احلى لهجاااات في مملكتنا الحبيبة !!!!

[$همس المشاعر$]

مرحبا

عندي لكم موضوع غير شكل .. ويارب يارب يعجبكم.. لأني تعبت فيه شوي..
ونفسي.. كل واحد فيكم يقرأ الموضوع يكتب كلمة أو كلمتين على الأقل .. خلونا نتعرف على لهجاتنا أكثر ياجماعة...
بس ها.. أنا أبغى كلمات غريبة يعني مايفهمها إلا أصحاب اللهجة عشان مرة حلو لما يكون عندنا مخزون كلمات من غير لهجتنا .. أنا حاولت أجمع بعض الكلمات من هنا ومن هنا يمكن أكثرها تعرفونها بس أنا قلت بكتبها كبداية وبعد كذا أتمنى انتم تزيدون عليها.. طيب؟!!

كما نعرف إن مملكتنا الغالية متسعة الأرجاء وفي كل جزء منها سواء الشمال أو الجنوب أو الشرق أو الغرب لهجات متعددة ومختلفة ..
أنا عندي لكم بعض الكلمات من لهجات مختلفة وأتمنى إنكم تزيدون عليها أو تصححونها إذا كان فيها خطأ..
نبدأ بالمنطقة الغربية بما إني من جدة .. لكن قبل ما أعطيكم الكلمات أحب أقول لكم إن أكثر الكلمات أخذتها من أخويا يعني أكثرها كلمات تكون بين الشباب وبس أما الكبار مايقولوها...!
خذوا عندكم :

ألطشه... يعني أعطيه كف على وجهه

طاحس وزاحف وهيامه... كلها تعني القوة .. وللتوضيح أكثر تسمع ولد يقول للثاني شوف شوف أحمد مسوي فيها هيامه أو طاحس أو زاحف يعني مسوي فيها قوي وبطل ومحد يقدر عليه .. يارب تكون وضحت لكم

كمان .. يعني أيضا

لاتِنْبَرِشْ.. بكسر التاء وفتح الباء وكسر الراء.. يعني لا تتدخل في إللي مايعنيك..

مويه... يعني ماء لكن بلهجتنا الجداوية

لاتُخْرُشها ...بتسكين الخاء وضم الراء... تعني لا تضيع الهرجه لما واحد يسألك سؤال ماتبغى تجاوب عليه تقوم تغير الهرجة يقولك لاتخرش الهرجة وجاوبني!... ها فهمتوها.. يارب

وِحِش.. بكسر الواو والحاء... يعني مو حلو

أَتْرَزِع. .. بفتح الألف وتسكين التاء وفتح الراء وكسر الزاي. أو أنطق بفتح الالف وتسكين النون وفتح الطاء.. يعني أجلس بس تنقال لما تكون معصب . .

أَطًلًس... لا لا لايروح فكركم لأطلس الخرائط.. هنا تنطق بفتح الألف وتشديد الطاء واللام ... يعني أنغلب.. وللتوضيح أكثر.. لما يفوز الاتي العميد على الطحالب إذا ربي أراد تجي هموسة وتقول لمشجعين الطحالب طلسناكم بجدارة .. يعني غلبناكم ..

فِج... بكسر الفاء .. يعني روح .. أو وريني عرض أكتافك... ههههههههههههه

هرجة ..... يعني سالفة او موضوع مثال::: ايش الهرجة؟؟!! يعني ايش السالفة او الموضوع



ومن كلام أهل الشرقية خذوا عندكم :

رمسه .... رمس يرمس رمسا .. فهي رمسه .. يعني هرجة.. أو سالفة زي ماتحبون

خنت حيلي ... وا عليا عليها ... تقال عند الشفقة بحال المتحدث عنه ..

ماي ... يعني مويه .. يعني ماء..

عيش .. يعني رز مطبوخ شفتوا الفرق بين الحجاز والشرقية! .. الحجازيين يقولوا عيش على الخبز ..

شنو ... يعي .. إيش .. أو ماهذا ؟ .. يعني اسم استفهام؟

شكو ... تقول إنت شكو .. يعني إنت إش لك شغل... أو لاتتلقف..

هم .. مو من الهم والحزن لا.. هذي تعني كمان في لهجة الجداويين .. يعني.. أيضا

ماكو ... يعني مافيه ..


ومن لهجة أهل الجنوب خذوا عندكم :

أَحْلَيه .. قولوها كذا بسلاسة أحليه.. بفتح الالف وتسكين الحاء وفتح اللام.. يعني أنا حر.. حلوه صح أنا أعجبتني مرة

هَوَيه.. نفس نطق أحليه ..بفتح الهاء والواو ... يعني ليش؟ ..يعني اسم استفهام ..

وَرٍعِي ... بفتح الواو وتشديد الراء بالكسر.. يعني انتظري

سردانة ... يعني بردانة ..

