ضحكة طفل

[إندماج الأرواح]

ذيب الحره

لبيه ياصوتٍ يجرّ التناهيد
........لبّى عيونك..والقصيد..ونكدها

طارت عصافيرك وغنّت لها البيد
.....يوم "اشملت"بي قلت هذا وعدها

وجيت أتبختر بين جول الأناشيد
.........أبي بيوتٍ تتعب اللي نقدها!

علمي بنفسي يوم هي تصرخ:فهيييييد
.....والله مدري وش جرالي بعدها...!

حذفت عن رأسي عقالي ورا الحيد:
....والله لاخرّبها..واعقّد عقدهــا..

الشعر ماهو عمزتين ومواعــيد
.....الشعر:لعنة حرف وامرّ وادهى

وبنت الشيوخ المُتعبين الصناديد
.....افعالهم محدٍ بيحصي عددها

الغادة اللي قادت الشعر والغيد
.....سجدة شكر كل العقول تحمدها

قامت تفضفضلي عن العيد والعيد
....وموّال هتانه يناجي رعـــدها!

هي زودتها بين نفيٍ وتفنيد
...وأقبلت من قلبي وانا طوع يدهــا

العيد:ضحكة طفل..ثوب وزغاريد
....تكشخ براءتنا قبل نفتقدهــا

أقصىامانينا عقال وبواريد
....ننطر متى نكبر ونجني شهدها!

واليوم صار العيد..لحظه/تناكيد
....استغفر الله كذبةٍ واعتقدهـــا

آبختصرها بآخر الحكي وآعيد..
.....أحيان يعني عن جماله لحدها..!

العيد قُبلة راس"بيي" بتمجيد
....ياضحكته..تطفي بحوفي وقدها..

العيد:








العيد:وجه أمي وهي تصنع العيد
.....يالله جعلي يالولي مــ افتقدها

[سعد البقمي]

[center]ذيب الحرة الله يعطيك العافية

قصيدة روعة سلمت اناملك على هذا الابداع

والله يخلي لك امك ويعطيها العافية ولاتحرمنا من جديدك

وتقبل فائق احترامي ...[/align]

عاشق بنت النور سعد البقمي ...... الســــــــاهي

[أخر الصفحات]

[center]صح لسانك لاهنت

قصيده رووعه وكلمات اورع

ويكفي ان ذكر الام في القصيدة يعطيها جمال وروعه

الله يخلي امك لك ويطول في عمرها ويحفظها من كل مكروه وشر

يعطيك العافية [/align]

[إندماج الأرواح]

سعد مشكور على مرورك ويعطيك ألف عافيه

أخر صفحات صح بدنك مشكور على المرور ويعطيك ألف عافيه

الله يحفظ أمهات المسلمين اجمعين

ذيب الحره

[بحار نجد]

	.........أبي بيوتٍ تتعب اللي نقدها! فعلا" هذه الابيات تتعب الناقد فلايمكن أن يجد ما ينقدة وبالتالي يجب علية أن يقول كلمة حق في حق هذه القصيدة وشاعرها القصيدة غاية في الجمال وقد أعجبني كثيرا" آخر ابياتها صح لسانك يالذيب

[إندماج الأرواح]

صح بدنك مشكور اخ بحار نجد على مرورك وردك الاكثر من رائعه

تحياتى لك