حوار على الهاتف.........

[طلول]

[center]اترككم مع هذي القصيده الرائعه
=================


كلّ البشر فـي الاتصـالات يخطـون
يخطون واخطي.. عذرنا هاتف فلان؟؟
ومن عادتـي ماهتـمّ باللـي يقولـون
من غلط في رقمي ..لقى الردّ غلطـان
الين جـااء فـي يـوم ..دق ّ التلفـون
شفت الرقم.. لقيتـه اشكـال والـوان
فتحت جوّالـي ابعـرف مـن يكـون
سمعـت صـوتٍ فيـه بحّـه وفتّـان

قالت لي: انت محمد؟ قلت: ايه بالعون.
لعيونك.. اسمي محمد لو كان نعمان
قالت :اتظنّي مخطئه. قلت :وشلـون؟؟
قلبـي توقّـف مانبـض فيـه شريـان
بالهـون يابنـت الاجاويـد بالـهـون
من عـادة الانسـان يرتـاح لانسـان
تسمّعـي يابنـت وابلـيـس ملـعـون
اخذي كلام ٍ مصدره صـدق وجـدان

ماني بقايل لك: انـا انسـان مزيـون
اطرق ولاله شبه في الانـس والجـان
انا طلال.. وافـي الهـرج مـوزون
اوزن كلامي.. قبـل اقولـه بميـزان
وانا الّـذي لاحـبّ ..لايمكـن يخـون
مخلص مدامه حيّ ..ويمـوت ماخـان
وانـا اذا حبّيـت.. حبّيـت بجـنـون
حبّـي يفجـر داخلـي الـف بركـان
وانا الّذي ماطـرد ورى مـن يقفّـون
من صدّ عنّي عمد.. بجزيـه حقـران
هذي وصوفي ..واكثرالنّاس يشـرون
وانتي عليـك اليـوم تقديـر الاثمـان

قالت :اشوفك قمـت ياطلال تمـون
تضحـك وضحكتهـا تقاسيـم فـنّـان
قلت :الميانه.. ماهي بضحكـة سنـون
احيـان ماتلقينهـاا بـيـن الاخــوان
ترى الميانه شـيّ واضـح ومضمـون
اذا اجتمع شخصين.. في قلب ولسـان

قالت :كلامك وافـي ٍ يابـن خلـدون
احيان احسّ ان جلستـك بيـن شيبـان
ياطلال ..اسمع كلمة البنـت ميسـون
اسلوبك ووقتك.. مضت دونها ازمـان
هـذا زمـن قدواتـه افـلام كرتـون
وهذا زمان ارجالـه اجسـاد وابـدان
قالت.. وغنّت لي على وقتـي لحـون
قلت: اسكتي من بعد ماخاطري شـان
انا ادري ان الوقت.. من دون في دون
لكن فمـان الله وانـس ِ اللـذي كـان

قلته وانا صامل.. وهـي عندهـا آذون
لكنّـهـا ماصـدّقـت سـمـع الاذاان
ضاقت ...وخلـق الله دايـم يضيقـون
وانا قفلـت الخطّ..ضايـق وزعـلان
ونسيت.. والاجواد في الوقت ينسـون
ماسـمّـي الانـسـان الاّ بنـسـيـان

المشكله..بـنـات حــوّا مايسـلـون
دقّت علـي وانـا لهـا شبـه شفقـان
قبل آآتكلّم.. قالـت: اسمـع ولاتهـون
اسمي مهو ميسون.. حان الصدق حان
الاسم عشماء وآخـر الجـدّ مصيـون
مهـره ولا طوّعـت بلجـام وعنـان
قلت: ارحبي مليون تضـرب بمليـون
اقولهـا مليـون مـن قلـب ولسـان
قلت: ارحبي في العين ..ولحافك جفون
وظلالك من الشمس باهـداب الاعيـان
ياعيـن حـر ٍ بالمطالـيـع مفـتـون
حر ٍ شـراه مولّـع الصيـد طربـان


اخوكم
طلوووووول[/align]

[ملكة الرومانسية]

[center][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

طلول

يعطيك العافيه على ذالكلمات والقصيده

الرائعه

وذالوصف لنفسك لا تنسى طلول المثل

(( الشيء ان زاد عن حده انقلب ضده ))

ثقتك زاده عن اللزوم

وأخيرا تسلم على ذالمشاركه

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][/align]

[أخر الصفحات]

صح السانك
يعطيك العافية يأخوي طلول على المشاركة رائعة
ويســـعدني ويشرفني انا ان اكون بين اسطـــرك هذي
بس لو كتبتها في قسم همس القوافي يكون احسن واجمل لانها قصيدة وليست خاطرة
مو مهم المهم كسبنا شوفتك ومشاركتك هذا اهم شئ عند الجميع
فنحن في انتظار القادم والافضل منك
اخوك اللي يحبك اخرالصفحات

[طلول]

مشكورين على ردودكم الحلووووة او لا يهمك يالغالية ملكة الرومنسية

[مراوي]

ماااااأروع ما خط قلمك ..
أبداع ...لايعلوه غبار ...
ورسم.. لايجاريه فنان ..

لوحــــــة رائعــــة نسجت بكل أبـداع .وجمـــال ..

خياليه

لايسعني... الا الإشاده بهذه الكلمات الرائعة

وبهذا الخيال الواسع ..

الذي سيدهش حتما كل قاريء ..!!

ودام على الخير تواصلك000

[همـ الروح ـس]

[center]طلول

قصيده في قمه الروعه

لا عدمنا مشاركاتك الرائعه

يعطيك العافيه[/align]

[طلول]

مشكوورين على ردودكم الحلووة