أنتي أكبر

[القاسي]

	أنتي أكبر ليت لي جنحان ولك قادر و أطير يا ضماي اللي ارتوى منه ضماي ............... لـك وجـود وسـط شـريانـي تسيـر فـي الليــالي زانـت بنورك سماي ............... لا فـقـدتـك اعـتـبـرت إنـي ضـريـر أنت شوفي وغير شوفي لك عماي ............... يا الحبيبه في الهوى كل شي يصير أنتي جرحي وأنتي لجروحي دواي لك غـرامـي مـا لـه أشـبــاه ونظيـر وحـدك أنـتـي تستـحـقـيـنــه وفـاي ............... يا مـصيري ما أبــي غـيـرك مصـير لا تـهـلــي دمــعـتــك وأنتـي معـاي ............... الأمـــــارة مــــا تـصيــر إلا لأمـيـر يا أمـــيــره مــا تـريـد إلا رضـــاي ............... أتجــدد كــل يــوم أرجـع صـــغـيـر وما وصلـت بقلبـك الغـالـي مــداي ............... من يقـــول إن الهــوى مـا به كبير أنتي أكبــر يا كبيــره فـي هــواي ............... ودي أبقــى فــي سجــن قلبك أسير يا قيــودي قــيدك الغالـــي رجــاي

[اميرة الاحلام]

	اخي القاسي دوما تنقلنا من ابداع الى ابداع...........ومن رائعة الى اخرى............انت نجم ساطع واتمنى ان يتم تقديرك وتقدير هذه الموهبة الفذة في بلادك...........كلماتك بدون مجاملة في هذه القصيدة بالذات قمة في الروعة اختك: اميرة الاحلام

[القاسي]

	المشاركة الأصلية كتبت بواسطة اميرة الاحلام أميره والله إنك أميره وراح أشتاق لك من جد أتمنى لك كل خير أخوك / القاسي

[بحار نجد]

	عزيزي القاسي أشتقت لقصائدك الجميلة ولاسلوبك المتميز في الكتابه الف صح لسانك وبنتظار المزيد من أبداعاتك

[القاسي]

	المشاركة الأصلية كتبت بواسطة بحار نجد بحار أهلين وعشان ترضا علين وعشان الكلام الحلو كنت ناوي ولظروفي أبعد كم يوم عن المشاركات وأكتفي بقراءة روائعكم والرد عليها لكن عشانك أتمنى إنك تقرأ قصيده خربت ديوان وتعطيني رأيك بكل صراحه فيها ويهمني رأيك أخوك / القاسي