قصيده لشاعر حامد زيد(السفينه).

[ابـــوفـــهـــد]

قصيده لشاعر حامد زيد(السفينه) ان شاءلله تعجبكم


ضاقت وساع الفيافي والوعد متن السفينه

للطريق اللي دعاني بعد أمان الله وأمانه

لاتناديني وصوني قلــبك الله لايهـينه

لايراهن في رجوعي لجل مايخسر رهانه

ليه ما أرحل عن غرامك بعد ماذقت الغبينه

أذكريلي شي واحد يستحق أقعد عشانه

قلـب ماحن لوصالي ماني بحاجة حنيــنه

وأشــهد أنه مايعـزر بالرفيع الا هوانه

الــهوى الغدار حد الله مابيني وبينــه

والرجل لاخير فيـه إن ماحفظ قدره وصانه

واحدٍ مثلي اليا من حدته عوجا سنينــه

ماشكى لقرب أبن ادم لوهو أقرب من أخوانه

يـوم قلبي ماعصاك وماقدرتي تذبحينــه

ليه خنتي فيه وأنتي معه من نفس الديانه

كان ذبحي بـيدك أرحملي من اللي تفعلينه

وأن طلبتك تذبحيني ماذبحتيــني لعانه

كل جرحٍ من جروحي تذكرينه .. تنكرينه

كن مالك في نزيفه (يد) خانت بالأمانه

ينـزف الخافق تـواضع لين لطختي جبينه

والا أنا ماكنت أبيها توصل لحد الأهانه

قلـت من باب الميانه صاحبك وتعذبينه

لعنبوك إرخي معاي أشوي ماصارت ميانه

طعت عقلك يوم قيل إن العقل للبنت زينه

لكن الشرهه علي اللي كنت أحسب إنك تكانه

من بعد ماكنتي أنتي في حشاي أغلى سجينه

بوعدك بطلق سراحك وأتهميني بالأدانه

وين رايح..؟ لأي دربٍ مايـرجع للمدينه

ليه رايح..؟ لان قلبك ماترك قلبي وشانه

كيف أبنسى.؟ ربي اللي ملهم القلب السكينه

مثل ماعانه بقربك لانوى فرقاك عانه

كان قاسي يجرح أطراف السكاكين السنينه

مايطيح وبنتٍ مثلك حبها هزت كيانه

والا أنا خابر خفوقــي مايمد الا الثمينه

وإن بغى يغيض الثريا قعد القمرى وزانه

مزعلٍ لجلك هنوفٍ رجـت عقول رزينه

وإن تهادت بالطريق الجرهدي تزهر جنانه

جادلٍ كن الجمال قبالـها كتف يديـنه

والقمر لو شاورت له ينـزح وتقعد مكانه

كانت أول من تحكم فـي فروع الياسمينه

وأن تعدتهن تثـنن خيزرانه .. خيزرانه

بعتها لجلك وصارت لأصغر أطرافك رهينه

وألا هي لفتة هدبها تغمرك ثقل ورزانه

والخفوق اللي تغذى مـن معزة والدينـه

مشكلته إنه تعلـق في زمن ماهو زمانه

كل مازادت جراحه وأكتشف غلطة ضنينه

صدقيه أن قال مابه شخص يستاهل حنانه

يـوم نادا يافلانه مارضيتي تسمعينــه

لين صوت يافـلانه ,يافـلانه ,يافـلانه

كنت أشوفك زعفرانه تقرض الورد وتدينه

يمكن أني ماقطفتك بس أشوفك زعفرانه

كنت أهاب البعد عنك وأطلبك لاتذكرينه

كان خوف من الفراق وخطوت الفرقا جبانه

وماقتنعت أن الخيانه للـرجل تلوي يمينه

لين ماربي بعثك وذقت من طعم الخيانه

إسمحيلي..مابقى فينـي مكـانٍ تطعنينه

وأقبلي من جوف قلبي كل عطفه وأمتنانه

والله الله في عذابك بتركـك عينك بعينه

دللـيه ولايرده عن شقـاك إلا لسانه

والا أنا قررت أسافر وأمتطي ظهر السفينه

لأن مابه شي واحد يستحق أقعد عشانه



اخوكم ابوفهد

[اميرة الاحلام]

	اخي ابو فهد تسلم ايديك على القصيدة الرائعة........... اختك: اميرة الاحلام

[القلب المغرم]

اخي ابو فهد ...

قصيدة رائعة .. وتعبير ابداعي مميز ........

سلمت يداك ... ودمت بود ............

[الفارس حسن]

اخي ابو فهد ...

قصيدة رائعة ..

سلمت يداك ...............

[ابـــوفـــهـــد]

مشكورين اخواني على ردودكم

والله يسلم يدادكم وهذا من ابداع الشاعر حامد زيد


اخوكم ابوفهد

[اميرة الاحلام]

	اخي ابو فهد نعلم انها ليست من كتاباتك...........ولكنك صاحب ذوق رفيع لاختيارك هذه القصيدة الرائعة. اختك: اميرة الاحلام

[ابـــوفـــهـــد]

ياهلا اختي اميرة الاحلام بس ترا ماطلع شيء في ردك لا كلام ولا حتى صوره مادري بس يمكن البلا



من جهاز على العموم سواء انك رديتي بكلام ولا فقط طليتي علي بطلتك البهيه


هذ فخر لي



اخوك ابوفهد