جـديد اتجاهات الموضة لــ [ سنة 2012 ]

[~جنى~]

السـلآم عليكم ورحمة الله وبركاته جديد صيحات 2012 واللي ممكن تستمر بعضها وينقطع بعضها الاخر .. هالسنه التوقعات انها راح تكون الموضه مأخوذه من العشرينات والخمسينات .. لهذا السبب راح نشوف هالسنه الموديلات والترتر والطباعه والالوان و الريش والهدب و...و..و.. والعالم بتكون ترهش ترهش .. حاولت قد مااقدر استعجل بالموضوع حتى تكون الافاده منه اكثر , وإن شاء الله لي موضوع ثاني بعد كم شهر ابين فيه اللي بقى معنا واللي استجد .. نبداً *ستايل الآرت ديكو "Art Deco" اللي دل على ترف العشرينات الصاخب .. الفساتين الفضفاضه + الهدب + الخصر النازل +اللون الذهبي البراق +الترتر+ الحرير + الريش + الاشكال المستوحاه من الديكور.. الموضه كانت في العشرينات واستمرت للثلاثينات واختفت بعد الازمه الاقتصاديه , وبدات ترجع وبقوه بنهايه 2011 حتى هالعام تكلمت عنها في تغطيتي لـ عرض قوتشي .. اتفق اغلب النقاد ان هالموضه راح تستمر اكيد في سنة 2012 وحتى سنة 2013 وممكن تطول اكثر . *شيرت درس "shirt dress" الفساتين اللي تجي على شكل قميص , هذي حققت نجاح من كم سنه وللحين مستمره موضتها , تعجبني كثير تناسب جميع الاعمار . *فساتين الكتف الواحد "The one shoulder dress" اللي رجعت هالموضه عارضة الازياء كيت موس في عام 1997 وقلدوها كثير من المشاهير واختفت بعدها بكم سنه لكن رجعت السيدة الأولى ميشيل أوباما في سنه 2009 ولبست فستانها الابيض بكتف واحد , وكانت سبب العودة القويه في السنوات الأخيرة لفستان الكتف الواحد .. والان نشوف في العروض كيف يبدعون لنا بهالستايل ويطلع لنا بأشكال متعدده .. ستايل انيق و أسلوب كلاسيكي .. *الفتحات الطويله "high slit" دارج كثير في فساتين السهره .. وشفنا هالشيء بحفل القولدن قلوب .. * فساتين الاميرات "Princess dress" تكون تنورتها متفوخه اقمشتها من التفتا التول والحرير , والأورجانزا الدانتيل . *التنانير الطويلة أو تنانير الماكسي , اللي انتشرت انتشار كبير عندنا , واتكلم عن مجتمعي صرت اشوفها كثير (الحريم الكبار مستانسين عليها ساتره) *تنانير الـ "Pencil Skirts" او مثل مايسميها الاغلبيه تنانير سكيني , راح يكون لها انتشار قوي هالموسم بكشكشات او مطويات جميله وعمليه وتحلي الجسم . *التنانير نصف الشفافه , هذي تقريباً بـنهاية 2011 طلعت , وهالسنه راح يكون لها انتشار قوي بإعتقادي لان مافي دار إلا ومنزله مثل هالموديل .. طبعاً مو في التنانير بس ممكن كمان في الفساتين .. هالموديل يتطلب جراءه ..

[~جنى~]

