شوفوا البنات لما يخطبوا الشباب...وش بيصير؟؟؟

[._.•°ღ حكآية آحسآآس ღ°•._.]

تخيلوا البنات يخطبون الاولاد ... هههه ونااسه
________________________________________
تخيــــــــــــلوا البنات يخطبـــــــــون عيال!!؟

ــــــــــــــــــــــــــــــوش بتكون الحالةــــــــــــــــــــــــــــــــــ ـــــــــــــ

يعني تتفاجأ في يوم وأنت قاعد تقرا كتاب رومانسي وأنواع الأحلام الوردية << ولا وحده منكم كذا

و سرحان في فارسة أحلامك على السرير الأبيض. .
إلا و أمك داخلة عليك و توها جاية من الاستراحة و تقولك: يا ولدي ودي أكلمك في موضوع. .
ترد أنت بكل خوف : خير يمه؟ ....
تقول أمك: ترى جارتنا أم خالد تبي تخطبك لبنتها. وأنت ما شاء الله كبرت و احلويت وكلن يبيك. ها وش رايك
ثم تنزل أنت راسك في الأرض و تلعب بإصبعك في شعرك (أو شنبك) و ترد و أنت مستحي و خدودك حمر (هذا إذا كنت محلق اللحية) و تقول: ....
الراي رايك والشور شورك يا يمه..
تقول أمك: أنا بصراحة ما أشوف في البنت شي. .

ما شاء الله عليها محترمة ووظيفتها زينه و راتبها ممتاز و من عايلة محترمة و من البيت للمسجد و من المسجد للبيت ..
ولا عندها سوالف السفر و الخربطة و ما تشرب ولا تتن و لا تروح لاستراحات البنات. يعني بنت ما عليها. .
تقول أنت : بس يا يمه هي ما شافتني من أول !!. أنا دايما متلطم بشماغي << تحسوون قلبت علماني
تقول أمك: هي شافتك و أنت نازل من باص المدرسة <<أنواع البراءة.

بس ..و سألت عنك و قالوا لها ولد وش حليله ما هوب راعي سوق و كوفي شوب و ما يطلع إلا مع أبوه.
و تراها هي و أمها جايين يوم الخميس علشان يشوفونك..
تسال أنت: طيب يا يمه أبوي وش رايه؟
تقول أمك: أبوك ما يدري خليه حايس في المطبخ الله يعينه ..
تقول أنت :اللي تشوفينه يمه. .وتطلع أمك من الغرفة
وتنط أنت قدام المراية و تأخذ نص لفة يمين و نص لفة شمال تشوف جسمك و تمشط شعرك و شنبك بدلع (يا ملحني بس)

و تقول : آه أخيرا حسَت و خطبتني. ( الله من الدلاخه بسس)
و قبل يوم الخميس تروح أنت لكوافيير رجالي و تكون مسوي حجز و تقعد و تصبغ شعرك (هاي لايت) و تزين حواجبك و تشيل شعر يدك و رجلك و تطلع زي قمر أربع طعش

وتجي البيت و تلبس الثوب اللي فصلته عند المصمم( عبده شولق) لثياب الأعراس و الحفلات واللي فيه فتحة من عند الساق و فتحه في الظهر وسيور و ذاك المكياج وذاك العطر اللي يشق الخشم و تنزل للصالة وأنت مستحي
ويقولك أبوك : يا الله دخل العصير على خطيبتك ترى أمك ذبحتنا تسال عنك
تقول أنت بكل خجل : واي واي يا يبه أنا استحي امبي أبي أمي أبي جدتي

أبوك يقولك وهو يطق على كتفك و يضحك يا ولد روح لعروستك
تقول أنت: يا يبه دايما تحرجني أنت يوووه منك يا ربييييه
و تأخذ صينية العصير و تدخل المجلس اللي فيه البنت بكل نعومه ورقه ودلع وأدب و تقول بصوت ناعم: احم احم الس سسسلام عليكم <<يمديكم علىى الدلع
ترد هي بعد ما وقفت و عليكم السلام ( و هي تناظر فيك و في كل قطعة فيك) ...
و تقولها تفضلي....
تقول هي: وش الأحلى العصير الأحمر و لا الأصفر؟ يقالها تبي تلطف الجو معك وتطرح الميانه <...تلزق.
تقول أنت: كله حلو
تقول هي: أكيد كله حلو لأنك أنت اللي مسويه

