الشاعر محمد السديري

[صعب المنال666]

	يقول من عـدا علـى راس عالـي==رجم طويـل يدهلـه كـل قرنـاس في راس مرجوم عسيـر المنالـي==تلعب به الارياح مع كـل نسنـاس في مهمهٍ قفر مـن النـاس خالـي=يشتاق له من حس بالقلب هوجـاس قعدت فـي راسـه وحيـد لحالـي=براس الطويل ملابقه تقـل حـراس اخـذت اعـد ايامهـا والليـالـي==دنيا تقلب مـا عرفنـا لهـا قيـاس كم فرقت ما بيـن غالي وغالـي==لوشفت منها ربح ترجـع للافـلاس يقطعك دنيـا مـا لهـا اول وتالـي==لو اضحكت للغبن تقرع بالاجـراس المستريح اللي مـن العقـل خالـي==ما هو بلجات الهواجيـس عطـاس ماهوب مثلـي مشكلاتـه جلالـي==ازريت اسجلهن بحبـر وقرطـاس حملـي ثقيـل وشايلـة باحتمالـي==واصبر على مر الليالي والاتعـاس وارسي كما ترسي رواس الجبالـي==ولا يشتكي ضلع عليـه القـدم داس يابجاد شـب النـار وادن الدلالـي==واحمس لنا يابجاد ما يقعد الـراس ودقـه بنجـر ياظريـف العيالـي==يجذب لنا ربع على اكوار جـلاس وزله الى منـه رقـد كـل سالـي==وخله يفوح وقنـن الهيـل بقيـاس وصبـه ومـده ياكريـم السبـالـي==يبعد همومي يوم اشمـه بالانفـاس فنجال يغـدي مـا تصـور ببالـي==وروابع تضرب بها اخماس واسداس لاخـاب ظنـي بالرفيـق الموالـي==مالي مشاريـه علـى نايـد النـاس لعـل قصـر مـا يجيلـه ظلالـي==ينهـد مـن عـال مبانيـه للسـاس لاصار ما هـو مدهـل للرجالـي==وملجا لمن هو يشكي الضيم والباس بحسناك يامنشـي حقـوق الخيالـي==ياخالق اجنـاس ويامغنـي اجنـاس تجعل مقـره دارس العهـد بالـي==صحصاح دوِّ دارس مابـه اونـاس البـوم فـي تالـي هدامـه يلالـي==جزاك ياقصر الخنا وكر الادنـاس متـى تربـع دارنــا والمغـالـي==وتخضر فياض عقب ما هيب يباس نشـوف فيهـا الديدحـان متوالـي==مثل الرعاف بخصر مدقوق الالعاس ونثير على البيدا سـوات الزوالـي==يشرق حماره شرقة الصبغ بالكـاس وتكبر دفـوف معبسـات الشمالـي==ويبني عليهن الشحم مثل الاطعـاس

[السفـــــــاح]

اخوي الغالي صعب المنال
صح لسان الشاعر محمد السديري
ولاهنت ياغالي فعلاً قصيده من اروع القصايد
تغنت على صوت فنان العرب ابو نوره
سلمت اناملك الذهبيه على هذا النقل
الممتع
ودمت بالف خير وعافيه
وتقبل مني خالص الاحترام والتقدير
اخوك/السفـــــــاح

[شمعة امل]

الله يعطيك العافيه اخوي صعب المنااال

من اجمل واروووووووع قصائد الشاعر محمدالسديري

اخـذت اعـد ايامهـا والليـالـي=دنيا تقلب ما عرفنـا لهـا قيـاس
كم فرقت ما بيـن غالـي وغالـي=لوشفت منها ربح ترجع للافـلاس
يقطعك دنيـا مـا لهـا اول وتالـي=لو اضحكت للغبن تقرع بالاجراس
المستريح اللي مـن العقـل خالـي=ما هو بلجات الهواجيس عطـاس
ماهوب مثلـي مشكلاتـه جلالـي=ازريت اسجلهن بحبر وقرطـاس
حملـي ثقيـل وشايلـة باحتمالـي=واصبر على مر الليالي والاتعاس
وارسي كما ترسي رواس الجبالـي=ولا يشتكي ضلع عليه القـدم داس

تسلم يدينك والله يعطيك العاااافية

[بنت الاحرار]

اخـذت اعـد ايامهـا والليـالـي==دنيا تقلب مـا عرفنـا لهـا قيـاس
كم فرقت ما بيـن غالي وغالـي==لوشفت منها ربح ترجـع للافـلاس
يقطعك دنيـا مـا لهـا اول وتالـي==لو اضحكت للغبن تقرع بالاجـراس

انا اشهد دنيا غرييييييييبه مااحد عرف لطبعها تلين يوم وتقسى دهر
سلمت يمناك ويمين كاتبها يعطيك العافيه حبيبي..