موسوعة لأجمل الابيات الشعرية اهداء لمرتادي قسم الشعر وهمس القوافي -

[العـرووب]

مرات اشوفك بنفس الوقت واتخيلك
وانشد كفوفي عن اخر سالفة من يديك
اشتقت لك قبل اجيك وجيت واشتقت لك
البارحة طول ليلي بين هذي وذيك
مليت جمر انتظارك واستحيت أسألك
واحسبتني ما بعد جيتك وفكرت اجيك
اثرك بقلبي من البارح وانا استعجلك
واثري نسيتك من الفرحة وقمت احتريك

[البتوووول]

كم واحد يوم ضاقت دنيته جيته

اهديته العمر كله يوم ناداني

وفي ساعة الضيق كم واحد تحريته

وكم صاحب قلت له تكفي ولا جاني

[& متزوج ولكن &]

بأرحل فمان الله ماعادني جاي
بأرجع مثل ماكنت .. ماني جريحك

كاني ظلمتك .. لاتقصّر بجفواي
وكانك ظلمت الله ابد لايبيحك

[العـرووب]

تعلمنا من الدنيا مشينا فالحياة دروب

وعشنا الحزن والفرحه عرفنا الهم واسبابه

لقينا في الزمن غربه لقينا في الكلام عيوب

آه آه تغربنا وعانينا من المحبوب وغيابه

ضحكنا والالم فينا وشيء يخالف المطلوب

وشفنا كيف يتعذب وحيد فارق أحبابه

[& متزوج ولكن &]

ما قد تعبت الا لناس يستحقون تعبي
ولا قد عنيت الا لظل يحتويني لا عنيت


وجهك غناي وراحتك كنزي وخوتك ذهبي
اغضب من اللي يغضبك وارضى ليا منك رضيت



يا زين انا ماني ملاك ولا رسول ولا نبي
انا الجميل اللي حفظك وبحتفظ بك ما حييت



انا رفيقك لا غداك الحزن يا شبه الظبي
وانا شريكك لو حزنت ولو فرحت ولو سليت



خذني ذراعك صاحبك درعك معك باللي تبي
درعك ذراعك صاحبك انا معك باللي بغيت



اللي يحمله منكبك كأنه يحمله منكبي
إليا سهرت اسهر معك واغفى ليا منّك غفيت

[العـرووب]

إن غبت عنكم يرجع القلـب بأفكـار
فكري و حالي ما أذكر إنـه نساكـم

حتى بديت أشـك بالنفـس و أحتـار
و أرجع على نفسي و أخاطب رضاكم

هذا غلاكم ما بقـى عنـدي أسـرار
ما فيـه مـن نغليـه يشبـه غلاكـم

[خاطــــــوف]

من يوم شفتِك شفت سعـدي وهنايا
وأيام عمري يا الغلا قـربك تزيـن
تِـذْكِـر حبيبـي يـومك انت معـايـا
غـنّـت ورود الحبّ وسْط البساتين

[رومانسي حايلي]

وأهيم بعالمك عاشق جنوني أنت .. وانت بي تدري

تشوف الجمر بعيوني؟! تشوف الشوق جنني؟!

أجل تدري مثل ما أدري بأنك حلمي يابدري

حبيبي قوم وصارحني عن احساسك وعلّمني

أنا أطري على بالك ؟! كثر ما أنته علي تطري؟

[البتوووول]

جمّع اللـي ودك تقولـه وبعثرنـي عتـب
الملامه شي عـادي دامهـا منـك وجـاي

أنت تامر وأنا ألبي مـا تبـي بليّـا سبـب
بس كان لجيّتي خاطـر تلبـي لـي رجـاي

[رومانسي حايلي]

الناس تكره عذاب الحزن وتمله؟
وأنا أتحلى عذابي وأعشق أحزاني

ماني خطوا هبيل معجبه ظله!
يسري به الحلم في تيهات الأزماني

أعرف طريق الهوى والحب وأدله
وأخشى من العيب وأحفظ هرجة لساني