اناليامني بغيت

[بن حازم العوفي]

أنا ليا منّـي بغيـت ابـدع القـاف =
جلست مع نفسـي بجلسـه خليّـه
سريت انا ليلي كما الذيب هـرّاف =
وقرّبت انـا الفنجـال و الشاذليـه
جبت الزقاره لو بها عيب و اخلاف =
تكوي جروحٍ في ضميـري خفيـه
أبدا بحرف النون و من قبلها كاف =
بإذن الإله اللي على الكون ضيّـه
وتجيني حروفي ثقيلات و اخفـاف =
تقول تحـت أمـرك لنـا مقدريّـه
قمت أتفكّر في زمـانٍ لنـا طـاف =
وقتٍ مضى معهـا سنيـنٍ خليـه
مع داعج الاعيان منبـوز الارداف =
هافي الحشا راع العلـوم العذيـه
أدعج غنج ماله شبيـهٍ بالاوصـاف =
بيـن البنـيّ خلّـي عديـمٍ حليّـه
يلمع كما لولو يحيطنّـه اصـداف =
واللولـو فروقـه عليهـن جليّـه
لولاه ما فكّرت في بدعـة القـاف =
ولا شربـت التتـن و الشاذلـيـه

[السفـــــــاح]

اخوي بن .. حازم ..
صح لسانك ولا هنت ياغالي
وسلمت اناملك على هذه الابيات
تقبل تحياتي
اخوك/السفــــاح