|
تفاصيل لقاء وليد فى برنامج رايكم شباب
استضاف برنامج رايكم شباب على قناة الراى
وليد سمارة وكان لقاء رائع جدا جدا
قال ان وجدى وهانى وفادى و محمد الشكرى اقرب ناس لية ولما المذيعة سالتة
انت وهانى كنتم اكبر اتنين؟؟؟؟؟؟
رد عليها وقالها واعقل اتنين كنا بنشترك فى العقل
وكمان كان عسووووووول جدا لما المذيع قالة لية اول اغنية هتنزلها للناس بالمصرى وهى معرفتش اكلمها مع ان المفروض انك كنت تنزل اغنية بلهجة بلدك او خليجى
رد وليد علية وقالة انة بيميل اكتر للهجة المصرية فى اغانية وانة دايما بيكتب الاغانى باللهجة المصرية وطبعا لان اغلب الاغانى والمطربين اللى بنسمعلهم مصريين
ورد بجملة حلوة اوى وقال الفن اصلا اتولد من مصر
الله عليك يا وليد
وقال ان الشريط بتاعة اغلب اغانية من كلماتة والحانة ويجمع اكتر من لهجة
حتى فى الاغنية التانية اللى غناها قال مصرية برضوا بس المذيع بعدها طلب منة اغنية خليجى وغنى بالفعل اغنية لراشد الماجد هو والمذيع مع بعض والمذيع حقيقى صوتة حلو جدا جدا عموما وليد غنى كتيييييييير فى البرنامج وغنى اغنية هاشمى ومعرفتش اكلمها وكتيير غيرهم وكان صوتة حلو اوى
وقال انة اشترك فى برنامج هيتعرض فى رمضان وهو انة المفروض فى البرنامج كانوا يعملوا مقلب فى محمد الشكرى لكن الموقف اتقلب وصار المقلب فى وليد فى الاخر
وقال كمان ان قرار انسحابة كان قرار غضب من النومينية لانة مكنش مقتنع انة يكون نومينية ولازال حتى الان غير مقتنع بخروجة نومينية فى هذا الوقت من البرنامج
وكان يتمنى لو كمل فى البرنامج انة ياخد اللقب
وقال انة عصبى جدا وكان بيحاول يسيطر على نفسة اثناء وجودة فى البرنامج وخصوصا لما كان نومينية لانة بيعتبرها انها كانت فترة صعبة ايام النومينية
وقال على الاغنية المشتركة اللى غناها هو ومحمد الشكرى لزهرة الخارجى وقال انة يتمنى كمان يشترك فى اوبريت وطنى وانة مستعد يغنى اغانى وطنية لاى بلد فى الوطن العربى لانة حابب يشارك فى حاجة زى كدة
اة قال انة بيكتب دلوقتى اغانى لبعض نجوم ستار اكاديمى 1 و2 وهما اللى اتصلوا بية عشان ياخدوا منة اغانى
ولما طلبوا منة يختار احد الفنانات لعمل دويتو معاها قال يتمنى يعمل دويتو مع نانسى عجرم
ولما طلبوا منة يختار حد من زملاءة فى الاكاديمية يعمل معاة دويتو قال كلهم بس لو اخترت يبقى هناء اكيد وهو يتمنى يكون فى دويتو مشترك بينهم وخصوصا انة كتب فعلا اغنية مشتركة بينهم وهو فى الاكاديمية ويتمنى يغنيها مع هناء
وقال كمان انة نازل مصر الاسبوع الجاى عشان يوقع عقد تصوير الاغنية لانة عاوزها تتعرض فى خلال الصيف وقبل ستار اكاديمى 4 وبعدها هيسافر لبنان عشان اتعرض علية اكتر من شركة انتاج لالبومة بين مصر ولبنان وهو هيحاول يفاضل ما بينهم
وقال انة يتمنى يكتب ويلحن اغانى لمطربين تانيين غيرة ويتمنى كمان يمثل بس لسة متعرضش علية حاجة لكن لية لأ
وقال انة لاقى صعوبة جدا انة يوفق بين الهندسة والفن لكن لحد دلوقتى ماشية لكن مش عارف بعد كدة اية اللى هيحصل
وقال حاجات كتيييييييييييييير بس اعتقد دى اهم حاجات وليد اتكلم فيها
وليد هينور مصر الاسبوع اللى جاى
|