فروج مشوي مع البطاطا المقليه

[نــ العين ــور]

المقادير

2 جاجه مقسومه لنصين و مغسوله طبعا بالماي والطحين وبعديا مفروكه بقطع الليمون واتركوا لتتصفى ومسحبه

ولو في فرجيكم الطريقه كيف تسحبوا الجاجه والله ما بقصر بس هي طريقه سهله كتير اهم شي يكون عندو الواحد طولت بال وصبر وازى ما عندكن اياها فياريت تجيبوا من السوق مسحبه وخالصه

نص الى تلات ارباع من عصير الليمون

بصله كبيره مبشوره ( معجون يعني )

ملعقتين ونص ملح

فلفل اسود حسب الرغبه

ربع فنجان زبده

ملعقه كبيره من مسحوق الفليفله الخضرا الحيلوي

(هلا في شغلي وهي البصل المشوي ازى لاحزتوا بالمطاعم بتبقى لينه اكتر من اللي بنشويا بالبيت

هاد لانو بيحطوا البصله بماي سخني مغليه وفيا ملح من قبل الشوي )

بندوره للتزيين

الطريقه

________

جيبوا العصير الليمون والبصله المبشوره والملح والفلفل في صحن وامزجوا اما بالشوكه او بالبلندر خفقه واحده

غطسوا الجاجه في الخليط واتركيا 4 الى 6 ساعات بالبراد مع التقليب

بعد ما الوقت يمر بتدهنوا الجاجه بالفليفله الحيلوه المعجون والزبدي السايحه واشوها على

الفحم وان ما في مجال للشوي على الفحم بتقدري تستخدمي سيب بالتاكيد

هلا كل شوي بللي الجاجه وهي على الشوايه بالخليط الفليفله والزبده لحتى تستوي الجاجه وحطي على الفحم البصله لتشويا معا و بهيك خلصنا من الشوي بتحطي بصحن التقديم مزينه بالبندوره الطازه والبطاطا المقليه بتقدميا معها

وصحتين وهنا

_____

السلطه

طبعا مكوناتها معروفه

الخس بجميع انواعه المدور والعادي والطويل انا بجيب كل شي في خس في السوق بجيبه بيطلع شكلو حلو كتير وطعمو اطيب والفيفله الحيلوه والفجل والنعنع والبقلي والجرجير والبندوره الصغيرة واي شي بتحبوا

المهم هي الصلصه هلا

1 كوب زيت زيتون

2 ملعقه كبيرة خل عنب احمر

شويه ملح

2 توم مدقوق ( راسين مو حبتين )

2 ملعقه كبيره من المسترد الديجونdijon

نص كوب عصير ليمون

فلفل اسود

نعناع طازه

حطوا كل اللي كتبتن ماعدا الزيت الزيتون بقلب البلندر

وانتوا فاتحين غطا البلندر من فوق شوي شوي بتضيفوا الزيت الزيتون

هالحركي هاي بتعطي كثافه للصلصه

حطوا كل الصلصه بقلب وعاء وجاجي وبالبراد وقبل التقديم بتحطوا على حسب رغبتكن بقلب السلطه

والباقي بتم بالبراد للمره الجايي

وصحتين وهنا

تحياتي

[طلول]

المشكلة الجوع جابني هنا
هههههههههههههههههههههههههههههههههههههه


تسلمين على الطبق الرائع بس للاسف ماعرف اسوي
هههههههههههههههههههههههههههههههههههههههههههههه

[عبير الحب]

حبيبتي زيون

مشكورة على الطبق الرائع

عجبني كتير

يعطيك الف عافية

تحياتي

[نــ العين ــور]

إخواني الأعزاء .........

طلول وعبير الحب .........

كل الشكر والتقدير لمروركم الرائع وإنتم دائما تحرجوني بذوقكم .........

تحياتي