قصائد الشاعرة ... عابرة سبيل ... رحمة الله عليها

[ملكة الرومانسية]

[center]

	أعضاء منتدى همس الوقافي ((( السلام عليكم ورحمة الله وبركاته ))) لقد لفت نظري في هذا القسم ذكر قصائد لمجموعه من الشعراء لاعجابكم فيها ... لكن بعض الشعراء لم يذكر لهم اي بيت ... فلي اعجابي بالشاعرة ( رحمة الله عليها ) عابرة سبيل أسكنها الله فسيح جناته حبيت أعرض لكم مجموعه من كلماتها لعدم ضياعها ولنضل على مدى الايام ذاكرينها

	العيد باكر العيد باكر أسعـد الله ممسـاك والله مدري ويـن خـدٍ جلستـه وين انت ياللي عيدنا في محياك كف القدر من ضيقة الخلق بسته من يوم ما لوحت لي كف يمناك لليوم دمعي بالخفا مـا حبستـه ومن يوم ماذوقتني حر فرقـاك والياس زرعه في حياتي غرسته شريت لي ثوبٍ علي شان لقياك والثوب راحت موضته مالبسته وشريت عطرٍ ما زهاني بليـاك أربع سنيـن بعلبتـه مالمستـه ودفتر قصيدٍ كل يـوم يترجـاك مافيه يومٍ ماسهـرت ودرستـه

	يسألوني يسألوني عابـره ويـن الجديـد والاجابـه ضايقـه فينـي ملـل راحت ايام السعـاده والقصيـد عشتهـا بيـن التكانـه والجهـل كنت اروض شارد الحرف العنيد ماعسرني لو بغيته فـي عجـل فيه اصور لوعة الحـب الاكيـد ومنّه(اشكل) ماحوى قلبي غـزل ومعه (اسافر) عن معاناتي بعيـد ولأجل حبه ماشحنّي من زعـل احضنه (فرحة) طفل في يوم عيد واسكنه (روض) الخزاما والنفل واحتويته ليت لي (قلـب ٍ) بليـد ماعرف (فرق) الجزاله والهزل والنهايه مابقـى عنـدي جديـد واعذروني صارت ايامـي ملـل

	الوصيه تـرى الذبايـح وأهلهـا ماتسّلينـي أنا أدري إن المرض لا يمكن علاجه أدري تبي راحتي لا يابعـد عينـي حرام ما قصّرت يديك فـي حاجـه أخـذ وصاتـي وأمانـه لاتبّكينـي لو كان لك خاطرٍ ما ودي أزعاجـه أبيك في يديـك تشهدنـي وتسقينـي أمانتك لا يجـي جسمـي بثلاجـه لف الكفن في يديك وضف رجلينـي ما غيرك أحدٍ كشف حسناه واحراجه أبيك بالخيـر تذكرنـي وتطرينـي يجيرني خالقي مـن نـار وهاجـه سامح على اللي جرى ما بينك وبيني أيام نمشـي عـدل وأيـام منعاجـه همي عيالي وأنا اللي فـيْ كافينـي علمهـم الديـن تفسيـره ومنهاجـه

	بريال عارضته بريال عارضته على السوق بريال من باعني برخيص والله لأبيعـه من يشتري رجّال قصّر بالافعـال باع العهـود الماضيـه للخديعـه رجّال يسوى له ثمانيـن رجّـال كل الصفات اللي ملكها فضيعـه له ضحكةٍ تشبه لضحكات الأطفال ذيبٍ ونظراتـه حنونـه وديعـه وله فزعةٍ منها المجانيـن عقّـال وفجوج لا ضاقت عليّ الوسيعـه ياما عدل عوجا ثقيلات وطـوال وأنامعاقبتـه غيـورٌ صريـعـه والله يسوى لـه ثمانيـن رجّـال والخبل مثلي لا زعل يب يبيعـه

	البطاقه الشخصيه أنا عجـوز مطلقـة وام ورعـان وأيضاً مدام وبنت وآنس وعانـس أنا بدوية وعايشه عنـد حضـران وبنت البحر وابوي زارع وغارس أمية ماتعـرف حـروف وألـوان وتلميذة دشـت جميـع المـدارس ضفره وخبله ، عاقله،في نقصـان شرود وأنطح لي ثمانيـن فـارس خلونِ أعيش العبره دون عنـوان طيف يمر بـلا رقابـه وحـارس

