نكت جميلة اتمنى تضحكوا من قلبكم

[امبراطور الرومانسية]

[center]1- تراهن بخيلان على من يبقى تحت الماء أكثر من الآخر يدعوه للعشاء...
فلم يخرج أحد منهما حتى الآن.
---------------------------------------------------------------
2- مرة بخيل طب في حفرة فتجمع عليه الناس علشان يساعدوه... المهم انه
في الاخر مكنش راضي انه يطلع فجاهم واحد و سألهم عن هذا الشخص البخيل،
قالوله احنا قاعدين نقوله اعطنا يدك اعطنا يدك وهو رافض. قال بسيطه... خذ
ايدي... فطلع البخيل.
---------------------------------------------------------------------
3- انزلقت سيارة تاكسي على منحدر شديد فصاح السائق برعب: لا أستطيع
ايقاف السيارة فرد الراكب البخيل: أوقف العداد بسرعة.
-------------------------------------------------------------------------
4- أعطت امرأة بخيله ابنها ريالاً وقالت له: أذهب واشتري خبزاً... لكن يا ويلك
اذا ضاع الريال منك. و في الطريق للمخبز شاهد الولد سياره تصدم أبوه... فذهب
مسرعاً إلى أمه البخيله وقال لها: امي امي .. الحقي .. أبي صدمته سياره!!
فقالت: اوووه .. بسيطه .. ظننت أن الريال قد ضاع منك.
---------------------------------------------------------------------------
5- في مرة واحد نذل راح على المقابر وشغل شريط الحياة حلوة
---------------------------------------------------------------------------
6- في عجوزه راحت الغابه شافها الاسد قالتلو لا تاكلني ؟قالها لا تخافي ما اكل
نواشف .
---------------------------------------------------------------------------
7- واحداخذ الدواء قبل ميعاده علشان يفاجئ الجراثيم .
------------------------------------------------------------------
8- واحد نذل اختلف مع ابوه طلع من البيت وكتب عليه هنا مقر طالبان .
---------------------------------------------------------------
9- بخيل بنى مـسـجـد شـاف الناس اللي بيدخلوه كثير قـلـب الـمـسـجـد مـطـعـم .
----------------------------------------------------------------
10- اسد وكلب اتفقوا ان كل واحد يضرب الثاني علي قفاه بدأ الكلب وضرب
الاسد ولما جاء الدور علي الاسد الكلب جري والاسد بيجري وراءه الاسد سال قرد
بيقرا الجريده مشفتش كلب جري من هنا رد القرد وقال الكلب الي ضرب الاسد
علي قفاه غضب الاسد و قال الله يخرب بيوتهم هي لحقت تنزل في الجرايد.
---------------------------------------------------------------
11- مرة واحد قروي لقى الفانوس السحري دعك الفانوس العفريت جاله تسلخات .
------------------------------------------------
12- مجانين حط لهم الدكتور أغنيه ... قامو يرقصوا الا واحد !! قال له
الدكتوور ليه مش بترقص انت كمان قاله اصل انا العروسة .
-----------------------------------------------------------------
13- مره واحدة عجوزة عندها 80 سنه لقت مصباح علاء الدين طلع لها الجنى
طلبت منه تصغر 30 سنه بقى عندها 50 سنه وطلبت منه يصغرها 20 سنه
بقى عندها 30 سنه طلبت منه يصغرها 10 سنين بقى عندها 20سنه طلبت منه
يصغرها 10 سنين جلها الحصبه وماتت.
-------------------------------------------------------------
14- مهندس كمبيوتر، حلل دمه، طلعت فصيلته HP
------------------------------------------------------
15- واحد بتاع فيديو جيم مات كتب علي قبره جيم أوفر
--------------------------------------------------
16- مرة واحدة ست بتقول لجارتها الحقيني يا أم محمد بعت جوزي يجيبلي
ملوخية راح مخبوط بأتوبيس ... يالهوي وعملتي إية .. عملت بامية وامري لله
-------------------------------------------------
17- واحد سباك نفسه اتسدت غرقت الشقة
--------------------------------------------
18- خبيث دخل أحد المطاعم وطلب صحن فول، وبعدما أنتهي من آكله سأل
الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج
ال13 قرش ورماها على الارض.. وتكرر المشهد 3 أيام متتالية. وفي اليوم
الرابع دخل المطعم وما معاه صرافة فاعطى الجرسون ربع جنيه(25) قرش وقال
له واحد فول، طبعا الجرسون حب ينتقم منه فاحضر الباقي(12)قرش ورماهم
على الارض وقال له خذ الباقي، فاخرج الخبيث قرش من جيبه ورماه فوق ال( 12)
قرش وقال للجرسون كمان واحد فول لو سمحت.
