كل واحـــد يكتب اجمل بيت شعر في نظره

[البتوووول]

رافق أصيل في زمانك يخاويك
لا شاف زلاتك عن الناس غطاك

ترى الصديق اللي يحبك ويغليك
تلقاه هو عونك وبشده يمناك

يفزع لحاجتك وبالكربه يواسيك
وبغيبتك يتمنى شوفك ولقياك

[خاطــــــوف]

أبي أبكي من الضيقة وأبعزف للهمـوم ألحـان
أبي أطلق مواويل الحـزن وأطـرح دواوينـي ..
أبي أشكي أبي أحكي بوصف للبشـر حرمـان
أبيهم كلهـم يـدرون أبيهـم يشعـروا فينـي ..
أبي لا من طرى أسمي بكى من لوعتي شيبـان
أبي لامن طرى"عاشق" ذكر من كـان يغلينـي ..

[البتوووول]

فاتر اللحظ .. ياعذب اللمى ..
يا قريب الدار.. يا بعد السما ..
لوجرحت الروح .. لودمعي همى
يا ظما المجروح .. ما بعدك ظما
في هجير الشوق .. ظللني بهدب
من عذاب الجرح .. داويني بعتب
اسقيني منك .. رضى والا غضب ..

[خاطــــــوف]

أغليك ليه...؟لاتسأل...!!(ولكن إسأل الأقدار)
أنا مثلك ترى مدري أنا وشلون أغليتك
هويتك من وسط ...ماضي... ومستقبل.. وناس إكثار..
صبرت وزاد حبي لك ولافي يوم مليتك
تصدق او ماتصدق قصر الزمن أو طال
ماعمري راح أنساك يأحلى هذي الأقدار

[& متزوج ولكن &]

خيرك لغيري والشقا والعنـا لـي
والمشكل إني عارفٍ كل الاحـوال

أرمي بروحي في بحـرك الزلالـي
وتنسفني أمواجاك على يابس الجال

اسأل فراشي كيف اقضي الليالـي
بالليل لي حال ومعكم لـي احـوال

ومن خوفي العذال تـدري بحالـي
ويكثر علي من العذل قيل والقـال

أبعـدت خلانـي وجيتـك لحالـي
وفرشت لك قلبـي مقـر ومدهـال

ما عاد تخدعني عقب مـا بدالـي
وان عدت فيما عفت ماني برجـال

[رومانسي حايلي]

تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه

[رؤى13]

وقفت أعاتب فيك الزمان
لماذا بخلت بهذا الحنان؟
عرفتك خوفا وليلا كئيبا
وفي ظلمة اليأس جاء.. الأمان
حرام حرام.. وربي حرام
إذا جاءنا الحب بعد الأوان

[رومانسي حايلي]

ودّي أضمّـك واسمـر الليـل ويـاك ..؛ٌ.. و يطـول ليلي يا حـبيبي ولا اسـريك

وآشـم عطــر ٍ زاهـي ٍ من ثنايـاك ..؛ٌ.. واقـول كلـّي مـع سنيني أنا أفديك

صدري غلاف وقلبي أعظم هداياك ..؛ٌ.. يالله عسى من بين هالناس ما ابكيك

[خاطــــــوف]

دخيلك لا تخليني ولا تاخذ على الغيبه
ترى والله ما أقدر ولا أقوى على غيابك

صبرت وملّ صبري عقب ما كنت امتهقويبه
نسيت إنّ الشتاء بارد وانا متعوّد ادفا بك

اهذري باسمك تصدّق وانا نايم اهذريبه
ترى توّي دريت إنّي اذوق الموت واحيا بك

غدا حالي مثل طفل فقد اغلا لعابيبه
تصوّرتك كما طفل وانا الغالي من العابك

غدا حالي مثل شاعر خذوا اروع مكاتيبه
تخيّل لو خذا غيرك قصايد محتوى كتابك

ألا لو تكشف الخافي على العالم تماريبه
أنا متأكد إنّ اللي بقلبي يرضي اعجابك

[رؤى13]

في قلبي .. أزرعُ بذرةَ ( السرِّ )
أرويها حبراً..
حبراً..
عن عيونِ الكبار ..أحجُبها ِ ..
تمتمات الجيرانِ
ضحِكاتِ الأطفالِ ..
في الحيِّ الثامن من جسدي
وما إن اهتزَّ جذع الكلام ..
حتى تساقطتِ القصائد من فمي
فهلا جنيت ورقةً ورطباً..
وكتبت العمر معي !!