مساجلات شعرية.. وتحاور بالوزن والقافية

[خاطــــــوف]

هلا باللي له الخافق يهلـي
يذوب الشوق لا أقبل عبيـره
هلا بك يا بعد من كل كلـي
هلا باللي ينورنـي مسيـره
تغني العين .. والفرحه تفلي
بشوفة صاحب النظره الأسيره

[البتوووول]

هلا باللي إذا اقبل علي وخاطري مكسور :: يداوي كل هفوات الزمان ويجبر كسوره

[& متزوج ولكن &]

هلا بك يا سبب نبض الحروف و دندنة أشياي
قبل حبري يسيل و هم صدري يرخي ركابه

نزفتك لـ القهر حتى لقيتك في هنا و اقصاي
و جيتك ما معي غير السهر و الشعر و أسبابه

[العـرووب]

هذا حــال الزمــان / و كلــنا قـد كـفـاه
من زمانه / هموم(ن) / يا كبـــر نارها

نشتكي / ليت ينفـــع / أينـا مشتــكـاه
خل عنك التشــكي / وارضى باقــدارها

كل ليل (ن) مصيره / ينتهي به دجـاه
ابتسم يالمعــنى .. و دمعتــــك دارها

[الرحال.1]

اذا نويت البعد خل لي بعض الأشياء ذكرى جميله من بقايا غرامك

لا قل ودك يفعل الله ما شاء كانك نويت البعد يكفي إحترامك

عادي يموت الحس في قلوب الأحياء وعادي بعادك ما يغير مكانك

[العـرووب]

كبرت وزادت همومي وأحس إن" الزمن ضدي "
كبرت بشكلي ورسمي وقلبي باقي بصغره
وصار الهم يلعب بي مثل دميات في يدي
وأسهر ليلي بطوله ويعلن رحلته فجره.."

[خاطــــــوف]

دخيلك يابحر ..ودي ولو لحظه اصير الموج
لان اللي مجافيني يعشق الليل وأمواجه
بنى لي بيت في قلبه .. وشيد للفر اق بروج
دخليك يابحر قله صاحبك والله محتاجك

[نوير بنت نوره]

كم شاعر (ن ) كان له في الشعر وزن ثقيل
وعجز عن بيت ولا قدر من سنين انه يختمه


وكم شاعر (ن )كان حظه بالقصايد 00قليل
وقصيده ماقدر شاعر كبير ان معناه يفهمه


أحساس الشاعر هو دوم لكل حروفه دليل
وهو اللي كل حرف بفن على الورق يرسمه

000000000000بقلمي 000000000000

[العـرووب]

صح لسااانكـ يانوير,,


هذا اوّل الدرب أو هذا الطريـق اولـك
جيت آتوقّى عذابات المـدى واهتديـك

شوقي مسافة وهمساتـك مـدار وفلـك
إن ماضميتك غـلا ياعلنـي ماأرتويـك

إيه اعرفك واعرف انّي من غلاك اجهلك !
مرات اضمّك واخاف اني مشبّه عليـك !

[رومانسي حايلي]

هلا بالي له الخافق يهلـي

من الفرحه وروحي به تهلي

اذا شفته ولو بالنفس ضيقه

تفرج كل همي واضمحلـي