قصيدة روعه من كلمات شاعر البوح 00

[إندماج الأرواح]

السلام عليكم ورحمة الله وبركاته 00

هذي القصيدة لخالي العزيز : عوض العنزي

قصة القصيدة 00

القصيدة تتكلم عن امر واقعي

وهو ان هذا عوض العنزي كان ساكن في تبوك وكان يحب وحده اسمها ( ؟؟؟ )
المهم سافر للشرقية وقعد فيها 8 سنوات وبعدها رجع لتبوك لعيون الحبيبة طبعا
ولكن هي سافرت للرياض وكتب هذي القصيدة عند مكان عزيز عليه ولكم القصيدة 00


الــقــصــيــدة

على ذاك الجدار اللي على حد البيوت الطين
وقفت وهاجس الذكرى نفض في قلبي غباره

وقفت أطلق مدى شوفي وأناظر مفرق الدربين
وأشوف الدار وعيوني تضم الدرب وجداره

أجل هذا الجدار اللي سهر يوم العرب غافين
أجل هذا الصديق اللي ذكرته وأذكر أسراره

أنا أذكر يوم يجمعنا يغطينا برمش العين
نسج ليله وسوى به على عشاقه ستاره

حجر لكن أحس أنه يحس بفرحة القلبين
أحس أنه نفس لكن غدى جامد من أقداره

حجر يوم العرب تنسى اذا مرت عليها سنين
حجر يوم العرب تنسى حبيب ٍمبعد ٍداره

ولكن الجدار اللي من تركته هذاك الحين
عرفني يوم قابلته وبلـل دمعي أحجاره

جلست وهاجت الذكرى وقلت بخاطري مسكين
ثمان سنين في وحشة ولا أحد بيننا زاره

وفـا ذاك المكان أثبت بأن الآدمي من طين
تخيل يوم لامسته تنهد من شقا ناره

سألني قال أنا أذكركم تجوني بالظلام اثنين

بكيت و قلت صدقني 00

7
7
7

رحل وانقطعت اخباره ؟؟



انشا الله اعجبتكم 00

تحياتي 00

[إندماج الأرواح]

نسيت اقو لكم

منقول من اميلى تحياتى لكم