دكتور كلاسيك فكنا من الورطة

[الكاسر2000]

السلام عليكم ورحمة الله وبركاته

كيفك يادكتور كلاسيك عندي مشكلتين أولا فرمت ثلاث أجهزة الجهاز الاول تفرمت من أحسن مايكون الحمدالله
الثاني تفرمت بس بعدين طلعلي نظامين ويندوز أبغى أحذف الثاني ؟؟؟؟؟؟؟؟؟؟؟
الثالث تفرمت بس بعدين جاتني الالوان 4 بت خخخخخخخخ رحت فرمته مرة ثانيه على القرص الثاني وبرضو صار عندي نظامين ويندوز والالوان نفس المشكلة والحجم كبير كيف أحذف الثاني وبالنسبة للألوان كرت الشاشة ليس عندي مافي طريقة ثانية إني اصلحه مع العلم أنه الاجهزة نفس الشي ايش امعنى هذا صار فيه كذا تهي تهي تهي تهي تهي

انتظر ردودكم بفارغ الصبر

جزاك الله خير مقدما

[Dr.Classicy]

هلا بك و الله أخوي كاسر 2000

أخوي ممكن تقول لي كيف طريقتك في عمليه تنزيل الويندوز ؟؟؟

[الكاسر2000]

السلام عليكم ورحمة الله وبركاته

والله يادكتور أنا ماشي على شرح عندي عن طريقة الفرمته بس أنا عرفت الغلط الي أنا سويته بس أبغى أصلح الغلط كيف احذف الويندوز الثاني وكيف أصلح ألوان الشاشة

الغلط إني لما أفرمت يسألني إذا تبغى تحذف إضغط L وأنا من الفلاحه ماضغطت لانه عكر معي عشان كذا ماضغطت حرف L المهم نزل ويندوز ثاني وابغى احذفه كيف ؟؟؟
والثاني نزلت على قرص السي قرص الدي كيف أحذف واحد وكيف أصلح الالوان بدون تعريف وإذا كان لازم التعريف كيف أعرف السيدي الي للشاشه ومن وين أعرف رقم الشاشة

انتظر ردك بفااااااااااااااااااااااااااااااااااااااااارغ الصبر

جزاك الله ألف خير على جهدك

[Dr.Classicy]

أولا ً بما أنه نزل الويندوز الثاني على الدي

إذا فرمت الدي راح يروح الويندوز لكن عند التشغيل راح يقول لك أختار أي نظام تشغيل تبغى

لأن في ملفات للويندوز الثاني ( ملفات الأقلاع ) موجوده على السي و من الصعب أنك تحدد هالملفات

فأنت لك خيارين يا أما انك تفرمت الدي و تتجاهل الخيارين اللي يطلعون لك عند كل تشغيل

أو أنك تفرمت السي و الدي من جديد و تعدل خطئك

و بالنسبة لتعريف كرت الشاشه

هذا أمرها هين

أفتح الكمبيوتر و شيل الكرت و شوف أيش نوعه و أدخل على موقع شركة الكرت

و بعد كذا سو بحث على رقم الاصدار الموجود بالكرت

و حمل التعريف من موقع الشركه و نزله على الجهاز

و إن شالله راح يتعرف عندك

تحياتي لك

[الكاسر2000]

كيف أفرمت الدي بدون مانزل الويندوز هو مو تلقائيا ينزل الويندوز ولمن أفرمت الدي بدون مانزل الويندوز لازم السي دي
وبعدين انا قلتلك احنا في مدرسة فاكر المشكلة القديمة الي حقت الرقم السري يعني مافي نت وكرت الشاشة من وين أشوفه وكمان هي نفس الاجهزة فرمتها ماصار شي للشاشه ليه هذي الشاشة صار فيها كذا

[Dr.Classicy]

تقدر تفرمت الدي لما تدهخل على النظام اللي نازل على السي

تضغط كلك يمين على قرص الدي و تختار تهيئه

و تبدأ تفرمت عادي

و بالنسبة لتعريف الكرت أنت لما تروح المدرسه سيك على الكرت و أعرف اسمه و اصداره

و تعال البيت و دور على التعريف في النت

و جيبه معك بالدوام و عرف الكرت

و بما أنه تعرف على أجهزه ثانيه رغم انهم كلم مثل بعض

و ممكن يكون السبب في هالمشكله هو نزول الويندوزين و تسبب في تشابه الملفات و راح التعريف

لكن لما ينزل ويندوز واحد إن شالله راح يتعرف الكرت بدون مشاكل و بدون ما تدور عليه من النت

تحياتي لك

[الكاسر2000]

طيب معليش استحملني شوي أول مافتح الجهاز يسألني أيت ويندوز أبغى كيف أعرف هذا في السي ولا الدي
والكرت من وين أعرف أشيك عليه كيف أعرف كرت الشاشة وقصدك أفتح الجهاز ولا من معلومات النظام
وكيف أعرف الكرت إذا جبته

[Dr.Classicy]

الخيار الأول 100 % راح يكون على على الدي

فأنت أختار النظام الثاني

الكرت بما أنه مو متعرف عندك ما راح يطلع عندك نوعه من عند معلومات النظام

يا أما أنك تفتح الجهاز و تشوف كرت الشاشه عندك

أو بما أن الأجهزه الثانيه نفس هذا الجهاز

طلع أسم الكرت من عند معلومات النظام في أحد الأجهزه اللي تعرف فيها الكرت بشكل سليم

تحياتي لك

[الكاسر2000]

سلمت يداااااااااااااااااااااااااك والله يجزاك أللللللللللللللللللللللللللللللللللللللف خير

ومعليش والله عارف أني تعبتك معي اذا فتحت الجهاز كيف أعرف أنه هذا كرت الشاشة

جزاك الله خير الجزاء على جهدك

[Dr.Classicy]

كرت الشاشه هو اللي تشبك فيه السلك اللي طالع من الشاشه ( المربع )

و إن شالله تنحل مشكلتك

تحياتي لك يالغالي