من سب الرسول

[حتشتش]

يالله بك الجا يالهي واحتـزم بـك واستعيـن
من يكسر العظم الصليب بقدرته ثـم يجبـره

يا ناصرٍ جندك بغزوة بدر وبغـزوة حنيـن
يا مرسـلٍ عبـدك محمـد للعبـاد المنكـره

لك تسجد أجبـاه العبـاد موحديـن وعابديـن
ويعود لك أمر العباد من أولـه ليـن آخـره

يا الله بنصرك يا إله الكون يا الله يـا عويـن
والقلب لامن زاغ عن ذكرك يا ربي تسخـره

ثم شرهتي للي علـى ديـن الإلـه موحديـن
وبأسم رب الكون في كـل الوجـود مكبـره

وشلون يا أمة محمـد نستريـح ونستكيـن ؟
ونبينا يشتـم ويظلـم والحلـوق مسكـره ؟؟

ما باقي الا صفـوة الأمـه أمـام المسلميـن
ينهان من حفنة يهـودٍ يتبعـون لهـم مـره !

ينهان قدام الملا في الصحف وأنتـم ساكتيـن
حتى صحف بعض العرب قامت تزيد وتنشره

قاموا عيال الكفر وأهل الشرك للشخص الثمين
فـي خطـةٍ مرسومـةٍ لإهانتـه ومـدبـره

الله يـا حكامنـا اللـي كلبوكـم خاضعـيـن
مافيكم اللي زاد عن شجبـه وجـا يستنكـره

كله كلامٍ في الهوى فيه الغثاء وفيـه السميـن
والمشكلة أكثر علـوم أهـل الحكايـا بربـره

تكفون يـا حكامنـا اللـي للـوازم محتسيـن
لا تتركون الكلب يأمن ليـن شـره يقصـره

هبوا بوجه الذيخ الأرعن واحتموا له باليميـن
عطوه صفقه باليمين الصامله فـي صنقـره

لا ترتخون بوجه من عدا الحدود ولـه سنيـن
يفتن وفعل المعتصم في اجدادهم مـا يذكـره

كونوا ومن دون الرسول المصطفى درعٍ مكين
والساعد الي طال شتمـه لازم انـا نكسـره

الله يذل اللي عن النصـرة يميـل ويستهيـن
والله ينصر من تحرك لـه وفكـر ينصـره

أبكي زمان أهل السيوف .. أبكي زمان الأولين
في السيرة اللي في الكتاب وفي العقول معطره

عن فعل ابو بكر وعمر جتنا فعول الخايبيـن
وعقب السيوف اللي تقص العظم جتنا المحبره

لا يا رسول الله ما حنـا لنصـرك مغفليـن
والله مـا نهـدأ أليـن اللـي يسبـك نحقـره

والله لو نبذل لـك الأرواح نبقـى مقصريـن
يا طاهرٍ كـل النفيـس لأمتـك مـا تذخـره

لابد تسمع صرخة الإسـلام عنـك مدافعيـن
ولابد تحصد بذرك اللي مـت وأنتـه تبـذره

روحي فدالك يا رسول الله يا الشهـم الأميـن
فضلك على أمتك في سنة إلاهك مـا أكبـره

وخدي مواطي مقدمك عن شوك كل الحاقديـن
وعرقي فدالـك يـا رسـول الله والله لبتـره

ويا الله بنصرك يا إله الكون يا الرب العويـن
ورسولنا الحر الأبي يا الله بنصرك تنصـره

[القلب المغرم]

اخي العزيز

بصراحة لا اعرف ماذا اقول .. انا اقف الان امام لوحة تتميز بالابداع اللامتناهي

اخي .. اختيارك للمواضيع الجادة .. والهادفة .. تضعك في مصاف الاوائل .. والمميزين

تحياتي من القلب لك اخي الحبيب

ولك مني باقة احترام وباقة تقدير

[maryana]

شكرا على المجهود..........قصيدة رائعة.........

[حنين المشاعر]

[...................فديت اصل كل شخص يدافع عن الرسول عليه الصلاة والسلام.........لو بلكتابه.........
اذا كانت من القلب فهي جديره بان تقرء....................صح لسانك
اختك,,,حنين المشاعر

[بحار نجد]

	الله يعطيك الف عافية على هذه المشاركة القيمه لا حرمك الله من أجر نشرها اللهم صلي على محمد وآل محمد

[حتشتش]

انا اخوكم حتشتش قريبا باذن الله تحويل الاسم الى الشهــــــــري