تدري وش صاب الرياض ......

[αℓ нαωα αℓ gнαιв]

تدري وش صاب الرياض!!..
أمطرت عقبك دموع..
والنخيل ..أعلنت حالة خضوع..
شئ فيه من الحزن لمحة ركوع..
أمطرت تبكي دموعي..
وارتوت كل الشوارع..
بعد ما ودّعتها أقسى موادع..
•_-_-_-_-_-_-_-_•
تدري وش صاب الجمر!! ..
انطفآ وأصبح رماد..
عذبه طـاري البعاد..
من عرف انك مسافر..
أعلنت جمرات حبي حال "ممنوع الرقاد"
•_-_-_-_-_-_-_-_•
تدري وش صاب الخفوق!!..
فيه بعض آثار شوق..
وبه جروح وبه حروق..
وبه سوالف لو تروق!!.
وبه نزيف بالحنايا ..
من فراقك .. يا هوى قلبي الصدوق...
•_-_-_-_-_-_-_-_•
من يعوضني وجودك!!..
مين يسقيهـا ورودك!!..
تدري وش صاب الورود!!..
اكتست لون الجفاف..
وأعلنت حالة صدود..
كنت أبسقيها .. ولكن !!..
صدها عني يزود..
تمتنع مني وتصد..
ماتبي غيرك أحد..
•_-_-_-_-_-_-_-_•
تدري وش صاب النجوم!!..
اختفت بين الغيوم..
عذرها اللي مافهمته..
أنها بحالة وجوم..
وأنها - بعدك - تعاني
تسمع آهات وهموم...
•_-_-_-_-_-_-_-_•
تدري وش جاني " أنا "!!
موت .. وتعذيب .. وعنا ..
فاقدٍ معنـى ألهنا ..
عندي اللحظة سنه ..
رحتِ..
وضعت من بعدك أنا ..
هذا في حالة ركوع .. وذاك في حالة جفاف..
وهذي في حالة وجوم..
و " أنا " ؟؟..
مين يواسيني أنا ؟؟...






منقول .... إنشالله تعجبكــــــــــــم ...

[أبو مروه]

أخي مراصيع الغرام

دائماً صاحب ذوق في إختيار القصائد

أقدم لك شكري وأتمنى لك دوام التوفيق


أخوك أبو مروه

[اميرة الاحلام]

	اخي مراصيع الغرام اشكرك على احضار هذه القصيدة المميزة لنا لنقراها ونستمتع بها......... تحياتي اختك:اميرة الاحلام

[αℓ нαωα αℓ gнαιв]

مشكـــــورين على مــــروركم ... أبو مروه + أميـــره الأحلام ..