موسوعة لأجمل الابيات الشعرية اهداء لمرتادي قسم الشعر وهمس القوافي -

[حنين8]

البال ضايق والصدر حيل مخنوق
ودْموع عيني يا ( مشاعر ) سكيبه

ونومي غدى من بين الاجفان مسروق
حالي واعرفه زين 00 هذا نصيبه

كث ّ الزمن ملحه على ذيك الحروق
اللي بقلبي 00 وفاقد ٍ له طبيبه

كود الألم فيني مثل قطع العروق
هم 00وعذاب 00وضيم / حاله صعبيه

ما غير انا انسان ٍ للاحزان مخلوق
أفيق انا من جرح / تاتي مصيبه

واروح اسجل لي مع آلامي وثوق
وعهد الألم مابه نقيض ٍ يعيبه

دام الدموع اطــّالب العين بحقوق
وقت الفرح نفسي أجل وش تبيبه

والله ما فيني على الضحكه شفوق
فيني مشاعر يا ( مشاعر ) غريبه

أنا الشعر عندي حزن خالط طروق
ودفتر قصيدي ماله الا نحيبه

يا ليت من بعد الدجى ياتي شروق
مير البلا امْـن الشمس طول مغيبه

أسهر طوال الليل والصدر مخنوق
ودموع عيني يا ( مشاعر ) سكيبه

[خاطــــــوف]

انا دمعة حزن سالت على خد الزمان امرار
....................بكتني عينها الدنيا مع اول يوم من عمري
انا عبره حملها الشوق وصاحبها غريب الدار
............رماها الوقت في غربه ولهيب الشوق به يسري
على شاطي بحر حبك لقيت المبحرين اكثار
.................انا ويا الدهر واليل على سيف البحر نجري

[حنين8]

وعيّدت في قلبي مشاعر دفينه
متجمده في داخلي من كذا عيد

كانت وكنت أحلام مرة .. حزينه
صارت وصرت أعيش في حب وتجديد

حظي ضحكلي وأصبحت ياسمينه
ترضي غروري من دفا الإيد للإيد

كل شي رقص بالكون .. حتى أنينه
عطر السعادة عم .. وغطى التناهيد

[خاطــــــوف]

خذ من زمانـي كل وقتي ويفداك
..............مافي حياتـي لك من الوقت تحـديـد
أنت الذي في بسمـة من شفايـاك
...........أنسى همومـي والسعـاده لي تزيــد

[حنين8]

تدري وش اللي حط روحك بروحي
لن الدموع تغسْل لحظة غيابك

ان كان سرّي ترجمه صوت بوحي
ترى حنين الشوق هزّك وجابك

قلبي معك بالذّات دايم سموحي
يطيح ا حْطبه لحْظة تبسّم بنابك

لو نحت ناح الورق من كثر نوحي
لكن نثرت اشواق قافٍ هذا بك

قلبي حمامة عشق مبسمك دوحي
وقريت اسمي وسط صفحة كتابك

دلال الغلا ,بين الحنايا,تفوحي
ونايد عبقها هيل حضرة جنابك

مكتوب حبك في متاهات لوحي
ومكتوب لعيوني شقاها ببابك

كل مابغيت انساك نادت جروحي
وكل ابتعدت ازداد شوق لعذابك

[خاطــــــوف]

لبـا العيـون الـي بهـا رمـش مخيـف
.....................لاسلهمت ترسـل علـى القلـب بسهـام
وفي بحرها بعوم ليـن اصـل السيـف
...................واسمع صدى صوتك مع الموج نهـام
يلـي غـلاك بـوسـط ذيــك المهـاديـف
..................له فـي شغـاف القلـب حـارس وخـدام

[حنين8]

..وَيُراقِصُ النَّايُّ الحَزينُ
مَشاعِري..
بَل يَسْتَفِزُّ مَلامِحِي..
عَصْرَاً
وَظُهْراً
وَ الضَّحَى
كَي أسْتَعيدَ بَرَاءَتِي
وَطَهارةُ الأَشْواقِ
في شَبّابَتي!
أُهْدي إليْكَ الحُبَّ لَحْناً
مُخْمَلِياً يَشْتَكِي..
كَيْفَ التَّنَائِي يَسْتَبيحُ
دَفاتري..!
ويُحيلُهَا..
بَرْداً
صَقيعَاً ..
يَسْتَهينُ بأدْمُعِي..!
لَمْ أَخْتَفِِ..
قـدْ كـانَ بُعدي طاعَـةً للهِ فـيكَ تَحُـثُّني..
كي لا تخيبَ مَشاعري ..
مِنْ أَجْلِ شِعْرِكَ
أَسْتَعيدُ لَباقَتي..
وَسَعَادَةً قَدْ غادَرَتْنِي مُسْرِعَة..
خَلْفَ السَّحَابِ
وخَلْفَها كُلُّ الحُظوظِ العَاثِرَة..
تَشْكُو إليْكَ صُدُودَ أَمْسٍ مُظْلِمٍ
كَتَبَ الرَّحِيلَ عَلى جَبِينِي بِعَبْرَتِي!

**

لَمْ أََخْتَفِ..
بَيْنَ المَشارِقِ
و المَغارِبِ
أَلْتَقيكَ ..
وَأَخْتَفي..
وَأنا خَيالٌ تَحْتَويكَ بكلِّ شَوْقٍ
نَبْضَتِي!
أََحْنُو عَليْكَ مَدَى الطريقِ
بِنَظْرَتي..!
أُلْقِي إليْكَ مَحبّتي ..
تَرْنو إليْكَ وَتَخْتَفي..
تُهْدِي إِلَيْكَ
مَشَاعِرِي..
والشِّعْرَ وَالأََلْحَانَ
مِنْ *(شَبَّابَتِي)


..

[خاطــــــوف]

يالذاكـره حنـي علـى ذكـراي فـي رحلـة عمـر
......................أحـيـان مــاودي أنــا فيـنـي تـخـون الـذاكـره
يالذاكـره كيـف أستريـح وكـل مافينـي إنـدمـر
....................وأقـفـى كـمـا طـيـر كـفـخ مابـاقـي إلا ماكـره

[الغلا كله انا]

بقالي عزتي ياللي على اللي ما سواها تمون
وأظنك ما سمعت بعاشقٍ قلبه عصى وداسه
أنا الحطاب في قاعٍ جرد ما به شمع وغصون
حداه البرد والليل الطويل وشب فاسه

[خاطــــــوف]

ما يصير أنساك لالا ما يصير
......................وفي خفوقي لك معزة وأحترام
قبلك الدنيا مثل حلم صغير
..........................وعقبك الدنيا غرام في غرام
أنت مثل النور في عين الضرير
.........................لا لمحتك ما بقى حولي ظلام
فيك عمري ..فيك روحي والمصير
........................فيك كل أيام عمري والسلام