[أحب أمي]

مرحبااااااااااااااااااا
هادول اتنين من جماعتنا تلاقوا بعد زمن


الأول: كيفك يا زلمة وكيفو أبوك انشالله تحسن؟

التاني: انا ماشي حالي الحمد لله بس الوالد عطاك عمرو

الأول: لا حول ولا قوة إلا بالله! العمر إلك، بعرف كان عندو القلب. يالله ... الله يرحمو

التاني: الله يرحمو ... بس الوالد ما مات من القلب

الأول: كيف توفى لعاد؟

التاني: الله يرحمو بآخر فترة ضعف نظره كتير. مرة طلع عالبلكون ما شاف الحفة وقع وبتعرف بيتنا تالت طابق

الأول: له له على هالموتة، الله يرحمو

التاني: والله تعذبنا فيه كتير وعملنالو شي 12 عملية لتحسن مع إنو صابه صرع

الأول: !!! لعاد كيف توفى؟

التاني: صار يحمل عكازة بآخرعمرو ... ومرة عم يقطع الشارع، إجت سيارة مسرعة وخبطه ابن الحرام

الأول: يه يه يه ... الله يرحمو يا سيدي

التاني: ربك رحيم كان فيه جار إلنا حطو بالسيارة ولحقو عالمستشفى ... بس النزيف الداخلي كان رهيب

الأول: الله يرحمه. على كلٍ ربنا ...

التاني: سفرناه على أسبانيا وظلينا 6 شهور نعالج فيه تاتحسّن، بس صابو شلل نصفي

الأول: طيب كيف مات يا زلمة؟

التاني: صار معو فشل كلوي حاد وصرنا ندور على متبرع كلية وتأخرنا عليه كثير

الأول: يا سيدي العمر إلكو، ارتاح وريّّح

التاني: بالصدفة إجا شخص بيعرفو من زمان – صحبة – تبرعلو بالكلوة بآآآآآآآآخر نفس. صحيح إجاه تسمم بالدم، بس عاش

الأول: ............................. طيّب!؟ ... وبعدين يعني، كيف مات؟

التاني: بالبيت وهو قاعد ما انتبه عالغاز مزبوط، احترقت الشقة وهو لحالو فيها

الأول: يالطيف يالطيف على هالموتة ما أبشعها ... يا ريتو مات قبل هيك

التاني: بس جارنا الله يجزيه الخير انتبه ... كسر باب البيت ولحقو بآآآآآآآخر لحظة عالمستشفى. عاش صحيح بس انحرق عالآخر

الأول: يستر على عرظك تفهمني كيف مات هالمشحّر؟

وللان لم يعرف سبب وفات الأب