[البركان الثائـر]

ياهم وش عندك على قلبي افواج = تإتي وتسكن داخل القلب ياهم
وياحزن وش عندك على القلب بخلاج = بنيت لك عشه من الهم والغم
حطيت لك منزل مقرات واسياج = واسقيتني حنظل مع الزاد به سم
صبري نفذ والهم ما عاد يحتاج = كنه يقول انا الذي صرت لك عم
وطير الفرح من دنيتي حام ثم راج = انا وطيري كننا في مخاصم
طير الامل بعد السفر عود ادراج = واحلامي البيضاء امامي تحطم
مثل السجين اللي منع عنه الافراج = ولا احداً سمع له حجةً لا تكلم
انام ساعاتي على هم واسهاج = وافز من نومي من الخوف ملتم
الكون في فكري له اصوات وازعاج = كابوسها فالليل فيه اتحلم
مثل الذي وسط البحر بين الامواج = طبه وهو للغوص ما قد تعلم
ورجواي باللي للنبي حط معراج = اللي خلق ناره وجنات وآدم
انه من الايمان يكتب لي سراج = ومن اتكل بالله ترا ما تندم