تعالوا شوفو اوصاف شباب السعودية

[بـــريق الماس]

تعالو شوفو صفات شباب السعوديه.... اللي يزعل لايدخل

السعوديه ........ اللي بيزعل لا يدخل

--------------------------------------------------------------------------------


شـــــــــــــــــباب مكـــــــــــة:

معروفين بالمشاكل والمضاربات ..ومن شروط المضاربه لديهم أنه يكون لديك ساطور أو
سكين .. وياويلك اذا دخلت حارة وعملت مشكله مع اي واحد منهم ... صدقني وقتها راح
ينزل لك منتخب كاااامل زي منتخب نيجيريا كذا.. وعاد مااحرق عليكم الباقي .
بس للأمانة فهم شبااااب دمهم خفيف مبسوطييين دائماً .. مايعترفو بكلمة مااقدر..
يعني لو قلت لاي واحد منهم هيا بنا نمرح .. يقولك اوف كوررس وفي رواية "قداااام"
ومفردهم مكاوي وجمع المذكر السالم مكاويين .. وعلى راي المثل "تيتي تيتي .. زي
ماروحتي زي ما جيتي اكس فل كامل!!"
وفيه مثل اعجبني يقول "اذا معاك ساندوتشه .. لاتروح المطعم انتبه بعدين< يدحكوووو عليك "


ومن العبارات الشائعة لديهم مثل .. "ودين صلاة امي" .. "ياواد سيب الهيامه" ..
"استنا شويه دحينا اهرجوووو" " مكة حقنااااا"

ويا حبهم للفلسفه .. في كل شي عارفين ...وما فيه احد تسآله ويقولك ما اعرف.
اهتمامات البعض منهم منصبه على كرة القدم مع انه ماادري فين يلعبوها
كل الدنيا عندهم جبال.. الترفيع بدباب جي تي ..


نصحية مكاوية:
لاتترك سيارتك مفتوحه اذا نزلت عند السوبر ماركت.. هذه النصيحة برعاية اسواق بن داود!!

شـــــــــــــــبـاب الطـــــــائف :

عاد من السهل التعرف عليهم بدون الحاجه إلى معامل مخبرية او تشريح ..
راح تعرفهم من طريقة لبسهم للطاقيه .... من شروط اختيار الطاقية المناسبة أن يكون
إرتفاعها 150سنتيمتر وعرضها 5 سنتيمتر ولازم تكون اكثر من 10 ادوااار.. لما تمشي بينهم تحس انك ماشي بين
ناطحات سحاب مو بشر ويرتدون طواقي..

مشاء الله عليهم دائماً تجد فيهم النشاااط والحيويه لدرجة انهم مايناموا في الليل
ويتصف شباب الطائف بأنه البعض منهم عدواني.. واذا مثلاً صادف انه عينك جات في
عينه .. راح يتمدد صدره ويشمر عن ساعديه ويقولك : خير!! ايش فيك تطالع ؟؟

وعليهم محشاااااات رهيبه لاتفوتكم.. وكل كوم والسواقه عندهم كوم ... تحس انهم
جالسين يلعبو درايفر ( بلاوي ستيشن على قول ابو شنكت)
وبعدين تمسك معاهم على اهتمامات او احلام البعض منهم: .. الا لفلفه في الشوارع
... او بلوووت سبحان الله يستفيدو منها في حاجه مفيدة!!.. التخرج من الثانوية العامة
بتقدير جيد ويشتري دباب اربع كفرات ويشتغل عليه ((سياااره صغيره حقه تحميل))< ما الؤمهم نظراً لتدني سعر

صرف الدولار مقابل (صرف عشرة ريال ياشباب)!!
او تشتري قراندي موديل 88 وتسدح خشمها بالارض وهاتك تلميع في الكفرات
والصدام ...بزيت فرامل <
ومن ثم التوجه الى منتزه الردف ويجب أن يكون بحوزتك شريط لمزعل فرحان او
فهد بن سعيد ويكون مسرررررع<(ارجع وحط شده على حرف الراء)..