------------------------------------------------------
19- طفل صغير سال امة ازاى انا جيت الدنيا قالت له حطيت شوية سكر تحت
السجادة لاقيتك جيت ... راح الطفل حاطط شوية سكر تحت السجادة... يومين و
لاقى صرصار فقال له لو مكنتش ابنى كنت قتلتك .
----------------------------------------------------------------
20- غبى شاف مقهى انترنت مكتوب عليه الساعه بــ 3 جنيه .... دخل يسأل
هي ضد الماية ؟؟
--------------------------------------------------
21- واحد رخم قرصه ثعبان قعد يضحك يضحك الثعبان قاله مالك بتضحك ليه
دانا قرصتك قاله اصلي أنا عندي الايدز .
-------------------------------------------------
22- مرة كان في أرنب مريض وراسه يوجعه فقالت السلحفاة له انا راح اجيب
لك بندول وبالفعل طلعت. ومر الوقت والارنب مريض ساعة ساعتين ثلاث خلص
اليوم وفي اليوم الثاني صحا الارنب من النوم والسلحفاة لسة ما رجعت فطلع
يتحرى وشافها توهها على بعد 100 متر فصرخ عليها وقال انا الغلطان اللي
اعتمد على مثلك فردت السلحفاة" احترم نفسك والله ماني رايحة ورجعت تانى .
-----------------------------------------------------
23- مرة اربع صاعيدة داخلين امتحان فاجلهم سؤال فى الامتحان وهو كام
عددارجل المعزة فكلهم سألو صاحبهم حسنين ووما كنش بيرد عليهم فالما خلص
الامتحان قالولو انتا ما قولتيلناش لية قالهم المراقب كان جنبى ومعرفتش اطلع
المعزة .
---------------------------------------------------------------------
24- جماعة صعايدة بيلعبوا المساكة على الطريق السريع اللى تخبطه عربية
يطلع برة .
---------------------------------------------------
25- صعيدي عنده أرق مش قادر ينام صاحبه قالوا عد لغاية 500 بدأ يعد ولما
نعس راح غسل وشه ورجع يكمل للـــ 500
--------------------------------------------------------
26- تلاته اندال اتفقوا يشوفوا مين اكتر نداله الاول شاف راجل عجوز
عايز يعدي الشارع مسك ايده و سابه في نصف الشارع واتاني عداه وضربه
التالت ضحك وقال انا اكتر نداله الراجل ده يبقي ابويه .
------------------------------------------------------
27- مره واحد فتح التلاجه شاف الجيلي بيرتعش قال له متخافش هشرب ماية بس
-------------------------------------------------------
28- مرة صعيدى راح يكشف على ابنة الدكتور غاب نصف ساعة و رجع قال لة
البقية فى حياتك رجع الولد لابوة لآلآلآ يا با ه انا ممتش
قال له اتنيل على عينك هتفهم احسن من الدكتور .
---------------------------------------------------------
29- مرة اتنين مساطيل قاعدين بيحششوا قدام نشرة الأخبار في التليفزيون
فنشرة الأخبار طولت، راح الأول قال للثاني: هيه ليه نشرة الأخبار طولت النهاردة
كدة؟ رد عليه الثاني و قال: معلش أصل شكلها كدة النهاردة آخر حلقة.
------------------------------------------------------
30- اتنين بلدياتنا فكروا يلعبوا شطرنج ... الملك ضرب نفسه بالنار.
---------------------------------------------
31- مرة واحد توأم شاف أخوه قال له: انت فين من الصبح يخرب شكلك أمي
خلتني أستحمى مرتين.
--------------------------------------------------------
32- واحد بلديتنا راح امريكا لقى كل الشباب لابسين تشيرت مكتوب علية سفن
اب - كوكاكولا - بيبسي
راح كتب على ظهر الجلابية عصير قصب
--------------------------------------------------------
33- دكتور عيون قاعد مع خطيبته في حديقه الاسماك معاه ورده قالها شايفه
الورده دي يا حبيبتي قالت له ايوه فرجع ايده لورا شويه وقالها طب وكده
------------------------------------------------------------
34- في المدرسه استاذ الحساب بيسال التلميذ بتاعه: لو باباك استلف الف جنيه
من البنك والف جنيه تانيه من جاركم يبقى هيرجع كام الف
التلميذ: مش هيرجع حاجه يا استاذ
الاستاذ: ياابني استلف الف وبعديها الف تانيه
التلميذ : مش هيرجع حاجه يا استاذ
الاستاذ: اعد يا ابني انت متعرفش حاجه في الحساب
التلميذ: انت اللي متعرفش ابويا .
-----------------------------------------------------------------------
35- واحد مسطول بيسأل واحد مسطول ثاني: اسم دولة أوروبية لو حطيت على
أخر حرف فيها نقطة تصير اسم عالم ذرة
التاني قاله أنا غلب حماري
الأول قاله: الدولة هي قطر ولما تحط نقطة هتبقى قطز
