السلام عليكم ورحمة الله وبركاته ..
أخ عايش .. اسمح لي أرد على موضوعك .. المميز ..
بالنسبه لي .. أسامح .. على حسب نوع الخطأ .. وحجم الجرح .. وأهمية الشخص بالنسبه لي ..
فيه أخطاء بسيطه وفيه أخطاء قويه .. فيها تعدي على الخطوط الحمراء عندي ..
يعني مثلا أحد من أهلي غلط علي .. بكل تأكيد أسامحه من غير لا أناقش نفسي ..
الأصدقاء العزيزين علي حيل .. أسامحهم بعد .. إلا بالخيانه طبعا .. على حسب عذره شنو ..
أما بالنسبه للمنتدى .. فمستحيل أحقد على أحد ..
وطبعا مسامحه أي أحد ممكن غلط علي ولا صار بيني وبينه مشكله ..
أكيد مو مصدقني .. بس والله العظيم .. هذا شعوري .. تدري ليش ؟؟
لأني أبرد حرتي من الأول وأقول اللي بخاطري .. يعني الشحنه السالبه عندي أفرغها .. في مكانها .. !!
وأتمنى من الكل .. يكون سامحني بعد .. على صراحتي .. ولقافتي أحيانا .. !!
احيانا الواحد لما يشوف غلطه تكرر أكثر من مره قدامه .. ما يقدر يتمالك نفسه ويرد .. على حسب إحساسه .. !!
وانا وإنت كان بيننا كذا موقف .. وأظن إنك قلت اللي بخاطرك.. وانا كذلك .. !! هه !!
واحب أقول شي أخير ..
وهو إني أسامح بس لما تتم ملاحقتي .. والقيام بتصيد أخطائي من اي شخص.. أحس فيه كره موجه لي ..
فأرد دفاعا عن نفسي مثل ما حضرتك تفضلت بذكره بموضوعك بانها ردة فعل دفاعيه .. !!
لا أكثر ولا أقل .. صح ردة الفعل تكون قويه بس هذا شعوري .. وهذي طريقتي .. !!
الحين أحب أقولك يا أخ عايش .. إني أحب مواضيعك .. من أول ما سجلت بالمنتدى ..
بس بعدين صار بيني وبينك كذا موقف .. ومن باب الحذر أنك ممكن تغلط علي ..!!
ما قمت أشارك في مواضيعك .. اللي تعجبني طبعا .. !!
اتمنى تتقبل مروري .. بكل رحابة صدر ..
وتنسى الخلافات اللي كانت بيني وبينك ..
تحياتي ..
|