نصيحة:
إذا كنت مدرس في الطائف فخليك أخلاق واعطي درجات ..اشبها من جيبك والا والله تنجلد في الطلعه؟؟

شـــــــــــــــباب جـــــــــــــــدة:

اهلا وسهلاً .. بما أني اعرفكم عز المعرفة فما راح اوفيكم حقكم من الحش ..
قصدي الحديث عنكم ..
منتشر بين البعض منهم الكذب بصورة كبيرة ومخيفه .. مثلا:
امس رقمت خمسة بنااااات وراء بعض !! ( احسن ياريكي مارتن الغفله (

وينتشر بينهم الخدم في كل بقعه في كل شبر في كل حفرة في كل شارع في كل شاليه في كل علبه في كل شنطه... وبعدين معاكم انتو في كل محل !!

وعليهم تقليعاتهم غريبه .. زي اللي كاتب على سيارتهEminem او
< ليه انا اسم امي ماكتبته على سيارتي Nana!!
وبالقوة يبغو يقلدو تكارنه امريكا .. whathab man اوhi brother !!
دائماااااا على السنتهم حتى صارت بدلا من السلام عندهم
< وفيه بعض الشباب حاط على صدره 10 كيلو سلاسل[على باله مضاد للصواريخ]
وبعضهم يلبس اقمصه عليها شعارات واحرف غريبه وهوا والله مو داري ايش
معناها

اما اهتماماتهم :
الفشخره الكذابه – الطفش .. اي واحد تساااله يقولك :طفشااااان + تشجيع الاتحاد+ سرقة الايميلات

نصيحة :
لاتذهب هذا المساء من البيت اذا فاز الاتحاد ... صدقني راح تكره حياتك !!

شـــــــــــــــباب المدينـــــــــة:

مدري ليه شايفين نفسهم .. يتكلم شويه وبعدين يقول اناااا من المدينة ...
على عيني وراسي من المدينة بس اعصابك !!

وعندهم قهوة مشهوره اسمها ابو .. والله نسيت .. المهم انها ابو حاجه لو ضربتك فيها لنسدحت صريعاً ..
ولكن صدقني راح تحب المدينة بغض النظر عن شبابها لانها مدينة الرسول صلى الله عليه وسلم ..

نصيحه
بطلووو غزل ..

شــــــــــــــــباب ينـــبـــــــــــع:

يوووه بصراحه تخاف منهم .. فعندهم ثقافة شباب الطائف ومكة وجدة بالاضافة الى
ثقافتهم الخاصة والتي تعتبر غريبه .. فإذا كنت ماشي على رجلك في ينبع
( تلفها في خمسة دقائق !! ) فراح تجد انه الكل يضرب لك بوري هاه مشواااااار وانا مطنش
واعمل نفسي اني ابكم !! ابغاهم يريحوني وينقلعوا ..

نصيحة :
انته مهدد بالطفش والأنحرااااف .. واحسن حاجه اشتري بلاي ستيشن واجلس في
البيت .. ولاتفكر تطلع مره!!

شبـــــــــــاب الريــــــــــــاض :

رأس مالهم الشماغ والعقال .. دائماً لابسينها .. مشاء الله عليهم مشخصين في كل وقت
وفي كل مكان < صار نسكافيه!! .. تجدهم مشخصين عند الأكل .. عند النوم .. عند
الحلاق ...عند الاشارة تكون الساعة.....
وبعضهم اذا شال الشماغ عن راسه راح تشوف جزر اندونيسيا في راسه
واصحاب مصانع الاشمغة مستغلين مدى تعلق الشباب بالاشمغه وحبهم لها..