إمْدهينه .. بتسكين الميم ... يعني زيت .. وترى هي دهينه بس هم أهل الجنوب يضيفون إم لكلامهم


ومن لهجة أهل الشمال خذوا عندكم :

هيك .. بعني كذا .. يتكلمون مثل أهل الشام عشان قريبين منهم

ميه ... بفتح الميم وتسكين الياء.. يعني ماء


ومن لهجة أهل نجد خذوا عندكم:

رِقى. بكسر الراء يعني طلع أو بالفصحى صعد تقول أحمد رقى الدرج يعني صعد الدرج

وراك .. يعني ليش او إشفيك تقول مثلا أحمد وراك ماحضرت مباراة العميد البارح؟

هماك .. يعني بالجداوية " مو " أو" مش" اضرب مثال عشان تفهمون أكثر تقول أحمد هماك قلت إنك بتحضر المباراة ! يعني " مو " ومعليش لاستخدامي اسم أحمد كل شوية عشان أنا أموت على هذا الاسم!!

بعد.. يعني كمان

في ذا.. هذي الكلمة مرررة تعجبني معناها : هنا .. تقول إحنا ساكنين في ذا

أسطره.. يعني ألطشه بالجداوية .. يعني أعطيه كفوف..

ميه.. يعني ماء

عيش .. يعنيي رز مطبوخ زي كلام أهل الشرقية


وانتهى التقرير...

مراسلتكم $همس المشاعر$ من مقر التحري لمنتدى عالم الرومانسية جدة

أعرف أعرف .. إني ماجبت لكم كلمات كثيرة بس عاد هذا إللي قدرت عليه والباقي عليكم كل واحد يعطينا كلمة أو كلمتين .. ماهي صعبة .. تكفون أبغى شوي تفاعل وراح أكون شااااكرة لكم ..

تحيااااااااااااااااااااااااااااتي:

$همس المشاعر$

[دروب المحبـــــة]

همس المشاعر
أولاً : يعطيك العافيه
ثانياً : يابنت الحلال ماصدقنا نفتك من النحوووووووو لاحقتنا فيه بعالم الرومانسية
(كسر الراء فتح بالباء ضم الواو ) تذكرت ايام المدرسة وحصة النحو وفنون التسطير
اللي اخذناها 000
ثالثاً: انبرش (هذي تخصص احمد جميل والخليوي ) من كثر ماينبرشون زرع ملعب جده مايحتاج قص
ثالثاً : الاهلي طحالب والاتحاد تسماح والهلال زعيـــــــــــــــــــم 0
يسلمووووووووووووووووووووو على المجهووووووووووود الرائع

[$همس المشاعر$]

يا الساهر


سؤال؟؟!!!

ايش دخل اللون الاصفر والاسود في التمساح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياخي الاتي ذهب وعميد النوادي

والهلال ما قلنا شي عليهم ينبلعون مافي مشكلة

والاهلي طحالب ما ينبلعون حتى مع بيبسي .......خخخخخخخخخخخخخخخ


وبعدين يا أخ الساهر يا ريت تجيبلنا بعض المصطلحات من مصطلحات اهل تبوك عشان نتعرف على اللهجات اكثر






وووووو مع السلامووو عليكم

[:+:أسيل :+:]

هلا والله هموسه
عندي اضافه صغيره

لاتقروشيني=يعني لاتلعبي علي

والله من زمان عاجبتني هالكلمه

يســــــــوقها=قاعد يخرط=يكذب

صراحه موضوع رائع يسلموو ياقلبي..

[$همس المشاعر$]

مشكوووووووووووووووووووورة اسولة على مروووورك الرائع


عندي اضافة بسيطة

هي كلمة لا تقروشيني جاية من قروشة <<<محد يفهمها غير اهل جدة

اذا كانت كذا فعندي معنى اخر لقروشة

قروشة==== ازعاج او مشكلة ... اقربلكم اكثر بمثال: احمد مسوي قروشة في الفصل او تعالوا شوفوا احمد مسوي قروشة

ادري انها كلمة تضحك بس حلوة ترا استعملوها

ونبغى تفاعل يا هووووووووووووووووووووووووووووووووووووووووووه

[غرنوج]

مشكووووووووووووووره اختي همس


بس اترزع هاذي كلمه مصريه مو سعوديه

ويا ليت تعرفين هاذي منو لهجته

وشكراً



اخوكم المحب غرنوج

[كــــاسر2]

يؤيؤ ياناس من وين لكم هالكلام


في اي حته في اي زاويه

كيف ينفهم .. ليه مايترجموه عربي




مشكوووووووره همس

[$همس المشاعر$]

اخوي غرنوج مشكور عالمرور بس كلمة أترزع اهل جدة يقولونها وانا منهم وترا كلمة مشهوووورة عننا يمكن لانك مو من جدة ما تعرفها



كاسر 2

ترى الكلام عربي 100 % بس يمكن مهجن شويتين ................خخخخخخخخخخخخ

مشكووووووووووورين عالمروووووووووووووووووووووور

[@@wanted@@]

عندك كمان كلمات اهل جدة علشان انا كمان من جدة ::::

عسى كيف ,,, يعني اش بتسوا

كيف يومكم ,,, يعني فين خارجين اليوم

اسري بحالك ,,, يعني روح في حال سبيلك

مع نفسك ,,, يعني لحالك او لوحدك

واهل الرياض """"

مثلا فين البوك ,,, بس مو قصدوا الجبنة قصدوا المحفظة اللي فيها الفلوس و الأوراق

تحياتي

[$همس المشاعر$]

يا هلا والله بأهل جدة الطيبين


يسلمووو اخوي على اضافتك الكلمات هذي وشاكرة تفاعلك مع الموضوع


تحياااااااااااااااتي:

$همس المشاعر$