التاني قاله هو قطز عالم ذرة؟؟؟؟؟
فرد عليه الأول يعني هي قطر دولة أوروبية؟؟؟؟ !!!!!!!.
----------------------------------------------------
36- مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
---------------------------------------------------------------------
37- مرة واحد عجلاتى قعد على قهوة طلب كاوتشينو
-------------------------------------------------------------------
38- واحد ركب اوتوبيس شاف واحده قاعده راح بصلها فبصتله , ضحكلها ضحكتلو
غمزلها غمزتلو راح شاورلها على المحطه , فنزلت ....راح قعد مكانها .
---------------------------------------------------------
39- مرة واحدة ست ماشية في جنازة جوزها عمالة تنوح عليه اتنين كانوا ماشيين
في الجنازة واحد بيقول للتاني تراهني إن الستات دول ما يصدقوا ازواجهم تموت
و ينسوهم قالوا ازاي ام راح ماشي وراها و عمال يقول اه يا حلو يا مسمسم لو
الواحد يعرف عنوانك بس ما كانش يسيبك راحت الست ماشية في الجنازة تنوح
و تقول اه يا جوزي يا اللي كنت مستتني و مجوزني في شقة برحة في 3 شارع
الثورة الدور الثالث شقة 5 اه يا جوزززززززززززززززززي .
---------------------------------------------------------------------
40- تلاته عمالين بيحششوا فى مزرعه فراخ طب عليهم البوليس استخبوا فى 3
أشولة جه الظابط شاط الشوال الاول برجله قام الحشاش الاول عمل نفسه بط و قعد
يكاكى راح الظابط سابه و راح عالشوال التانى و شاطه قام الحشاش اللى
جوه قعد يدن و يقلد صوت الديك الظابط سابه و راح عالشوال التالت برضه شاطه
برجله الحشاش التالت متكلمشى..شاطه تانى بس بالجامد برضه متكلمش قعد
الظابط يخبط فيه طلعله الحشاش يقوله بطاطس بطاطس انت مبتفهمش .
-----------------------------------------------------------------
41- مره واحد تاجر كتاكيت ماشي بالعربيه وفيها كتاكيت وقفته لجنه تموين وقال
له المفتش: الكتاكيت دي بتأكلهم ايه؟ رد عليه وقال له : درة يا بيه..... فقال له
المفتش انتو ما بتفهموش حاجة الكتاكيت دي بتاكل علف........ وراح عمله غرامة
1000 جنيه.... راح مشي التاجر بالعربيه وهو في الطريق وقفته لجنه تموين تاني
وقال له المفتش انت بتأكل الكتاكيت دي ايه قال له بأكلهم علف يا بيه فقال له
المفتش انت ايه يا أخي انت ما بتفهمش دي بتاكل درة وعمل له
غرامه 1000 جنيه وبعد شويه وهو ماشي وقفته لجنه تموين تاني وقال له
المفتش انت بتأكل الكتاكيت دي ايه قال له يا بيه انا كل يوم الصبح ادي كل
كتكوت جنيه وهو ياكل اللي هو عايزه .
-----------------------------------------------------------------
42- كل يوم النمر ينزل في الأرنب ضرب و يقول له إنت ودانك طويلة ليه. اشتكى
الأرنب للأسد و قال له على تصرفات النمر معاه.الأسد قال للنمر يا أخي إتلكك
للأرنب بطريقة أحسن من كده، قول له هات لى جزر، إذا جاب لك جزر لونه
أصفر إضربه و قول له أنا عاوز جزر أحمر، و إذا جاب لك جزر أحمر إضربه و
قول له أنا عاوز جزر أصفر. فقال النمر للأرنب أنا عاوز جزر، فقال له الأرنب،
عاوز الجزر أصفر و لا أحمر.النمر نزل في الأرنب ضرب و قال له إنت ودانك
طويلة ليه .
------------------------------------------------------------------
43- فرختين ماشيين الاولى معلقة بيضة على رقبتها .. فالتانية بتسالها اية البيضة
دى؟ قالت دى صورتى و انا صغيرة .
-------------------------------------------------------------------------------------------------------------------
اتمنى تكون النكت قد اعجبتكم وتقبلوا خالص تحياتى


الامبراطور [/align]

[ريمـة الرياض]

الامبراطور
هههههههههههههههههههههههههههههههههههههههههه

حلوه كثير مشكور ياغالي

[امبراطور الرومانسية]

شكرا ليكى يا ريمة على كلامك الجميل وربنا ميحرمناش من طلتك ابدا وتقبلى خالص تحياتى


الامبراطور

[ياسر البغدادي]

مشكور عزيزي على النكت
والله يعطيك العافية
تحياتي لك

[امبراطور الرومانسية]

شكرا اخى ياسر على مرورك وكلامك الجميل ويشرفنى وجود ردودك دوما فى موضوعاتى
وربنا ميحرمناش من ردودك ومشاركاتك ابدا
وتقبل تحياتى



الامبراطور

[انطونيـو]

هههههههههههههههههههههههههههههه

هههههههههههههههههههههههههههههه


حلووووووووووووووووووووه

[دلوعة]

مشكور على النكت
والله يعطيك العافية
ههههه