[حبيبة فلان]

السلام عليكم ورحمة الله وبركاته

مساء/صباح الخير

اخواني اخواتي اتمنى انكم بصحه جيده

بصراحه هالموضوع لحد يستهين به لانه مرره عظيم

وانا من زمان بكتب عنه بس شلون ماعرف

وجتني رساله عن الموضوع وحبيت انقلها لكم مع التعديل والاضافات

موضوعي اليوم جميل جدا وسهل التطبيق الا وهو

الاســـــتــــغــــفــــــــــــــار

أكيد إنكم شايفين الناس هالأيام كيف قاعدين يسعون ويتفننون في طلب الرزق .

هذا راح ياخذ قرض ودخل بالأسهم

وهذاك طول يومه بمعارض السيارات

والثاني احترق وجهه بالصناعيه

وهذاك طاحت عيونه من كثر ما درس وسهر وتعلم ..

وهذا ما عاد شاف أهله من كثر ما يدور بالمخططات والمساهمات

و و و و و ..

وبصراحه ما أحد يلومهم . الكل يبي رزقه يكثر وينبسط بحياته ...

وللأسف ان البعض هاليومين تخرج من الجامعة وجلس بالبيت

مع الوالدة يطبخ ويغسل ويسب ويلعن في فلان وعلان

بسبب أنه مالقى مراده

في وظيفة تستر عليه وتسد حاجته بس فيه شغله ناس كثير جدا جدا ما فكروا فيها ..

حتى أكبرالعقليات الإستثماريه ما جت على بالهم إلا من رحم ربي .

يقول الله سبحانه وتعالى:

(فقلت استغفروا ربكم إنه كان غفارا * يرسل السماء عليكم
مدرارا * ويمددكم (بأموال) وبنين ويجعل لكم جنات ويجعل لكم أنهارا)

الإستغفار : يا ناس يا عالم الإستغفار

سبب رئيس لأشياء حلوه في حياتنا ...

حاول قد ماتقدر انك ترطب لسانك بالأستغفار
لعنت فلان استغفر
أغتبت فلان استغفر
سويت منكر استغفر
رأيت منكر استغفر

لازم الاستغفار ملازمة جازمة

أشياء ياما وياما تمنيناها ..

من فينا ما يحب المطر ..؟
من فينا ما يحب المال ..؟
من فينا ما يحب يكون عنده أولاد وبنات .؟
من فينا ما يحب يعيش بوسط جنات وأنهار في الحياه الدنيا ...؟

هذه كلها أشياء خياليه ..

من جد خياليه .. وماهي صعبه ولا مستحيله على رب العالمين سبحانه ..

الله قادر إنه يحققها لنا .. بس إذا حققنا المطلوب منا ..

وش المطلوب منا ...؟

شي واحد وبس ..


ولا أسهل منه .. {الإستغفار} والإكثار منه ..
طيب أوكي والنتيجه ..؟

أنا أقولك النتيجه : النتيجه عسى ربي يحفظك ويسلمك

إن الإستغفار سبب في نزول المطر {بإذن الله} ..

وسبب في زياده الرزق وبالعربي زيادة المال ..

وسبب في إن الواحد منا يرزق بالذريه الصالحه إن شاء الله {البنين} ..

وسبب في تحول أراضينا إلى جنات وأنهار..

وهذا مو كلامي ولا كلام الشيخ فلان أو المطوع فلان أو الداعيه فلان....

لا هذا كلام الله سبحانه وتعالى في الإكثار من الإستغفار .

(استغفرالله الذي لا إله إلا هو الحي القيوم وأتوب إليه)

قبل اختم المووضوع انا جربت استفغر ولقيت نتيجه

بصراحه ماتوقعتها نهائيا لكم بعض ماحصل

1_انا طبعا طالبه وادرس في امتحان الفيزياء

انا كنت مذاكره لكن من زمان شوي ونسيت المعلومات

والله اني اطالع الورقه من فوق لتحت حترت وش اكتب

حتى اسمي بالبدابه والله اني نسيته بعد دقيقه تذكرته

كنت متوتره شوي المهم طبعا حنا عطونا محاضره عن الاستفغار

قلت ابجرب استغفر واشوف النتيجه وش يطلع معي

المهم انا بديت اتذكر شي بسيط من اللي انا ذاكرنه المهم

قعدت اكتب خرابيط من عقلي مع اللي تذكرته

يعني اربط بين السؤال والاشياء اللي جت في بالي

المهم سلمت الورقه وتوقعت اخذ واحد او 2 ان كثرت 5 من 10

والله يوم جتني الورقه مصححه استغربت مرره اخذت 9ونص وشو 9ونص

انا مستحيل والله اني ماصدقت نفسي نهائيا

2_انا طبعا طلبت شي من اهلي وعيو(لاب توب)

طبعا الوالده عيت تقول بالصيف وانا ولعت ماقدرت اصبر

المهم ازعجتهم وجاهم صداع ولكن للاسف مع الرفض الشديد

المهم انا قلت ابجرب استغفر واشوف في نتيجه ولالا؟

والله بعد اسبوع كنت بغرفتي الا الوالده تجي وتقول قومي

البسي عباتك ويلا قت لها لوين تقول مو تبين الاب توب

والله انا استجنيت ماصدقت نهائيا بس الحمدلله

مااتوقع في شي صعب ع الله سبحانه وتعالى

تقبلوا تحياتي