اتوقع لو البنات يسقن السيارات يمكن يكونوا احسن منا ... مسموح للبنات بالرأى

[إحساس الكلمة]

[center] ارجوا ألا يفهم من العنوان إني انادي بقيادة المرأة للسيارة الموضوع ذا لا اريد أن اتطرق له ولكن لأننا كشباب مع التقدم والحضارة إلا نحن متخلفين في قيادة السيارة بذوق واخلاق وفن إلا من رحم الله
القيـــادة فن وذوق وأخلاق
حكمة جميلة راكنينها على الرصيف نادرا منا من يأخذها معاه إذا ركب السيارة
حكمة جميلة تقال باللســـان ولا تطبق على الواقــــع
حكمة نحاول أن نغرسها في نفوس النشئ في المدارس والشارع وكأنك تعلم حجر
كل عــــــام يقام اسبوع اسمة :
( اسبوع المرور)
تنفق فيه الملايين على الدعايات والاعلانات لتوعية المواطنين ببعض السلوكيات والمخالفات والنتيجة العكس بدل ما نقلل نزداد اصرار في الاتجاه الخاطئ ..
ندخل في الموضوع
قيــــادة السيارة كلنا نقود السيارة ولكن عندما نقود
هل نراعي هذه الأشياء
نحترم المشاة
نحترم كبار السن
نحترم المستشفيات
نحترم المساجد
نحترم المدارس
نحترم انظمة المرور
بكل تأكيد الأنظمة في وادي ونحن في وادي إلا من رحم الله
الكثيير يقود السيارة وكأنه ملك زمام الحكم ومافي الشارع إلا هو سرعة ورعونه وطيش ومخالفات وإذا قلت له كذا أو كذا أو وجهتاه ونصحتاه ياويلك وسواد ليلك خذ من اللي يجيك ولو دخلت معاه وجدت انه ورع وطائش وامه شرت له السيارة وبأقساط واحيانا يكون مستأجرها لكن مو قد النعمة دام غيرة اللي يدفع طز روح الناس زي سلام عليكم ...
حقيقة قيادة السيارة بالاخلاق وبالأدب وبأحترام الأنظمة والتعليمات نفتقدها كثيييييييييييييييييير ...

اعطيكم قصة واقعيه واحد ماشئ بسيارته وسقط على واحد بالخطأ قام صاحبنا يسب ويلعن واصر انه يلحق هذا اللي سقط عليه المهم انه لحقة وتوقفه بالقوة وحصلت مشادة بالكلام تطورت صاحبنا اخذ مسدس وفرغه في راسة ولآن محكوم عليه بالاعدام وكلها من ابليس وعدم التحلي بالاخلاق والصبر والتسامح ...

قصة حصلت معى شخصيا سقط علي صاحب سيارة حوالي الساعة ثلاثة في الليل وبالصدفة وقفت انا واياه عند الاشارة قلت ياخي القيادة مو بالصورة اللي تقود بها القيادة مسئوليه صاحبنا مارد إلا طلع المسدس من الدرج وقال إذا انك رجال إذا فتحت الاشارة جنب بصراحة لا اخفي عليكم خفت وفي نفس الوقت مستحيل اهرب فتحت الاشارة جنبت وصاحبنا حط رجله وهرب ...

قبل اسبوع كنت ماشئ بالسيارة وفجأه انحرفت تجاهي سيارة حتى كنت بأركب عالرصيف طبعا معروف مانتحمل في مثل هذه المواقف لحقت صاحبنا طلع ورع لايتجاوز عمره 16 سنه قلت ليه انت مسئول عن هذا التصرف .. بصراحة رد بكل أدب اقصد قلة ادب قال اللي في راسك سوه والمرور قدامك ولاني محسب حساب حد مافكيته إلا وسويت له قضية لولا اهل الخير تدخلوا

سافرت دول اوربية وشرق أسيا شتان مابين القيادة عندنا وعندهم مرة كنت راكب في تاكسي في دولة اوربية وفجأه سيارة انحرفت تجاهنا كاد قلبي يسقط من الخوف وقتها كان بيجن جنوني وناظرت لصاحب التكس والسيارة الثانية قلت اكيد كل واحد بيذبح الثاني ولا كأن شئ صار كل واحد طالع في الثاني ومشو ...

توقف عند اشارة تجد بعض الشباب حاط صوت الكاست عالآخر وأيه مشغل غربي ياخي احترم مشاعر الناس واحترم نفسك والشارع مو ملك لأبوك سيارتك بإجار يمكن ..

تاكسي يوقف عند الاشارة وفيه عوائل تجد العيون كلها متجه للمقدة اللي في الخلف ليه ماادري ...
اكيد قلة حيا

من المواقف الطريفه واحد من الشباب يقول وقفت انا وتاكسي عند الاشارة يقول وطالعت في الهندي على طول قال مافي حرمة راكب ..

