إذا المراجل لبسة شماغ وعقال

[الشاعره: حساسه]

إذا المراجل لبسة شماغ وعقال = قل للعذارى يلبسنّ العمايم
ما عاد يفرق زول حرمه ورجال = دام الفعايل تشبه البعض دايم
المرجله ما هيب كلمه وتنقال = وتروح ما راحت هبوب النسايم
وإلا خشونة صوت أو رفع الأثقال =أو رزة صدور وفعل الزلايم
ولا هي بعد مفتاح موتر وجوال = وإلا ردى لسانن حديثه شتايم
المرجله شيمه عن القيل والقال = رفيع نفس (ن ) حر بالجو حايم
المرجله عقلٍ وزن وزنه جبال = ودون العقل وش فرقنا والبهايم
يا مسندي لو مايل الوقت بي مال = يا ولد أبويه يا عظيم العزايم
يا معرب الجدين من العم والخال = يا نخوة المفزوع وقت الهزايم
المرجله يا خوي هي طولة البال = هي العزم هي الصبر فالظلايم
فيها الكرم عزه دله وفنجال = فيها الكرامه عن ردى الطبع شايم
والدين لامنه خذا القلب منزال = مشى طريق الحق وابليس نايم
ومن لا عرف ربه في طيب الحال = لابد وقت الضيق بالهم هايم
حتى صلاتك مع جماعات ورجال = في خيرها يا خوي نعم الغنايم
ولامن نصف ليلك قم صفي البال = يا عظم أجرك بين ساجد وقايم
ولا من رفع ربي له كل الأعمال = حسن الذكر لا قالو فلان صايم
وخلك شريف القصد يا طيب الفال = سوء المقاصد فالبيوت الهدايم
واحذر تبيع النفس في دب الأنذال = وتتبع خوي إبليس راع النمايم
النفس خيل لك إذا كنت خيّال = ومن لا قوى نفسه قوته الهزايم
ولا صرت ما تدري لو يش أنت رجال = والله خسارة فيك ذبح التمايم

[انت وبس]

السلام عليكم الشاعرة حساسة


قصيدة خليجية من النمط البدوي الجميل

ولكن

هل هي منقولة
ام من كتاباتك

اذا كانت من كتاباتك
فهي في غاية الجمال

وانت بحق تكوني شاعرة
وحساسة ايضا

شكرا

[يوسف الدوسري]

الشاعره حساسه

.....منقول جيدو مفيد

...صح الله لسان شاعرها وجعلك سالمه

...........دمت بعز

[إندماج الأرواح]

صح لسانك

قصيده رائعه وأكثر من رائعة


يعطيكى ألف عافيه على هذا التميز والابداع

[alsa7er]

أشكرك على نقلك للقصيده اختى الشاعره حساسه

والقصيده كما ذكرتيها منقوله واحب ان اضع بين يديكم اسم صاحبة القصيده

وهي للشاعره

نوف شطيط العتيبي

[القيصـــــــــر]

تسلمي يا الحساسه

صحيح النحل ما يهوي الا على الزهر ياخذ رحيقة ويعطي العسل

وانتي دائما رائعة كلما أتحفتينا بشيء من هذه الروائع

[عاشق من بعيد]

[center]



قصيده رائعه واعتقد اني سمعتها او قراتها قبل كذا ـــــــــــــــ ما ادري اختاروا وحده منهم

شكرا الشاعره حساسه ويعطيك العافيه علي النقل

وفعلا يا كثر الشباب اللي اليوم ما يفرقهم عن الحسنوات الا الشماغ والعقال ولا بعد حتي العقال شالووه ولحقه الشماغ


شكرا مره ثانيه [/align]

[مجد الامجاد]

يعطيك الف عافيه

على هذا النقل الرائع

فعلا قصيده جزله تضمنت معاني

وقيم رفيعه..

وشكرا مرة اخرى لشاعرتنا( حساسه)

ولك ســـــــلامي

مجد الامجاد

[حمد الدولي]

كلالالالالالالالالالالالام في غاية الجمال يوزن الجواهر والدرر
شكرا على اختيارك الجميل وان دل فانما يدل على شاعريتك وحسن انتقائك للافضل
اخيك /حمد

[cirystal]

[center]نقل مميز من شاعره مميزه

قصيده تحمل في طياتها معاني كثيره

اتمنى كل من يقراهاااا يفهما عدل

ولا يعدي ابيت من ابيتهاااااا


تسلمي عليها ويعطيك الف عافيه

تقبلي احترامي[/align]