نقل حي و مباشر لحفلة البرنس وائل كفوري بسوريا (قتل_ الكابوني)

[ammaro starac]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


مرااااااااااااااااااااحب حبايب كيفكم :


أنقل لكم تفاصيل حفلة البرنس وائل كفوري في سوريا ضمن مهرجان القلعة والوادي بحمص بمشاركة الفنانة هيفاء وهبي بتاريخ 31\8\2006


طبعا بنبلش من الصفر بداية افتحت الحفلة هيفا و طبعا غنت أغاني شي لها و شي لغيرها ن الأغاني القديمة و طبعا معظم أغانيها كان الصوت تسجيل استديو بس العزف كان للفرقة يعني شوية حركات و بعدين خلصت وصلة هيفا بعد ما نشفت قلبنا على وائل المم خلصت المخلوقة و استنينا حوالي ربع ساعة و فجأة ............

بلشت الحفلة حوالي الساعة 12 أو قبل شوي و دخل البرنس لابس بدلة بيضاء (يجعل ايامه كلها بيضا) و بدأ بالغناء و إليكم التفاصيل:


بدأ الحفلة بأغنية عمري كلو وسط حماسة الجمهور



و بعد انتهائه من الأغنية بدأ بالكلام و إليكم ملخص ما قاله:

مسا الخير .......... سوريا و لبنان طول عمرهم شعب واحد و سوريا خلال الأزمة الأخيرة أثبتت محبتها و أخوتها للشعب اللبناني و بوجه تحية للقائد الدكتور بشار الأسد (هون طبعا الجمهور ولع و جن و رح يوقف قلبو _بعيد الشر_ و صفقوا من قلبهم للكلام الرائع) و بعدين قال بتمنى نسهر سهرة حلوة أو هيك شي و بلش بالأغنية الثانية


الأغنية الثانية و لحتى تتناسب مع حماسة الجمهور كانت شو رأيك



هون و بعد ما جن الجمهزر غنى البرنس الأغنية الثالثة و هي جن الهوى



و بعد هالجنون البرنس قرر يريح الجمهور شوي فبلش برائعته بعيونك كلام و الله العظيم الناس قامت من قلبها و هو عم يقول بعيونك كلام و بقلبك غرام لأن صوته بهالمقطع كان رووووووووووووووووووعة أحلى من الاستديو بكتييييير



الناس هون اشتاقت للنمط الرومانسي اللي بتحب وائل فيه فغنى لهم وائل قلبي مشتاق و ما بقدر قلكم شو صار يعني الأغنية صار يغنيها الجمهور من قلبو كتير كتير تفاعلو مع هالاغنية بالذات و البرنس عطا مجال للجمهور يشاركه الغناء



وقتها حس وائل انه بدو يكون أقرب لجمهوره فغنى لهم قرب ليي و صار الجو جنون



طبعا حفلة لوائل بدون موال ما بيمشي الحال لذلك قرر البرنس أنو الموال اللي رح يغنيه بحمص هو لرميلك حالي



و لحتى يكتمل الرواق غنى البرنس أغنيته الروعة كرمال عيونك



هون صار وقت القنبلة اللي هببت المسرح :

البرنس من فترة نزل سينغل جديد هو حبك عذاب و قرر أنو أول مرة يغنيها على مسرح يكون بسوريا فغنى هالتحفة بس المفاجأة انو البرنس ضاف مقطع جديد للاغنية و أنا جبتلكم كلمات المقطع الجديد حصريا لموقعنا و الكلمات بتقول:

متل الغريب لحالي ........عايش ليالي هواك ...............حبيبي جاوب سؤالي ........ قولك رح ترجع قوام

طبعا الجمهور جن و هستر و هو عم يحس بمحبة وائل له كونه خص هالحفلة بهالحصرية

هي الأغنية بس للأسف ما قدرت جبلكم تسجيل المقطع الجديد لأغنية حبك عذاب



وقت الجمهور سمع هالشي و قام و ما قعد اجا وائل زادها و غنالهم غازلني



شو هالخبرية الحلوة قالولي أنك جايي كان الجمهور قبل ما يجي وائل عم يغنيلو اياها لذلك البرنس كمان قلهم شو هالخبرية الحلوة



و كيف بدو يعمل البرنس حفلة بدون ما يغني للجمهور الأغنية اللي عم يستنى سمعها (هيتس ال 2006) بحبك أنا كتير



و طبعا اجت ساعة الصفر و خلص وقت الحفلة و اجت اللحظة اللي الجمهور كان خايف منها من وقت ما سمع بالحفلة بس البرنس ما رضي يمشي و يودع الجمهور قبل ما يرجع يغني يا هوا روح وقلو (عمري كلو)



و هيك خلصت الحفلة و كانت ليلة من ليالي العمر

بتمنى كون نقلتلكم الحفلة أحسن نقل و انتظروا كل جديد من مراسلكم عمارو ستارك

[الهدوء المزعج]

أخوي عمّار .. بصراحة ما أعرف كيف أشكرك على هذا الجهد الآكثر من ممتاز ..
وياليت كل الأعضاء بيكونوا مثلك في حيويتكـ وهمّتكـ العالية معانا ..
وائل كفوري بصراحة صوت راائع وأكيد أي حفل بيحضروا بيجعله من أجمل الحفلات ..
وأنا ما أشك في انك استمتعت في الحفلة ..

تحياتي لك .. تم تثبيت الموضوع ..

[~GiiGii~]

شكراااا لك عمااار على الموضوع الرائع

[مجنونة وائل]

مرسي عماااااااارو من جد كنت حابة كون اول يلي بردوا عموضوعك بس الهدوء سبقني
مرسي كتير ومن جد مش عارفة كيف بدي اتشكرك على هالمجهود الرائع والمهم انا يلي ضيف الموضوع هيدا مش انت بس يلا سبقتني ..... يالله كنت حابة كون موجودة بس ماقدرت كان عندي ظروف كتير صعبة بس لو كنت نازلي عبيروت واخذتني معك جاي عبالي اعطيك كف ههههههههههههه مرسي كتير عمجهودك الملحوظ ربي يخليك
اكيد وئولي ولع المسرح وبلا شي الشعب السوري ولا احلى من هيك ياقلبي بس لو كنت حاضرة كنت جننت الجمهور وماخليتون يعقلوا هههههههههه مرسي مرة تانية وتالتة وعاشرة عماروووو
مجنونة وائل"مايا"

[ولد الدرب]

شكرااااااااااااا عمارو على المجهودات الي بتبدلها ..

بس لا تصدق الخاين الي هو الهدوء..
بيحاول يزبطك بس على مين..

[ammaro starac]

و الله يا مايا كان في لبنانين كمان كتيييييييييييييييييييييير و كان فيه سيارات من كل أنحاء سوريا

طبعا الناس كان معاهم حالة جنان بالحفلة تمنيتك من قلبي

بس الصراحة توقعتك تكوني هونيك أول وحدة

بس مو مشكلة خيرها بغيرها

انشا الله الحفلة الجاية بلبنان بنحضرها كلنا

الهدوء مشكور يا عمري للتثبيت

جيجي نورتي يا عسل

[ammaro starac]

عدول ثقتي بالهدوء ليس لها حدود

أيها التمسوح الخاين و الغيار !!!!!!!!!!!!!!!!!!!!!!!!!

[MISS SARAH]

مشكور يا احلى عمار على النقل والمجهود الكبير

[soraya55]

شكرا عمار على المجهود الأكثر من رائع

[hicham009]

شكرا عمارو على التغطية الجميلة