رثاء فى عيد ميلادى

[okkamal]

ياقلبى مالك ..عجزت بدرى وشبت
ولا انت جار عليك الزمان و شخت

وبقيت ذى شجر الخريف
لايوم تشفع لحبيب فيه
ولايوم لبردان تسد

مالك كدة بقيت مكسور
كأن الزمان عليك بيدور

مالك نايم على روحك دى النومه
مصيبه لتكون أتحسدت وماتقوم لك تانى قومه
وتشمت فينا العدا ... ويتجمعوا حوالينا بالكومه
ده بغمزه وده بلمزة ..
والبكى طول الليل ماتجلنا منه نومه
نفسى تصحصح تانى وتعرفهم ازاى تكون القومه
نفسى ترجع لايام ربيعك
لما كان الحسان يقعدوا تحتك
ومن العطش يشربوا شهدك

كانوا يتمنوا نظره او مبعاد
توصل الشوق والوداد

وانت من الدلال تتمنع...
وتقول بعاد

فاكر لما كانت الصبايا تغازلك
وانت تضحك للي جاية ...
وتتصحى اختها النايمه

والسور الحديد تعديه فى ثانيه
عشان تشوف حببتك بثينه
تعد معاها لحد الغروب والليل علشانكم يطول

تحكوا وتهزروا والكلام بناتكم له حكاويه
وبين شفايفها .. الحب له طعم تانى ولياليه
َ
وتصحى على الشمس طالعة
تنور الوشوش الصابحة
وتفرح منها الغطان الصالحه
وسنابل القمح تحاكيه

يارب ترجعلك ايامك
ومايتكتب لك الوحده
وخراب نواحيه


احمد المصرى

[♪♪♥لؤلؤة العراقــ ♥♫]

جميل ما خطت اناملك اخي....وانشاءالله مايكون قلبك وحيد..

سلمت يدك.......وتقبل باقة من الورد


لؤلؤة العراق

[okkamal]

لؤلؤة العراق
شاكر لك مرورك العطر
احمد المصرى

[اميرة الاحلام]

	اخي احمد المصري هذه الخاطرة القصصية رائعة............سلمت يداك.......... اميرة الاحلام

[okkamal]

العزيزة اميرة الاحلام
شاكر لك مرورك الكريم
احمد المصرى

[هنا:هناك]

	اخي احمد المصري اجمل ماخط قلمك واروع ما نطق بوحك ما اروع خيالك وتشبهاتك الجميلة تقبل مني ارق التحايا

[okkamal]

اخى الكريم
شاكر لك مرورك الرائع وكلماتك الطيبه
دمت بسعادة
احمد المصر ى

[نوررر]

خاطرة جميلة جداااااااااااااااااااااااا

[okkamal]

نور شاكر لك مرورك
رئيس نادى القلوب النازفه
احمد المصرى