	الناس الناس سدّادة سلف يوم الرخا باكـر يضيـع ما بي اسوي حاجـة أصبـح عليهـا نادمـه أبحث بقلب التجربه وآخذ من أحداث الجميع عبره تساعدني على صدمات وقـت قادمـه بعطي واسامح للبشر وأحسن مع الكل الصنيع حتى إذا جار الزمن القـى صديـق انادمـه ودي على طول الزمن أكون منديـل الفجيـع أحب أعمّر ما أرتضي أكون ـلحظةـنادمـه وما دمت أنا متعافيه وما زلت في سن الربيع مهما يكن حجم العمل أرفض وجود الخادمه

	لله أبشكي لله ابــشــكــي (حــيــرتــي ) لله رب الـعـالـمــيــن وامــد لــه كـفـي (دعـــا) يـــالله عـفــوك ياجـلـيـل يامنتـهـى (الشـكـوى) إلـــه العـابـديـن الصـابـريـن يـالله (عونك0فزعتـك) همـي عـلـى قلـبـي ثقـيـل جتـنـي (رسـالـه) نصّـهـا ياعـابـره (حــزن وانـيــن) مع(تجربه)مضمـونـهـا فـيــه الـنـتـايـج والـحـصـيـل في شكلها الظاهر (غطا) وفالباطن المعنى الدفين وفـي (حبرهـا) تلميـح لايمكـن يصـيـر المستحـيـل وانــا حقيـقـه مـاعـرفـت شـلــون بـبــدى ياحـنـيـن مــدري ابــديّ كلمـتـي أو الــزم الصـمـت الفضـيـل لا جـيـت ابتكـلـم لقـيـت الـوضـع قـاسـي مايـلـيـن وان جيـت ابسكـت مالقـيـت عــلاج للقـلـب العلـيـل لاكـنّ (عزايـه) مامعـي سلطـه ولاعـنـدي ضمـيـن ولااقــدر امـيّـل مـاعـدل ولاقـــدر اعـــدّل مايـمـيـل مـاعـنـدي الاّ (كـلـمـة ٍ) فـيـهـا الـعــوارف خـابـريـن الـقــاع لاصــــارت دهــــر (يـابـدو)يـازيـن الـرحـيــل وخـلافـهـا (سـلامـتـج) والله عـلــى الـدنـيـا يـعـيـن والـصـبـر عنـوانـه(فـرج) والـغـيـث لابـــده يـسـيــل ويامنـتـهـى الـشـكـوى إلـــه الصـابـريـن العـابـديـن لاحـارت افكـاري تـرى مالـي ســواك انــت الدلـيـل

	أفكار ياكثر أفكار توارد فـي مخيلتـي ياكثـر ماصدهـا وكنـي أدللها لا واعذابي بليلي وعـز قايلتـي الكل منهن تبـي منـي أسجلهـا هذي شطبنا عليها تحـز عايلتـي وهذي مابيها سبقني شخص قايلها وهذي مابيها صغيرة بحق منزلتي وهذيك لقيتها وازريـت أكملهـا وهذي اذا قلتهـا قالـوا تعيلتـي وهذه أهييء لها جـوٍ وأنزلهـا ياكثر اوراق ودفاتر فوق طاولتي من غير أجناطٍ امليهـا واقفلهـ

	نون هو يعرف أن القصايد خيالات وفنـون واقعي مافيه غيـره شريـك بدنيتـي مالعبوا اهل المغازل عليه ويخسـون ماشيه في حشمةاللي مشى في حشمتي من تربي مثلي ف بيت عزٍ مايخـون غاليه بالحيل بالحيل عنـدي سمعتـي ماسهرنـا بالليالـي ندقـدق تليفـون امحشوم اللي نواه الجليـل بقسمتـي غالي لو هو يبي قصة العاتـق يمـون حجته تبقـى وتسقـط لعينـه حجتـي هو نون وحطه المعتلي في وسط نون في يدينه دمعتي وفي يدينـه بسمتـي

	ورعه وأنقل إلعبي يوم حسيت بالضيقه تهد العزيمه قلت أبا اروح أدوج وأشتكيها لربي قلت أبا اروح أدوج بالبيوت القديمه وأتذكر زماني وأول أيام حبي ويوم جيت المكان اللي شهد بالهزيمه أول اللي وصل للقاع ضربة ركبي صحت وين الغلام اللي غيابه ظليمه راح لكن غرامه بالضلوع متخبي وين ذاك الغلام اللي وصوفه عظيمه شاقني يوم أنا ورعه انقل لعبي كيف يمحي غلاه وله حب وحشيمه وأول الحب ما يمحي ولا فيه طبي مجرم ما لقينا له أدلة جريمه إن ركد ضامري نادى على النار شبي

