[البركان الثائـر]

الله يجعلها بدربك تساهيل = ستراً وتوفيقاً وعيشه سعيده
ويكفيك صكات الليال المقابيل = يجعل حياتك بالتهاني مديده
ويحماك ربي من جميع المحابيل = اللي تخطط من شراذم عبيده
ويجعل طريقك بالسعد به قناديل = ويجعل مساعيكم عليكم حميده
وعساك ما شفت الاذى والبهاذيل =ياللي مزاياكم قليله فريده
لك دعوةٍ مني تجي باخر الليل = يحفظك ربي ماتشوف المكيده
يالله ياللي نزل الكهف والفيل = ايات في خلقك عليهم شهيده
انك توفق من نوانا بتبديل = اتوفقه فيما سعاله يريده
هذا وانا ما اقبل على نفسي الميل = اموت سري ما تذيعه جريده
مانيب من يهرج مع القال والقيل = عندي على سري ما ابوحه عقيده
ولانيب احب اهل القلوب المغاليل = اللي تفتش في خطاي وتزيده
واللي قطع عنا حبال ومواصيل = اقولها يالله عسى عاد عيده
عندي ثقه بالنفس ماهوب تبجيل = اني عليكم ياجماعه فقيده

بقلمي فهد
البركان