رص المشاعر

[سـSalemـالم]

هذي اول قصيده اضعها بلمنتدى الرومنسيه ونشالله تحوز على اعجابكم

رص المشاعر ياقلم واظبط القيفــــــــان
=========== ترى ماني على خبرك سموح وطيب النيّه
وتفضل هاك من دمي وحطّه بالورق نيشان
=========== والا منّه نشف دمي مسامح مانبي ديّـــه
ابيك بحنكة المسطول وراسه من الهوى عمران
=========== تنهي شطرنا بالـ آن وتختـــــم بيتنا بأيّـــه
وبيك بحبرك الدافي تطمن خاطر الطفشان
=========== انا بعده ترى زعلان واخلاقي تجاريّـــــــه
وينك يااسير الشوق واسمع ياولد قضعان
=========== نشف ريقي وانا ناطر على ذاك النهر ميـّه
سقاني بليلتن ظلما مطر مايروي الظميان
=========== وخلاني على كيفه اسوق الروح بيديّـــه
ونساني او تناساني على غفله رفيع الشان
=========== خذى روحي وقفابه وهذاني جالس اهنيّه
اخوي وعزوتي وينك ترجعها يابو سلطان
=========== ترجع للحياه الوان وترجع للزهر فيّــــــه
عزاي انك ترجعها وتجبر خاطر الولهــان
=========== وتجيب اللي خذى روحي وشق القلب منيّه
وتركني بليلتن ظلما فقير بذمته يتمان
=========== الى منه برد ليله يغطيهم بــزوليــــــــّه
ويعيش بديرتن غبرا ماشافت اثر سكان
=========== ويصبّر حسرته باستغفر الله والنيّـــــه
انا لولا القدر مايل معي كان..وكان..وكان
=========== اسوق الروح لعيون السعودي والظفيريه
ولاكن حطني حظي على روس الشجر عنوان
=========== يشوفه من بغى يعشق بهالدنيا كويتيّــه
انا ماني بمخطي ولا جاهل ولا غلطان
=========== ولالي ذنب بالروحات ولالي ذنب بالجيّه
انا ذنبي اذا حبيت احطك للغلى انسان
=========== واصيغك من هوى شعري قصيده ميّه الميّه
واخلي كل حروف الشعر تغني ليلا دان ودان
=========== ولا اعطي عذول الحب من وقتي اهميّه
واحبك يازهور القلب..ياتفاح..الا يابستان
=========== ومن اقصى ديرتي جيتك على حدودالسعوديّه
وكل هذا ورديتي خفوقي منهزم خسران
=========== على بالك بأن الكون مابه غير حوريّه
ترى انتي خسرتيني وانا قلبي هو الخسران
=========== وهذا القلب لعيون الكرامه مات يابنيّه
انا شاعر ومن شاعر ولي كلمه وصاحب شان
=========== ولا نرضى بعوج دخان ولا ناخذ مسيحيّه
ونتعب للخوي اللي لسانه كفت الميزان
=========== يوازن كلمته من قبل يخرجها علانيّه
ولاتمزح معي كانك خوي لمزحتي زعلان
=========== تطق براسك الطوفه اذا تزعل على ذيّه
تجيني بدمعة المغبون تجيني بظحكة الفرحان
=========== تلاقيني مع ظلك على كل الحونشيّه
انا ماني ردي الاصل ولاني بشاعرٍ فسقان
=========== ولاني بواحدٍ لقطه ولا امي يهوديّه
ولاني من عبيد الشمس ولاني من عبيد الجان
=========== انا ربي هو الرحمن وعالم ماخفى فيّه
ولاني منكرن اصلي انا سعودي من كحيلان
=========== انا سالم وهذا اسمي وساكن بسعوديه


{وسلامتــــــــــــــــكم}

[الفارس حسن]

قصيد ممتازه استمر اناء من مشجعيك

[سـSalemـالم]

يسلمو على المرور اخوي نورة صفحيتي



ونشالله نستمر دون توقف