ياعين غلطانه وياقلـب غلطـان
ما للبكي والحزن والضيق داعـي
عوايد الدنيـا مواصـل وهجـران
هذاك مستانـس وهـذاك ناعـي
لولا الرجا ما طابت ايام الانسـان
تمضي حياته من ضياع لضياعي
من عاش مثلي بين رغبه وحرمان
يلتاع من فعـل الحيـاه التياعـي
عـز الله انـي لاتذكـرت ماكـان
طويت في بحر المحبـه شراعـي
يافلان من يستاهل الحب يافـلان
ما دام خلق الله هواهـم صناعـي
قاموا يسومون المحبه بالاثمـان
ما فيهم اللي للعواطـف مراعـي
باغـض عـن نظـر كـل فتـان
حتاه ما يلقـى لقلبـي مساعـي
واعيش في الدنيا لحالي على شان
ما تبكي عيوني نهـار الوداعـي
العرض العادي
