بسم الله الرحمن الرحيم
شدني موضوع قريته من جم يوم وحبيته اطرحه اهني
يقول الصحفي كاتب الموضوع :
كنت رايح للجمعيه اتشرى اغراض للبيت وانا طالع للسيارة عند جهة المصافط شدني صوت عالي بين السيارات
ورحت صوب الصوت ولا
بوحدة تخانق مع شخص يحاول انه يعطيها منشور واهي رافضه انها تاخذ الورقه
قربت منها يمكن تبي مساعده ولا شي وكلمتها بصوت عالي اختي في شي , مضايقج الاخ
انا قلت هالكلمات ولا الشخص اطلق ساقيه للريح ورمى الاوراق الي كانت بيده
يقول انا ذبحني الفضول وسالفه الاوراق ولا الاخت قاطعتني وقالت شفت الدنيا اشلون صارت تقول انا شفت المنشور على سيارتي ويوم قريتها استغفرت ربي ورميتها ولا باشخص الي معاه المنشورات جاني ويحاول يقنع فيني اني اقرى الورقه واخذها يمكن استفيد منها بالمستقبل تقول ما قدرت اتمالك نفسي وقمت اسبه والعنه لين جيت انت وشفت الباقي
قامت تستغفر وركبت سيارتها وراحت المرة
يقول الصحفي ما الوم الاخت يوم انها انصدمت كان نص الورقه شنو
بسم الله الرحمن الرحيم
" وأما بنعمة ربك فحدث "
صدق الله العظيم
يعلن الشيخ الفاضل ابو فلان عن عرض خدماته وذلك من خلال قراءة الكف وقراءة الفنجان ومعرفة امور المستقبل
وعلاج الامراض المستعصية وعلاج العقم بإذن الله
ومستعد لعرض خدماته للاخوات الفاضلات
رقم الجوال : **************
ولا والي زاد الطين بله انه المنشورات وزعت بطريقه ذكيه الاخ الي كان يوزع الاوراق كان يترقب ويشوف السيارات ومنو اصحابها اذا كانت بنت على طول طوى الورقه وثبتها بالسياره
سبحان الله بعد ما كانت اعمال الشعوذه والدجل تحدث بالسر وبالخفاء صارت الحين علانيه وجدام الكل
يا الله ثبت العقل
واترك لكم التعليق
اختكم
اصاااااااااااااايل بنت الكويت