*بلايز الشيفون الشفافه او النصف شفافه , هي من الاتجاهات الأكثر انتشار في سنة 2011 وحتى الان موجوده *كمان البلايز بأكمام نفخه , عاده تكون بأكمام قصيره لكن بالسنه اللي فاتت طلعت باكمام طويله وتجي كمان واسعه , وواضح انها راح تستمر معانا في هذي السنة كمان . *ورجعنا كمان هالموسم نعمل عقده في البلايز "Knotted Shirt" , اعجبني مع التنوره الميدي والفساتين كثير , ستايل كله انوثه . *بناطيل الجلد "leather pants" , ستايل كلاسيك مع اني مااشوفه يناسب اي احد يعني من وجهة نظري اللي جسمها عريض من تحت مايناسبها ابداً لان الجلد معروف إنه يبين معالم الجسم اكثر ويبرزها .. إلا عاد لو أخذت القصات اللي تكون واسعه من فوق وضيقه من تحت ممكن !! *بناطيل الهاي وست "paint high-waisted" برايي كمان هذي ماتناسب اي شخص إلا إذا كان بقصه وااااسعه من فوق , يبي لها جسم نحيف وطويل , بتقولون هنا كيم عليها حلو , بس تعالي شوفيها من وراء ولا على جنب قرف وكمان اشوف ينفع لوحده مالها بطن شوفوا جيسكا اول صوره على اليسار كيف صايره تروع بالهاي وست !! *البناطيل الواسعه "wide pants" وصحيح هذي ذكرتها بموضوعي السابق موجوده في سنة 2011 وكمان مستمره هالسنه .. *موضه المرأة الرجل أو الستايل الرجالي , نعرف أن شانيل اول من عرفت بهالستايل واشتهرت فيه , واتبعتها بعدها دور الازياء الاخرى , طبعاً هالستايل كل شوي يطلع لنا بستايل أنثوي جميل .. هالموضه رجعت في سنة الـ 2011 وحتى الان مستمره ويتوقع انها راح تطول كم سنة قدام كمان . *ياقة بيتر بان , عن نفسي حبيتها ومأخوذه من الستينات ,ستايل جديد وبناتي اكيد . *السبورت , القطع الرياضيه , التنرغ + الجاكيتات السبور + البلوفرات .. وغيرها في السنوات الاخيره صرنا نشوفها تندمج مع قطع رسميه , عن نفسي ماحبيت هاللون والناس أذواق . *الكشكشات او المطويات "Peplum" كشكشه على نهايه القمصان او في نص الفساتين او في بدايه التنانير , جميله جداً تحلي الجسم , وفيها لمسة أنثوية . *القطع المخرمه او اللي تجي زي الشبكه .. *المنقط "Polka Dots" يفضل انك تستخدمين الالوان الغامقه او الفاتحه وتتكرين الالوان الفاقعه على اساس مايكون شكلك كأنك مهرج . *طباعة الثعبان "snake print" اللي واضح انها راح تنتشر إنتشار قوي اكثر بسنة الـ 2012 شفنا هالشيء بأكثر من كولكشن بدور الازياء مثل قوتشي .. هالنقشه مريحه واشوفها تناسب للصباح والمساء , طبعاً على كذا مو معناته ان طباعة التايقر راح تختفي .. التايقر للحين موجود والتوقعات انه راح يتم لـ 2013 *المعدن "Metallic" عن نفسي اعشق هاللوك يعطي بريق عجيب .. وجداً مميز يجي بألوان جذابه البرونزي , الذهبي , الفضي , والرمادي .. *الطباعه بشكل عام "Prints" بالأزهار والفواكه والأشكال الهندسية واشكال العصافير .. كمان مستمره معنا هالموسم . *الالوان "Color-Blocking" جمع على الاقل 3 الوان في قطعه واحده , ستايل جريء وشبابي .. *كمان نشوف قطعه بـلونين محايدين , وتبين انها بحد فاصل , جميله واتوقع مو جديده لكن دارجه . *كمان الوان الباستيل طاغية على هالموسم .. نسميها الدرجات الفاتحه.. . *اللون البرتقالي واليوسفي "Oranges and Tangerines"من أهم الأشياء عن الموضة القادمة , هذا من الالوان اللي راح يكون اكثر إنتشار في سنة الـ 2012 *الابيض والاسود "Black and white" دمج الابيض والاسود كمان موضه في 2012

[~جنى~]

