كل واحـــد يكتب اجمل بيت شعر في نظره

[العـرووب]

لاتحسب ان الصد صعبٍ تحديه
.ترى الزمن يشكي ومثلي تحداه
انشد وتلقى الليل تقصر مساريه
.صدر الزمن يشكي من اقصاه ودناه
راحت هجوسك مبعده في هقاويه
..انشد جبال اطويق واللي ترقاه
تلقى زمانك قاصرات ٍ لياليه
..هذا الصحيح وتدمع العين فرقاه
وانت الذي لاضاق صدره نراضيه
.نتعب على شانه على شان نرضاه
ولا انت تدري من زعل عيب اصافيه
..يادارس اطبوع المشاعر وتدراه
يا ما لقيتك تشكي الهم تشكيه
..وجهك عبوسٍ تشكي الحظ برداه
ياللي خذيت القلب وشعادكم فيه
..رده ترى قلب العنا وافي اشقاه

[خاطــــــوف]

قلت الوداع وجاوبـت دمعـة العيـن
.............تجـرح بساتيـن الـخـدود النـديـة
وأغًضت وشفت بعينها الحزن حزنيـن
...........وصاحت على الفرقاء أنـامـو قويـة
وجاوبتهـا أرجـوك تكفيـن تكفيـن

[رومانسي حايلي]

ابـــي اســــرق مــن هـمـــومـي
هـمـــوم تـجــرح الأبـيــات
واخـــاف اكـشـــف عـــن الـخــافــي
واتـيـــه بـوسـط اهــاتي
حــزيــن وبــايــن بـعـيـنــي
واحـــاول اخـفــي الـدمـعــات
كـثــر مــااخـفـــي الــدمــعـــه
احـــس تـزيـــد عـبــراتـي
امـــد الـكـــف كـــم مـره
ويـصـفـعنـــي الـــردى مــــرات
ردى هــالـحـــظ قــاعــــد لـــي
يـعـكــــر كـــل لـحـظـاتـي
يـســـافــر بــي ورىالـدنـيــا
لـديــره شــعــارهــاالآهــات
تــرحــب بــي وتـهـلــي بــي
وتـدفـــن كـــل ضـحـكـــاتــي
تـمـــد بـســـاطـهــا الـداكــن
وتـنـثــر شــوك للخـطــوات
وانــا امـشـــي رغـــم هـــذا
واخــــاف تــقـــل خـطــواتـي

[العـرووب]

ياصاحبي خذها نصيحة وانـا حـيّ
قناعتـي ماهـي مجـرّد قناعـات

من لايشوفك (شي) شوفه و(لا شي)
واقـرا عليـه الفاتحـة والتحيـات

[الرحال.1]

كل ماجيت اتريَح وارتكي .. يزدحم في خاطري ألفين بيت



وش بيدَي أفعله غير الحكي .. قاصره خطوات رجلي لو مشيت

[رومانسي حايلي]

على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه

[خاطــــــوف]

ليه يادنيا .. يازمن .. كل شي وله ثمن
حتى أشواقي نسيت .. مدري هي صارت لمن
ليه في عز المحبة .. خذتي مني اللي أحبه
وافترق دربي ودربه .. وليه يادنيا المحبة
من يسليني بيومي .. منهو أحكيله همومي
ليه تبي تزودي .. ليه يادنيا همومي
شاللي سويته بعمري .. ودي أفهم ودي أدري
من سواتك فيني والله .. شيبت والعمرباقي
ليه يادنيا المحبة .. خذتي مني اللي أحبه

[الرحال.1]

الليل طال وطولته التــــجاريــــــح
وياكثر ماليل المفارق جرحني
حشمت جرحي عن وجيه المفاليح
لكن جرحي بالنهايه فضحني
وان عزم الغيبه وشد المروايح
قله تراني حي لو هوذبحني

[العـرووب]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]







لحدن يكلمني ترا خاطري شين
............ضايق وبي تسعه وتسعين عله..



هذي ثلاث ايام ما نامـت العين..
............اصبح بهمي واسهـر الليل كله..


لعبت بنا الدنيا وصرنا مساكين..
...........والوقت ضايقنا وصرنا عشاً له..

[رومانسي حايلي]

ودي احطك " وسط عيني " واغطيك ..


عشان ماتبعد عن العين " ملي " ..


لا غاب حسك نبض قلبي " يناديك "


مشتاق لك بالحيل يابعد كلـــي ..