موسوعة لأجمل الابيات الشعرية اهداء لمرتادي قسم الشعر وهمس القوافي -

[رومانسي حايلي]

قلبـي يفـز إذا شـاف محـيـاك

عيني تنسـى النـوم يـوم لقيـاك

حيـا الله بـروح روحـي حيـاك

تراك عالبال ومستحيل بلحظة أنساك

[العـرووب]

گم هقوة ٍ ضاعـت علـى سگة الغـيّ
وگم حلم فـ( تـراب ) الحقيقـه قبرتـه
واقف .. وطعنـات الزمـن گلّهـا فـيّ
وساقي لـو انـه گلّ منـي // گسرتـه
بعد ماعاش الياس فـ’’ احساسي الحيّ !
اخوي .. لو هـو صـد عنـي عذرتـه

[رومانسي حايلي]

تعال محتاج قربك لاتباطاني ..

خذني من الصمت والحرمان والضيقه ..

محتاج لك حيل قرب يانظر عيني ..

الصبر عنك حبيب الروح ماطيقه ..

جيتك وحزن البشر ودموعهم فيني ..

مثل الذي بالصحاري ناشفن ريقه ..

[خاطــــــوف]

لحظه .. دقيقه .. قبل منَـك توآدعنـي
بقولَـك جملـة ٍ(ن) وإفهـم معانيـهـآ
دنيآي من غاب عنها .. خير وش يعني؟
اما انت لآ غبت عنها من بقـآ فيهـا؟
نآظر عيوني ثوانـي وانـت تسمعنـي
واقرا حروف العتب والحـزن كاسيهـآ
طعني وخل الجفا يا صاحبـي ..طعنـي
واذكر سنين المحبـه .. مـع ليآليهـآ

[& متزوج ولكن &]

أمس ضقت ورحت أقلب ذكرياتي وانتهيت
عند صورة طفل صوته مثل صوتي لاانجرحت

وش مثل لاوالله الاهذا أنا يوم ابتديت
أنطق حروف تلعثم في لساني لاانمدحت

هذا أنا يوم الحياة بنظرتي عشرين بيت
ومسجدين ومدرسه من طين كم فيها اصطبحت

هذا أنا وأصبحت أتمتم هذا أنا حتى بغيت
أختنق بس القدر عيا على موتي وطحت

[خاطــــــوف]

حداني للضياع أوقـات مهجـورة ومنسيـه
جمعني بالظلام أحسـاس كبلنـي لأحزانـي
نهـارٍ مر..ليـل ٍ مـر بعيـون الشقاويـه
غيابات الحقيقة شـر بحـث يـدور الجانـي
بحثنا والتعـب اكبـر وراحـة تتبـع الفيـه
نسير تحدنا الأخرى وفـوق الكتـف أكفانـي

[& متزوج ولكن &]

ان كانّـي مخطي فأنـــا ماني خلي من العيوب
الذنــب يغفر والبشر تجزى بقدر اعمــــــالـهــا

[خاطــــــوف]

اذا وجه الزمان اخلف ظنونـك
...............فلا تبكي على وجـه الزمانـي
على ماقلو اهل العـرف قبلـي
..............شموخ النفس في السبع المثاني
اذا نفسـك ملازمهـا تقـاهـا
...............كسبت الطيب وجزال المعانـي

[البتوووول]

ـ بـ انام ياتنهيدة الصدر تكفين..
فكي أزارير القهر وارحميني"

[عيون سود ووساع]

,,
,,
من بادي الوقت وهذا طبع الايامي
عذبات الايام ما تمدي لياليها

حلو الليالي توارى مثل الاحلامي
مخطور عني عجاج الوقت يخفيها

أسري مع الهاجس اللي ما بعد نامي
واصور الماضي لنفسي واسليها

أخالف العمر أراجع سالف أعوامي
وانوخ ركاب فكري عند داعيها

تدفا على جال ضوه بارد عظامي
والما يسوق بمعاليقي ويرويها

إلى صفالك زمانك عل ياظامي
اشرب قبل لايحوس الطين صافيها

الوقت لو زان لك ياصاح ما دامي
ياسرع ما تعترض دربك بلاويها

حتى وليفك ولو هيم بك هيامي
سيور الايام تجنح به عواديها