بسم الله الرحمن الرحيم
قالولى انسى
ولازم تحسى
بان اللى باعك
لايمكن يعود
وانا مهما يعمل حبيبى حسامح
بعاده اللى طال
وكلامه اللى جارح
لانه حبيبى بكل الوجود
ده عمرى معاه
وحياتى فداه
هعيش رغم ظلمه
وجرحه والمه
فى حبه اللى زاد
وفاق الحدود
وان كنت بعده
بعانى فى بعده
بنار الفراق
بعمرى اللى فات
وقلبى اللى مات
وتوهه وشرود
ياريت افتكر
كلامه جرحنى
وبعده دبحنى
وحيرة وغيرة
وظلم ومهانة
وقسوة وجمود
ساعتها يمكن انسى
ياريت افتكر
لما اديته عمرى
وسلمته امرى
وبعت الدنيا عشان يرضى عنى
وده برغبة منى
وقابل ده كله بكدب وجحود
ساعتها يمكن انسى
ياريت افتكر
كل كدبة عليا
رسمها فى خيالى وقالها ليا
ياريت افتكر كل واحده قابلها
وقاللى دى اختى
وعرفها بيا
ساعتها يمكن انسى
ياريت افتكر
يوم ما قاللى هجيلك
ده عمرى ووقتى ما كان يوم لغيرك
هجيلك بقلبى ومش ممكن انسى
ولما انتظرته بكل كيانى
لقيته بقسوة بيضحك عليا
ويلعب بدية ويسرح بديه
ساعتها يمكن انسى
ياريت افتكر
لما قال قلبى ملكك
وهافضل احبك
حياتى وروحى ليكى
وبعمرى هاشتريكى
لكنه جه وباع
وطبعا عمرى ضاع
ساعتها يمكن انسى
لكن ما افتكرتش
سوى حبى ليه
هعيش عمرى كله
وهابقى عليه
ومهما تقولوا فى كلام او ملامة
بيبعدنى عنه
يقربنى ليه
ومش ممكن انسى