[البركان الثائـر]

انا على خبرك حشى ما تغيرت = مهما تطولبنا الليالي مسافات
زرعت حبك داخل القلب واثمرت = شوق ووله لفه من الصدق باقات
لا هو نزل قدري ولاني تكبرت = بس الظروف اللي علينا صعيبات
ياما تصورتك معي وانت صورت = اني معك في عالمي والمسرات
لا طيع في مثلك ولا يوم شاورت =ياحاضنه قلبي محبه ومشهاة
اشاهدك واطالعك وين ما درت = يابوصلة عمري جميع اتجاهات
اليا رقيتك في خيالي وحدرت =القاك في حلمي مع الليل بسبات
الشوق يبحربي معك وين ما صرت = انا وشوقي لك رسمنا خيالات
حتى خطاوينا لكم وين ما سرت =تمشي بدون شعور للزين بالذات