[ابوعبيد]

..


.

اول شي السلام عليكم ورحمة الله وبركاته ..

وصباح الفل على حبايبي السهرانين ..

ومساء الخير على اللي بيشرفوننا بكرة ..

بصراحة وبدون مقدمات ..

اليوم جاي ومعي كم كلمة بأقولها وامشي ..

هي مو كلمة كلمة ..

يعني هي سالفة او موقف صار امس قدام عيني بتمرين الفريق النصراوي ..

وصورة لقيتها بمكان ما يليق بإسم نادي النصر ..

عموماً ان حبيت اضيفها بمنتدى كوووره سعوديه ..

عشان نلطف الجو لا اكثر ..

واتمنى ما يزعلون مني حبايبي النصراويين ..

بس والله موقف صار قدامي وانقهرت منه ..

وصورة شفتها بـ ( ام عيني) وفطست ضحك منها ..

وحبيت اقولها لكم عشان تعرفون وش يصير بالنادي وإنتوا ولا على بالكم ..

اما حبايبي الهلاليين والاتحاديين والاهلاويين وغيرهم ..

فأرجوا عدم التعليق بألفاظ مالها داعي ..

ومسموح لكم تعبروا عن اللي بقلوبكم تجاه ما سأذكره ..

ومسموح تضحكون بس على خفيف , يموت واحد منكم وتورطوني معه ..

على بركة الله ..

ندخل في الموضوع ..

وزي ما قلت لكم بدون كلمات تخرب الموضوع وتجبرون الادارة على اغلاق الموضوع
خلونا نستنانس وننبسط شوي بعيد عن جو المبارايات ..

-- --- -- --- -- --- -- --- -- --- -- --- -- --- -- --- -- --- -- --- -- --- -- --- --

(( أنــــــا والـلاعـــب عـــواد الــعــتـــيــبـــي ))

اليوم كان بيني وبين احد اعضاء رابطة العالمي محادثة قصيرة على الماسنجر ..

خبرني عن حضور رئيس النادي اليوم واشرافه على التمرين شخصياً .. قلت في نفسي اروح ادخل على ملعب النصر لاول مرة

طبعا الكل يعرف اني هلالي ولكن من باب الاطمئنان على شقيقنا في العربية

قلت يالله خلني اروح واكون جريئ شوي واطلع اللي بقلبي للرئيس ..

بس يا حسافة لا رئيس ولا نائب ئريس ولا حتى اداري حضر والبركة باللي عطاني هالخبر ..

المهم رحت للنادي بعد صلاة المغرب مباشرة ..

وصادفني على دخولي للنادي اللاعب الشاب عواد العتيبي .. يمكن ما تعرفوه بس هو لاعب موهوب جدا ...

من باب اعجابي بموهبة هذا اللاعب سلمت عليه وخذيت وعطيته معه ..

المهم الرجال ذب الميانه علي وقالي (( تقدر توصلني للبيت )) ..

الحقيقة استغربت من طلب عواد لي ..

انا قلت بنفسي معقولة لاعب في نادي كالنصر وما عنده سيارة ..

انا وافقت وقبل ما اقوله حياك الله تفضل ..

وقفت سيارة عند بوابة النادي وطلع منها شخص نادى على عواد ..

عواد ما صدق على الله اعتذر واستأذن مني وراح مع صاحبه ..

وانا من هول اللي شفته وقفت مكاني حق خمس دقائق تقريباً ..

والف سؤال يدور برأسي عن هالموقف وكيف صار بين لاعب ومشجع ..

المهم بالأخير وبعد نهاية التمرين عرفت من احد المصادر الخاصة ..

ان اللاعب عواد العتيبي لا يمتك سيارة خاصة به ..

والادهى من ذلك عرفت ان اللاعب عواد العتيبي راتبه الشهري بالنادي [ 1500 ريال فقط ] ..

يا ناس يا عالم يا ادارة يا جمهور ..

من يصدق ان في هذا الزمن يوجد لاعب راتبه الشهري ما يتعدى 1500 ريال ..؟

طيب وشلون يعيش هاللاعب .. وشلون يصرف على نفسه وعلى اهله ..؟

والله حز بخاطري اللي شفته وعرفته عن اللاعب عواد العتيبي ..

هذا وهو نجم صاعد ولاعب سيكون له شأن كبير بالفريق ان شاء الله ..

ربي معك يا عواد , والله يا انت كسرت خاطري , وليت الادارة تلتفت لك وتظبط من وضعك المعيشي ..

-- --- -- --- -- --- -- --- -- --- -- --- -- --- -- --- -- --- -- --- -- --- -- --- --

(( صـــورة طـــريـــفـــة وجـــت فــي الــصــمـــيـــم ))

وسط تدريب اللاعبين ارتفع صوت اذان العشاء ..

اتجهت الى دورة المياه " اكرمكم الله " ..

وعند دخولي تفاجئت بالكثير من الاوراق التي تملئ المكان ..

على الباب , , وعلى المغاسل , , وحتى على الأرضية ..

من باب الفضول لا اكثر ..

رفعت احدى الاوراق , , فوجدت صورة معبرة جداً ..

ولا ينقصها سوى رؤية ادارة النادي لها ..

واعتقد والعلم عند الله ان من نشرها احد اعضاء منتديات النصر ..

وبطريقته الخاصة احب ان يرسل رسالة الى اللاعبين والجمهور وحتى ادارة النادي ..

اترككم مع الصورة والرأي لكم ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


الظاهر ان هذا المشجع يستحي او خايف يواجه الرئيس ويعبر عن اللي بقلبه ..

عشان كذا نشر هذه الصورة في المكان الذي سيتواجد فيه الكل لحظة اذان صلاة العشاء ..

-- --- -- --- -- --- -- --- -- --- -- --- -- --- -- --- -- --- -- --- -- --- -- --- --

عموماً كل ما احببت ان اصل اليه من خلال هذا الموضوع ..

ان تعلم الادارة عن الحال التي وصل اليها اللاعب عواد العتيبي ..

وعن رأي ذلك المشجع الذي اختار بطرافته ان يوصل للإدارة غضبه حول بعض لاعبي النادي ..

وان كنت انا وغيري نتفق معه حول انصاف اللاعبين المتواجدين بالصورة ..

الا انني ارفض تلك الطريقة التي نشر بها الصور في مكان غير مناسب ..

دمتم بخير , واسف على الاطالة
منقوووووووووووووول