*ربطات الشعر اللي تسمى بـ "headbands" اكسسوار الشعر يعطي شكل آخر للوك , وايضاً اعتبره مخفي عيوب للتسريحه , شفنا انتشاره بزواجات المشاهير وكمان على الريد كاربت .. * الحزام العريض "wide belts" هو الرائج في هالشتاء اكسسوار مهم .. يعطي شكل عصري . *السكارف "Scarf" للشتاء والصيف , اكسسوار جميل ويحلي اللبس كثير .. *الجزم "تكرمون" اللي تكون حاده "مثلثه" عند الاصابع وهالستايل كان معروف بالخمسينات , وراجع لنا هالسنه وبقوه بحسب رأي النقاد .. *ايضاً الجزم المسكره ومفتوحه قدام عن تقريباً يظهر منها الاصبع الكبير "Peep-Toe Shoes" .. *الجزم بقاعدة خشبيه "wood-soles shoes" , كمان طالعه من فتره طويله لكن ماأنتشرت إنتشار كبير , التوقعات انها تكون دارجه هالسنه وبكثره . *جزم الويدج "Wedge shoes" اللي كانت منتشره وبقوه في الستينات والسبعينات , حتى الان مستمره وبكل عرض طالعه لنا بستايل جديد .. *الجزم البيضاء , في السنوات الاخيره كانت الجزم البيج او النيود منتشره وبقوه , وهالسنه التوقعات ان تحل محلها الجزم البيضاء .. *حقيبة الطبيب "Doctor’s bag" أو حقيبة غلادستون , تقريباً كانها متفوخه ولها قاعده تحت .. أنيقة جدا وفخمه وكلاسيك , رجعت هالموضه دار سيلين الفرنسيه في ربيع وصيف 2011 لكن ماأنتشرت , بعدها نزلت هالحقيبة دار لويس فيتون في ربيع 2012 وبدأت تنتشر بقوه , ولحقتهم دور آزياء ثانيه .. *الكلتش الملفت بأشكال هندسيه او خرزات , او حتى خطوط , هذا دارج هالموسم . *كمـان موضه الساعات الرجاليه أو نسميها ساعات البوي فريند "Boyfriend Watches" عمليه بشكل , وطالعه بستايلات جميله طلعت بنهاية او وسط سنة الـ 2011 ومستمره في سنة الـ 2012 , طبعاً مو مثل مايعتقد البعض انها سبورت فقط , لا ممكن تعتمدينها في السهرات والحفلات , هذا كله يعتمد على لبسك . *ايضاً اللؤلؤ "Pearls" للي يحب الكلاسيك , اللؤلؤ مستمر موضه لهالموسم. *الاساور "Balenciaga" الكبيره والعريضه او تلبسي كذا وحده بيد وحده .. *الحلق الصغير أو ممكن يسمى الدبوس أو المسمار "Stud Earrings" هالنوع المفروض يكون عند كل بنت , يناسب بكل الاوقات عمــلي .. *كمآن أقراط الثريا "Chandelier Earrings" التوقعات بعودتها في هالموسم . *الخواتم الكبيره , او الخواتم اللي فيها احجار ملونه , الكريستال أو السواروفسكي , جميله جداً وتعطي لوك غيير شكل , وسهله في الاختيار ماتتعب . *القلادات الكبيره كمان موضه لـسنة 2012 , كمان تكون من الاحجار و السلاسل والخرز الملون و الكريستال أو الالماس .. طبعـاً هالمجموعه كلها اتجاهات ممكن تستمر وممكن تختفي بعد كم شهر , فيه شغلات جديده وفيه شغلات كانت موجوده من 2010 .. اتمنى استمتعتوا بالموضوع واستفدتو أكيد .. دمتم بود ~

[ملاك الحنان]

موضوع شامل و متكامل
مجهود اكتر من رائع
تسلم ايديك يا غالية
دمتي لنا

[na2na2a]

موضوع بقمة الروعه والجمال

شكرا على مجهودك حبيبتى جنى


يثبت لفترة

[روانة]

[♦♦ ياسمينة ♦♦]

يسلموا ع الطرح والمجهود

تحياتي لك