موسوعة لأجمل الابيات الشعرية اهداء لمرتادي قسم الشعر وهمس القوافي -

[حنين8]

بعض الحكي غيمة عطر وين اتجهت آحصله
بعض الحكي عطرٍ مضى دهرٍ عليه ولا يفوح

كني حضورٍ ما عرف آخر مدى من اوله
كني حدودٍ للعطش والمي هرب منّي نزوح

فيني وفا صحرا يتيمه ماعرف له منزله
فيني سفر ضيع بطاقة هالزمان ولا يروح

أحدٍ قرا فيني شعر واحدٍ قراني بسمله
واحد مضى مثل الذي طارت من عيونه طموح

[اسمهان انا]

نسيتني .. علمني شلون ابنسـاك .......في هالزمن نسيان الاحباب عادي
وشلون لامرت على البال ذكراك ......وطيفك سرق مني لذيذ الرقـادي
وشلون لا قالوا لي الناس وش جاك .....من كنت في لذة منامك تنادي؟!!
وشلون اعيش اللي بقالـي بليـاك .........لا من غدينا كل واحد.. بـوادي

[خاطــــــوف]

أنا مدري أنا المخطي أوأنت اللي علي أخطيت
..............................انا صارحتك بحب أبيك تحن أبي تــدري
ربيــع العمر يالغالي أنا ماجـا على بالــي
......................تضايق من حقيقة خافي احساسي ومن سري

[اسمهان انا]

الله وأكبر كيف العيون تسحر

وكيف الهداب تصوب اللي توديه

لاهو جرحني بالوداد وتعذر

صويب سهم ما لقى من يداويه

[حنين8]

تعال او ردّدْ أشعارِكْ واصبحْ لِك انا الْجمهور
واِنت شاعري الاوّل ولوغيرِك مِلاييني

ابي اَسْمَعْ صدى صوتك يِداعِب خاطري الْمَكسور
اِلينْ اَدْمِنْها نَبْراتِك .. وحِسِّكْ لي يشافيني

تعال انثرلي احْروفك وهمْساتِك بقايا اسْطور
على صَفْحات قلبٍ قد رِشَفْ من حبّك سْنيني

وطَفّ النّارِ في صَدْرٍ لِوَصْلك دايمٍ مجبور
رِجيتـك لِمّني لحْظه.. ولو لحْظه تِوَفِّيني

كفايه.. بس لا تْحاول تِنَسِّيني هوى منْثور
ما بيْنِ ضْـلوعي وِعْروقي ونبضٍ في شراييني

[اسمهان انا]

تدري بطبعي حبيبي حيل وتعرفة
العين بالعين والبادي هو الظالم
ما في ورا العاطفة بالحيل منجرفة
طبعي علي صددات الفعل والم
الا خيانتك ما املك بها صرفة
واخذر تحاتي تري من خونتي سالم
ما ارضي اخونك وارضي اعيش منحرفة
ماهو عشانك عشان النفس والعالم
درب الخيانات لو اموت ما اعرفة
لكن يا عمري تحاشي ثورة العالم

[حنين8]

ما يذم النّـاس لي نفسه سخيّـه
وْلا يعادي الغير من قلبه رحـوب
يا حشيم الذّات خَلْ روحك سميّه
عـــن تحطّم ربْعتك طيب القلوب
هذي ابياتي وخذ منّي وصيـّه
من يذمّ النّاس فـي ودّه كـذوب
من عرف قدره وشانه.. والهويّه
بين خلق الله كم صارِ مْحبوب
شوف ذاتك قبل غيرك فالخطيّـه
أو ترفـّع مثلما طيف الغـروب
ِانْشِغِل فالدّنيا بعيوبٍ دنيّه
ما أظـن انسان خالي م العيوب
ربّي اللي عزّ خلقه فالبريّه
و ربـك العالم بما تخفي الغيوب
من تكون انته وتحكم عالقضيّه
وحـده اللي يحكم وْيغفـر ذنوب
عاشرالناس ابسخا و ابطيب نيّه
واحسب حسابك ترى عمرك يذوب

[اسمهان انا]

أنتي ذهب وغيرك قراطيس ونحاس
ومن سبتك دمعي على صفح خـدي

أنت الذي تظهر محاسن للألماس
وغيرك اليا لبسه حديدن مصدي

[.شوق الأماكن.]

قالوا : الحاقد بذنبك شـرق
.......قلت ما أظنه لمدحي ، يطيـق ؟
كنه الشوك / في ثوبي علق
.......يوذي الشوك / ولا يقطع طريق ،
كِـثر ما نزّ في كفوفي ، العرق
....... من سلامٍ ،، على غير الصديـق :

[عاشق من بعيد]

يمكن بهالتعذيب راضي و ممنون = والا علي طول الزمن قد تدربت