنين وياخذك الزمن عني
******أببقى يا بعد عمري على ذاك العهد وافي
ترى من جد حبيتك وزود الحب جنني
******كتمت الحب في صدري ولابد يظهر الخافي
رسمت أشواقي لك ورده أبيها توصلك مني
******وابي منك تعطرها وتسقيها عسل صافي

[خاطــــــوف]

أنا مقـدر أكـون اني حبيـب في بعـض أحـوال
................أنـا كلي أجـي ولا أروح بعـزتي كـلي

[بحرينية كيووت]

لا لا يهمك جميع المخاليــــــــــق
مادام انا ذاتك وانت ذاتـــــــــــي

[.شوق الأماكن.]

حاول تصير إنسان .. أو نص إنسان
ياللي غـرورك بعثـر الحـب فيّـه

هذي سياسة .. كل عاشق وهيمـان
يمسـي بنيّـه ثـم يصبـح بنـيّـه

و(الحب) هو سلطان..! ياشيخ غلطان
يالي تقول (النوم)..! ماهـي سويّـه

[nansi71]

أحبك ما أبي غيرك وفي عشقك أظـل سـوّاح
----------يحفّك بالهوى حرفي واضمّـك وسـط أهدابـي
غرامك جنّن إحساسي وقافـي بالهـوى صيّـاح
----------(أحبك أنت!) ومن أجلـك بقفّـل كـل أبوابـي
أحاول كتم أشواقـي وحرفـي بالهـوى فـوّاح
----------لأنّك وردة اخزامَى وهمسـك عطـر أطيابـي!
أبوجِزْ قصة احساسي واخبـرك يالغـلا لمّـاح
----------أظـن يكفـي إذا تـدري بأنـك كـلّ أحبابـي
وابنقش لك ملامح حب تصوّرها على الالـواح
----------حروفن خطّها قلبـي واوقّعهـا مـع اعجابـي