طبعا الكثير من التجاوزات والسلوكيات التي نراها امام اعيننا تتكرر في كل لحظة لماذا لا ادري نعلم في المدارس ولا يطبق بل نجد العكس .. إلى متى نفضل على هذا الحال ؟؟؟

انها دعوة لكل انسان يقود السيارة لماذا لاتكوون قيادتنا فن وذوق واخلاق بدل من شعارات كذابه
اتمنى من الاعضاء ان نتناقش في هذا الموضوع بكل موضوعية وان نبدي وجهة نظرنا تجاة هذا السلوك الخاطئ الذي نمشئ عليه ومطبق في قيادتنا للسيارة وانا اولكم احيانا تحدث مني تصرفات ولكن ليست بالتي مثل مااشاهدها
تحيااااتي للجميع [/align]

[لولوه]

هاي
انا قراءت موضوعك وكل لحكيتو صح بس في شغله صغيره ما عجبتني انك حاطتت بلعنوان يحق للبنات ادلاء اراي
انا بنت وعندي سياره وبسوق وبقضي مشاويري وبروح جامعتي وعلى فكرا سواقت البنت احسن من الرجل لان البنت بتتحاشا المشاكل الا ان الرجل بعصب وبصير بدو يثبت انو زلمه زي صاحبنا لفرغ المسدس براس تاني


باي
لولوه من الاردن

[إحساس الكلمة]

هاى لولوه
مشكورة على مرورك بالموضوع وابداء رأيك فيه انا تناولت القضية في بلدنا السعودية لأن المرأة عندنا ماتقود السيارة .. وفعلا كلامك صحيح 100% البنت دائما تتجنب المشاكل بس بأقولك موقف طريف حصل معاى في الاردن كنت ماشي بالسيارة وفجأه دخلت علي سيارة أخرى توقعت الموضوع خطأ غير مقصود وبعد فترة ايضا تكررت نفس الحركة قلت اكيد الشغلة مقصودة تجاوزت السيارة لمعرفة هذا السائق تخيلي طلعت بنت اللي تسوق وقاعدة تضحك استغربت الحركة ...
تحياتي لك

[بنت الامارات]

مرحبا اخوي احساس اولا يعطيك العافية على الموضوع
ثانيا انا عندي الليسن من انا عمري 18 ولا مرة حاولت اني اتخانق مع احد او اسوق بطريقة جنونية وبخصوص السواقة في موقف طريف اني مرة وصلت اخوي دوامه وفي الطريق خايف ويقول انا ما احب سواقة البنات البنات ما يعرفون يسوقون وانا ميته من الضحك عليه

[البردة]

والله انا مااسوق سياره غير في البر مرة قالت لخوي تعال علمني
قال والله هذا لي نقص حتي اخلص التقسيط بعدين كسريها

[الظنون الثايرة]

[center] احساس موضووعك هيج مشاعري

لولوه وبنت الامارات قالوا رأيهم عشانهم يسوقون بس حنا .....؟؟ لكن مايمنع اني ادلي برأي اقول لو كنت اسوق بسوي شي ماحد سواه على الاقل بيكون عندي ذوق ومراعاة لشعور الناس ....انا الاحظ في بعض الشوارع ان االشباب نسي مقولة الرسول صلى الله عليه وسلم (( اعط الطريق حقه ))... من ناحية سماع الاغاني او التزمير على كل شي او بأي مكان يقود بسرعة جنونية او اخلاق تجارية وعصبية مالها داعي .... بمعنى لو يهاوشك واحد من سيارته ووده يدخل بعيونك تأكد لو جاته الفرصة ووقفت له سيارتك بينحاش هو ومايقدريطول اذنه ... بس تهويش ... والاحظ بعض المراهقين .. ليه نقول مراهقين والله انهم بزران تلاقيهم ممسكينه سيارة لارقيب ولا حسيب وداج في ارض الله انا استغرب انه يقدر يشوف اللي بالشارع من صغره (( او من قصر قامته )) تلاقيه يدهر بالسيارة وكأنه على زنبرك طالع نازل لكن مااستبعد انه حاط وسادة فوق المرتبة عشان يطلع على وجه الدنيا ... يعني مع الاسف احساس بالذات عندنا لافن ولاذوووووووووق ومسألة الذوق ضع تحتها عشرين خط .. ولا اخلاق ...وخاصة على الحريم لو تبي تقطع الشارع والله يطلع عينها ويتلف اعصابها الين تقطع الشارع تقدم خطوة قدام وخطوتين وراء ...او يوهمك انه ماراح يوقف لك وفجأة يفرمل وصرير الفرامل يغيبني عن الوعي من الفجعة ... اعدي الشارع وركبي تصافقن الشكوى لله .. .... بس يجيلهم يوم .... يكونون شيخوا وحنا امسكنا بزمام الامور وصرنا نسووووق ... يحلم واحد منهم انه يقطع شارع عام او فرعي بعد ...كل ماقدم (( عصاته )) دعسنا فرامل ... نخليهم يشوفون الموت بعيونهم ولا يموتون ...
اشكرك احساس على الموضوع القيم والذي سمحت لنا ان نحاوركم فيه ... وانشالله تجد تجاوب من الاعضاء (( عشان على الاقل اعرف اقطع الشارع )) وتقبل خــــــالص تحيــــــــاتي

الظـــــــــــــنون الثـــــــايـــــــــــــــرة[/align]