[/align]

[إندماج الأرواح]

رحم الله الشاعره عابرة وادخلها فسيح جناته ومشكوره علي هذا النقل الرائع دائما مبدعه

[أخر الصفحات]

الاختيار ....
دليل على ذوق صاحب الاختيار
شهادتي في الشاعرة مجروحه فهى شاعره لها باع في نظم الشعر

وما نقلتيه لها انما ايمان منك بشاعريتها وقوة كلماتها وسلاسة المعنى
فاسمحيلي ياملكة الرومانسية بالقصيده هاذي للشاعرة عابرة السبيل بعنوان (رسالة من بدوية)

تعال بشـرح لـك أنـا كـل مغلــــــوق=تعـال شاهـدنـي مــع ذكريـاتــــــي
لا لا يغرك لبس موضة ومسحوق=انفض غبار الوقت تلقي صفاتي
قرب وطالع معّن الشوفiبحدوق=وزيف التطور جرده من حياتـي
بتشوف في وجهي من الماضي اطروق=أخذت من بطن الصحـاري صفاتـــــــي
طفلة بثـوب مخيطينـه ومفتـوق=تنطر جديـد الثـوب بالعيـد ياتـي
سمعت طرف اخبار عن كلمة السوق=وتاخذ وتسأل هـو وجـوده ثباتـي
طفلـه سحبهـا الوقـت للهم برفـوق=حتي انهـا صـارت مـن العاشقاتـي
وجار الزمن وعرض الحب للعوق=شرق ركايبهـا وهـم مشملاتـي
واتلا عهدها فيه يركض ورا نوق=مسرود جيب وفي يدينه عصاتي
ويصد لكن يلتفـت لـي مـن الشـوق=عجـلان يلخصنـي بعيـنٍ تحـاتـــــي
وقفـي وخطواتـه يتلـن معلـوق=وخلاني ماتنقل عظامـي عباتـي
ودار الزمان ولا مشي الحظ بوفوق=ومازلت أخفي بالظـلام اعبراتـي
ولا زلت أنا العب له علي كل طاروق=حتـي يجيـب الله مـوعـد وفـاتـــــــي

[* أمير الشوق *]

[center]هلا وغلا بملكة الرقة والإحساس
أختنا الرائعة والمتألقة
(( ملكة الرومانسية ))

تحية تقير لروحك الغالية
على لمسة الوفاء
للشاعرة / عابرة سبيل ( رحمها الله )
التي كانت من أروع رموز الشعر النسائي
وقدمت خلال مسيرتها الكثير من القصائد الرائعة
التي تحمل أسمى معاني الشموخ


أخوكم - أمير الشوق[/align]

[بحار نجد]

	الملكة تلك القصة الرائعه اللتي لا يمكن ان يتسرب لك الملل وأنت تقرائها أصبحت ملازمة للتألق والابداع بل هي عنوان الابداع ذاته .. أختيارت موفقة وجميلة تدل على سمو ذوق من أختارها لك كل التحية والتقدير ودمتى بخير

[بدرالحزين]

[b][center][size=7][font=Arial Black]ملكة الرومانسيه...

تسلمين على الاختيار الموفق...
وتسلمين على المشاركه المميزه..

رحمة الله على الشاعره..عابرة سبيل...[/font][/size][/align][/b]

[ملكة الرومانسية]

[center]

ذيب الحره999999

أخرصفحات

* أمير الشوق *

بحار نجد

بدرالحزين

يعطيكم العافيه على المرور

تسلمون على المرور ويعطيكم العافيه[/align]

[عاشق الاثارة]

	[center]الاخت/ملكة الرومانسيه نقل رائع واختيار جميل كلمات لها طابع فريد تعبر نهج اسلوب خاص ومشكووورة ورحمه الله الشاعرة[/align]

[ملكة الرومانسية]

[center]

عاشق الاثارة

يعطيك العافيه وتسلم على المرور

[/align]

[عثمـــــان]

رحم الله الشاعرة
وشكرا لك يا ملكة الرومانسية على هذه الباقة الرائعة
والحمدلله على سلامتك
وحشتينا اختي الملكة كثير
وان شاء الله العود احمد



تقبلي تحياتي الخالصة لك
وكل عام وانتي بالف خير
اخوك عثمان