ادخل والله ماتندم رائعه جداااااااا

[صافي الود]

السلام عليكم ورحمة الله وبركاتة


( لأتعليـــق على القصيده وهي تعبر عن نفسها وشاعرها مجهول )





شفتها يا سعود صدفه بعد ما غابت سنين=عند قسم المختبر وسط مشفـى الجامعـه

جيتها ثم قلت ممكن في سؤالي تسمحيـن=ناظرت فيني بدهشـه نظـره متواضعـه

قالت انته تحسبني مـن البنـات الصايعيـن=تحسبني في زماني عن طريقـي ضايعـه

قلت انا ماراح اطـول كلبوهـا كلمتيـن=وابعدت عني شويه ثـم جتنـي راجعـه

قالت اسال واضح انك من رجـال طيبيـن=بس هرجك يالسنافي كان وشهـو دافعـه

قلت انا حبيت وحده يوم كنـا صغيريـن=ومن ثمان اسنين راحت للمواصل قاطعـه

عقبها ماذقـت نـوم يهتنيـه النايميـن=ساهر في طول ليلي لين شمسـي طالعـه

اذكر انه فيه حبه فوق ثغره مـن يميـن=واذكر انه لاجرينـا كـن شعـره تابعـه

واذكر انـه عاشـق فالـورد الياسميـن=صار قلبي بالورود اللي عشقهـا زارعـه

طابعا اسمه بقلبي فيه سين وفيـه عيـن=وفيه الف وفيه دال وسـط قلبـي طابعـه

قاطعتني بقولهـا سبحـان رب العالميـن=كررتهـا مــره و مرتـيـن وثالثه ورابـعـه

قلت وشفيـك وشبـلاك يابنيـه ترجفيـن=ليش عينك يابنيـه مـن كلامـي دامعـه

قالت الموقف وقلبي والمحبـه والحنيـن=كيف اشوفك بعـد ماكنـت عنـك قانعـه

قلت انا بسألـك انكانـك انتـي تذكريـن=عن مواثيق ثمنهـا مـن حياتـي دافعـه

قالت ظروف الزمان ماتطيـع العاشقيـن=بيعوني غصب حبك لو انا مانـي بايعـه


انا في دنياي حالي كنها حـال السجيـن=حتى لو فكوا سراحه فيـه شـي مانعـه

زوجوني غصب واحد وحرموني حاجتيـن=السعاده فـي زمانـي والحيـاه الرائعـه

والحين انا ام لثلاثه عندي ريم وياسميـن=والولد ا سمه على اسمك والمشاعر جايعه





تقبلوا تحياتي

[أخر الصفحات]

حياك الله اخوي صافي الود

ويعطيك العافية على القصيده رائعة والجميله

والقصيدة قصة حزينة ابدعت يأخوي

فلا تحرمنا من كل جديدك

[صافي الود]

تسلم عيوني اخر الصفحااااااات


على طلتك الاكثر من رائعه

تقبل خالص احترامي

[* أمير الشوق *]

[center]هلا وغلا بأخي العزيز والغالي
(( صافي الود ))

تحية تقدير لروحك الغالية
التي اختارت لنا
هذه القصيدة الرائعة
وهذا بلاشك يدل
على روعة مشاعرك
ورقة أحاسيسك
ربي يديمك ويرعاك يا الغالي


مغليكم - أمير الشوق[/align]

[الشاعره: حساسه]

[center]اللـــــــــــــــــــــــه
صراااااحه روووووعه

قصيده مؤثره جداً
تلامس الأحساس
وتهيج الشجون


يعطيك العافيه اخوي
ولاتحرمنا من طلاتك[/align]

[بدرالحزين]

صافي الود.....

صح لسان الشاعر ..وصحت اناملك .. وصح وذوقك
تسلم على الاختيار الرائع والقصيده والاروع.
تحياتي لك.

[صافي الود]

امير الشوق

تسلم يالغالي على مشاركتك في الموضوع

والله لايحرمنا منك يالغالي

تحياتي لك واحترامي

[صافي الود]

الشاعره الحساسه

تسلمين على الرد والطله الجميله

والله انتي الاكثر من رائعه

تحياتي وخالص احترامي

[صافي الود]

يعطيك العافيه اخوي

بدر الحزين


ماقول غير الله لايحرمنا من ردودك


تحياتي

[إندماج الأرواح]

صح لسانك

قصيدة في قمة الروعة

ذيب الحره