ثم تحط الصينية بسرعة و يدك على فمك و تضحك و تروح داخل بسرعة
يا ربييييييييييييييه
إلا إخوانك يحترونك و يقولون: ها وشلون شكلها

تقول أنت: يووه تهبل تهبل حلوة و دمها خفيف و ذوق ودلع
إلا أبوك من المطبخ يزغرط
لللللللوووولللللوووووشششششششش مبروك يا ولدي يافلذه سبدي

إلا بدخلة أختك العربجية من بره و حاطه عبايتها على كتفها و تقول : خير وش فيه !!
يقولها أبوك : قصري صوتك في وحده داخل خطبت أخوك ..
تقول أختك: وهي وين شافت اخوي علشان تخطبه هاه؟؟؟؟ و تعطيك كف و تصرخ والله لا أوريها شغلها اللي جايه تخطب اخوي ...

إلا بدخلة أمك و تسطر أختك كف و تطلع أختك بالسيارة زعلانه و تفحط و تروح للاستراحة البنات <..تخيلوا عاد

و تمر الأيام و أنت تجهز ثوب العرس و الكوشة و بيت الزوجية و خلال هالفترة تمرك زوجتك بالسيارة تتمشون و تحاول إنها تمسك ايدك و أنت مستحي ( وأنت تقطع تبي ) و شوي تحاول تبوسك و أنت تقول لا لا عيب احد يشوفنا( يعني لو ما حد يشوفنا ترى عادي) << وناسه
و يجي يوم العرس و تقعد أنت في الكوشة و كل الشباب حوالينك يلعبون و يغنون على أنغام طيران فرقة الدواسر <<احس فيه سبه

رجال و طبعا ما فيه زبيدة أو صيته أو العنود وسارة
وشوي إلا العفسة قايمة : ترى العروس جايه
و ينطون الشباب كلن يلبس شماغه و يتلطم ..
و تدخل العروس مع أمها و خواتها (خواتها يتيميلحون قدام الشباب ) و تقعد العروس جنبك و ترفع الطرحة (طرحة البسام بصمة تسعة) و تقولك: الله صاير مثل القمر

ثم تلف وجهك وأنت مستحي
و يتم الزواج و بعد تسعة شهور إلا أنت تصرخ في الليل فيك الطلق
و يودونك المستشفى و تولد و تجيب توأم <<احس بيطلعون سرابيت

وتطلع من المستشفى إلى بيت اهلك علشان النفاس <....حركات
و تأخذها زوجتك فرصة و تسافر مع البنات و يسربتون قبل ما تخلص مدة نفاسك

و ترجع لبيتك تربي عيالك و تطبخ الغدا لزوجتك

وتهاوشون ساعات و تنام و دمعتك على شنبك

ويزيد حدة الخلاف و تأخذ شماغك و عيالك و تروح لبيت اهلك

و تصلح أمك ما بينكم و ترجع الحياة مثل أول .
-----------

هااه وش رايكم يا البنات وناااسه كذااا

<<ما قال عيال عشان ما فيه

-----------
(( منقوووووووول ))
---------
مع تحيات:---
زعيمة " فارسات منتصف الليل "
"Sad Spy "

[ااالعنود]

يسعد صباحك يالزعيمة من جد الموضوع مرة حلو وانا قاعدة اقرء تخيلت الوضع يالله بيكون مرة وناااسة انه احنا نخطبهم ؟ عموما تسلمين على الموضوع والله يعطيك العااااااااااااااااااااااااااااااافية........


اختك العنووووود...........

[الـزهــراء]

لا تستغرب ذلك..؟!

فكل شيء جائز....

فلقد أصبحـن الفتيات هن من يخطبـن الشبّان في هذا العصر

الذي أصبح يمشي بعكس طريقة

ولكـن لو فكرنا فيها قليلاً ... فتلك كارثة

ولكل قاعدة شواذ

شكراً على الموضوع الطريف والمهضوم

[هاوي وناوي]

مشكورة على الموضوع الطيب

ونعتذر للنقل لآنه مكرر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]