مساجلات شعرية.. وتحاور بالوزن والقافية

[العـرووب]

ما كل هم الشعر...يقدر يقوله
بعض الهموم أكبر...من إبداع شاعر
لكن بقى لي شي...ودي أقوله
إن الشعر مخلوق...لأسمى المشــاعر

[خاطــــــوف]

رحت أدور دفوة الشمس ضيعت الضلال
جيت اطفي شعلة النار والقلب انكــــــوى
ماهقيت ان السعادة خيال في خــــــــــيال
تروى قلوب الحبايب وقلبي مـــــــا روى
كنت ابشتال الهوى والهوى ثقل الجبــــال
وان تحملت الجبل ما تحملت الهـــــــــوى

[رومانسي حايلي]

البارحه ياصاح سهران ماأمسيت
والقلب يا لمجمول ضيع دليله
الحال كمل واخر الشوط مليت
ومعاد في يدي ورى اليوم حيله
عزيز يادمع على الخد هليت
عيا يوقف يامحمد هميله
رفعت صوتي من منامي وونيت
قلت أه واويلاه روحي عليله

[خاطــــــوف]

هذا الزمن طبعه من الله خلقنا
..................لابد مايخذلك مهما صفالــــك
ياما من الاقدار والمر ذقنا
..................ماودي ان الهم يدخل مزاجـك
لحظة زعل منك تلخبط ورقنا
..................تضيق بي دنياي لاشان حالــــك

[رومانسي حايلي]

كثير من البشر يسال عن اسباب الحـزن فينـي

وكثير من البشر وده يعرف بدنيتـي وش صـار



وعلام اللي يقابلني يشوف الدمـع فـي عينـي

وانا توي صغير السن حزيـن وشـارد ومنهـار

[خاطــــــوف]

رحت أتمشى واشرب لـي صبـوح
،،،،،،،،،،،،،،،،،،،،،،،،،،،،ومازال الهم وسـط الحشـا لاجـي
قمت اهيجن لكن مـا منهـا فـروح
،،،،،،،،،،،،،،،،،،،،،،،،كن عيوني تقول مالك الا المزاجـي
عديت مرقبـاً مـن دونـه سـروح
،،،،،،،،،،،،،،،،،،،،،،،،،،،وقمت اهيض بالونيـن واللجاجـي

[رومانسي حايلي]

يا من لهم في الحشا والقلب تذكار
لا أبعــــد الله قلــبي عن محبتكم

تحــيا بكم كل أرض تنزلــون بها
كأنكم عند وقــــع الأرض أمطـار

وتشتهي العــين فيكم منظرا حتى
كأنكــم في ظـــــلام اللـــيل أقمار

[شموووخ نجد]

رحلت وحسبت ان الطريق اللي بعدنـي عنـك يدنينـي
وحسبت ان القلوب اللي هوت بالحـب خفاقـه
وحسبت ان الزمن يعطي ولكن كيف يعطينـي
وحسبت ان الصبر يبقى وانا ادري للصبر طاقه

[زيد العودة]

هلابالحرف مع طيب الوصالي--هلاباللي يخطة في مزونه

على حبر الورق للي عنالي---مزيج السطر يعزف في للحونه

[خاطــــــوف]

هِيـامْ وعِشـقْ ولْحـونْ الـغَـلا للْـوَصْـلْ أغَنّيـهـا
حَنانْ يِشَتِتْ ألأوْهَـامْ عَـنَ السّرْجُـوفْ يِبْعِدْهـا
وِدَادْ وزوْبَعَـةْ هَاجِـسْ عَلَـى ذِكْـرَاكْْ طَارِيـهـا
وِئَــامْ ونِـيّـةٍ بيْـضـا عَـــنَ الـهَـفْـوّات مِبْـعِـدْهـا