السلام عليكم يا أعضاء الديكورات ياللي بس تتفرجوا وما تشتروا !
شاكر وممتن لك ياذلتهم عيوني على استضافتك الجميلة لي وبارك الله فيك
ونردها بالمناسبات إن شاء الله , على فكرة ! ... ليش ذلتهم عيونك ! ممكن لأنك مركبة عدسات ! هههه
ندخل بالموضوع :
والله على قولة المثل الشعبي ( مد رجولك على قد لحافك ) و ( والقناعة كنز لا يفنى ) والمقولة ( شحات
ويتشرط ) أحطها قدام عيوني لما يكون الموضوع موضوع عفش وديكور وأثاث ! ههههه
ومع إني أحب الديكور والإثاث العصري لكن تلقاني أصرف أموال طائلة على الأجهزة الإلكترونية لأنها تبقى
وأشوف إن تكاليف الأثاث خيالية بدون داعي , خصوصا إنها تستهلك وتقدم بعد فترة بسيطة , هذا بالإضافة
إن ذوق الرجال معروف بهالأمور ! ههههه , لكن على كل حال أحب الديكور , وكفا الله المؤمنين القتال !
ندخل على الأسئلة :
سـ1 : أي الألوان تفضل في غرف النوم ؟ وما لون غرفتكـ ؟
أنا أحب الألوان الفاتحة عموما , لأنها تشرح النفس , أما الألوان الغامقة فتكتم , وإن كنا ولا بد فاعلين
لازم نخلي الألوان الغامقة قطع صغيرة بالغرفة كنوع من التزيين فقط لا غير .
أحب اللون البيج , وهو صديق عزيز على قلبي ( يصير خير ) . أحب اللون الخشبي الفاتح ...
التفاحي الأخضر و الأناناسي ( لون جديد ) يعني الأصفر الفاتح اللي زي الأناناس وغيره .
أما لون غرفتي ( لحد يضحك ) ..... برتقالي معتق ! , والأرضية بيضة وبرتقالي , والأثاث بيج وأبيض .
والأمور ماشية ولله الحمد ولا يوجد قتلى و لا جرحى إلى الآن .
سـ2 : أهم شي لازم يتواجد في الغرفة في نظركـ ؟ السرير ! هههه غرفة النوم أساسا للنوم فقط , يعني سرير , ومن أهم الأشياء طبعا مكتبة صغيرة للكتب . لكن وجود تلفزيون هذا شيء مو طيب , مش عشان ناحية أخلاقية لا , لكن نفسيا يؤدي إلى العزلة والتفكك على المستوى الشخصي والأسري .
سـ3 : شي في غرفتكـ ومو عآجبكـ ؟ شي تتمنى يكون موجود ؟
الزوجة ! هههههههههههه
لالا من جد أتمنى رضا الوالدين بس ! لالالا من جد الجد أتمنى ربط كل شيء بالغرفة إلكترونيا بوحدة تحكم , وتصير
غرفنا غرف ذكية ( ما أدري هل سمعتوا فيها واللا لا ) , وأحب تكون الغرف زي اللي نشوفها بالأفلام اللي تقلب
الأثاث ويطلع أثاث ثاني من تحت ..... , يعني بالعربي الحمد لله ما ناقصني شيء لكن أفكر بتطوير الحالة المعشية
وأحب التقنية .
سـ4 : ايش موجود فوق الدولاب , وتحت السرير ؟
لالالا .... من ستر على أخيه في الدنيا ستره الله يوم القيامة .
سـ5 : لون ستارة غرفتكـ ؟
أبيض على برتقالي .
سـ6 : تفضّل السيراميكـ ولا فرش في غرف النووم ؟ وغرفتكـ سيراميك ولا ؟
غرفتي سراميك لكن ودي اغيره لكن مو مهم , وأفضل طبعا السيراميك الخشن , لكن بصراحة احس موضة
السيراميك قدمت , وممكن الخشب افضل , لازم يكون فيه تجديد , ليه مثلا ما تكون الأرض حجر زي اللي
يحطوه على الجدران ! شيء رهيب ! .
سـ7 : كم درج في الغرفة ؟
وش دخلك ! هههه , والله إلى الآن مو كثير , لكن كلها أدراج الكامادينات والدولاب والمكتبة اللي بالغرفة ,
وكلها مليانة كتب ! ههه
سـ8 : إذا كنتي بنوتة وين تحطي الاكسسوار تبعكـ ؟
لو تفتح عمل الشيطان .
سـ9 : أكثر شي تحبه في غرفتكـ ؟
أحبها لأنها عالمي الخاص , وبعييييييييد عن صراخ الأهل , لأني في الحقيقة بعيد عنهم شوي , وفيها كل
شيء , وأحلى ما فيها إنها أكبر غرفة بالبيت , ومساحتها : 6 × 5 م , وفيها تلفزيون كبير وكل الأجهزة ومكتبة
حتى سير رياضة ... كل شيء ولله الحمد .
سـ10 : عندكـ علبة مناديل في الغرفة ؟
ههههههه .... كأنك عارفة إني ارمي علب المناديل , 2 مليانة و 1 فاضي .
سـ11 : تحب تقضي معظم أوقاتكـ في الغرفة ؟ ولماذا ؟
والله على حسب إذا كان فيه شيء خرجت , لكن أشوف الأفضل وأختار ...
سـ12 : ترتب سريركـ لما تصحى من النوم ؟
يصير خير !
سـ13 : دولاب ملآبسكـ مرتب ولآ نص نص ؟
مرتب إذا كان فيه ملابس !!!!
سـ14 : الأشياء اللي مآ تستخدمهآ إلا نآدرا وين تحطهآ ؟
ملابس يعني .... والله بصراحة انا إنسان عملي , اللي استخدمه احطه قريب . واللي ما استخدمه احطه
في أمه الهاوية .
سـ15 : في أحد يشارككـ في الغرفة ؟ منو ؟
فال الله ولا فالك .
سـ16 : تغيّر أماكن الأشياء بين وقت وآخر ؟
أحب أستقر على الوضع الأفضل .... واللي يناسب تصوري لبعض الأمور .
سـ17 : احظر لنآ صورة غرفة نوم عجبــــتكـ , ولو تجيب صورة غرفتكـ بعد يكون أحلى
صراحة ما لقيت اللي ببالي لكن هذي اقرب شيء :
[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل] وأخيرا شكرا على الإستضافة الجميلة .... وتحيتي وشكري لك ...