وكل شهر نازل شكل جديد .. مساكين الواحد ما يلحق يتهنى ويفرح بالشماغ اللي اشتراه ..
وعندهم قمة الترفيه والترويح عن النفس أنك تطلع القهوة مع اصحابك

بس انته قول السعوديه فازت .. وتعال شوف الجنااااان ..
اهتماماتهم .. مشاهدة افلاااام التفحيط ... دخول الشات ثم كتابة عبارات غريبه

التسجيل في المنتديات بأسماء معبره .. ( ضفدع مضيع نظارته,, ضب اطخم ,, دولاب المطبخ ( ....
الترقيم وتطفيش البنات .. مطاردة الضبان وتعذيبها ..

نصيحه :
لاتلعب معهم ورقة(بلوت) ماعندهم تفاهم .. شويه ويضربوني عشاني سرحت شويه عن اللعب ..هذا ظلم يا شباب !!.

شــــــــــــباب القصيـــــــــــــم:


مايحتاج تعريف

الله يحفظهم
بس بعضهم مرررره ماتقدر تاخذ وتعطي معاهم شايفين انفسهم .. ومره لاغين المنطقة الغربيه من قاموسهم !!

شــــــــــــباب الدمــــــــــــام :

رهيبيين وتحف في نفس الوقت.. بس كرهونا في مطعم الطازج وباباهباس كل مره وعازمينا فيه ...
ياشباب استحووو غيرو المطعم وماعندهم سيره الا سوق الراااشد ..
اهتماماتهم : يجيد البعض منهم التحدث باللغة الروسية والاوكرانية والاشتراكية < وجميع دول الاتحاد السوفيتي السابقة والبركه بالبحرين

شــــــــــــــباب البــــــــــــــاحة :

ونعم الشباب .. ولكن يلاحظ عليهم كثرة الحسد ونقل الكلام !!..
" سعييييييييد اظهر له كاااامري جديده وفيها بيجر ياخه < يقصد جرس السرعة!!
واليوم الثاني المسكين سعيييد يسوي حادث بالكامري ويصدم في بيته!!"
واذا مثلا ً عطست فالخبر راح ينتشر في كل مكان والله فلان عطس ويمكن يطلعو عليك
اشاعة انك مصاب بحمى الوادي المتصدع؟؟؟

نصيحه :
في كلمة جمله لازم تستخدموها اذا شفتو اي حاجه اعجبتكم "مشاء الله تبارك الله"!!

شــــــــــــــباب جيــــــــــــــــــزان :

ما ام خبر قماعه ؟؟ يعني مدري كيف ابدا معاكم لكن دعوني احاول ...
عينات كثيره من شباب جيزان اسمع عنهم انهم اذا جو يطلعون يتعشون
بعد مايطلب وياكلو وويجي عند النقطة الحساسة الا وهي الحساب تعال شوف الاعذار .. والله
نسيت ام محفظه !! والله مابش صرف !!
في بعضهم اعوذ بالله فيه لؤم وخبث ويبيع صاحبه عشان فلوس او عشان مصالحه..
والكثير منهم يعتبرو محترفين في لعبة "الكيرم"
ولكن بيظل فيه هناك شباب من جيزان فيهم الكرم والصدق والطيبه .. ولكن العينات
السابقة بتغطي عليهم وتعطي صورة سيئه عن البقية..

[°ღ قــلْــبّ نــآزْف ღ°]

ههههههههههههههههههه



الله يهديك طلعت الفضايح



مشكور يعطيك العافيه

[الضــــب]

صدقت فيهم كلهم

ماعدا شباب الرياض

اتحدى احد مثلهم

عقل ورزن وتحس

وتحس انك تتعامل مع رجال

بغض النظر عن الغربية

100% فرق شاسع

تحياتي

[طلول]

[center]تسلم اخوي
على الموضوووع الرائع
او ننتظر منك المزيد
اخوكم
طلووووول[/align]

[سهـر الليالي]

[center]بريق الماس
تسلم خيو
ولكن لم تقل انت من اي نوع فيهم[/align]

[«°•.¸إبداع الذات¸.•°»]

ههههههههههه
ليالي
ايش هالسؤال

تسلم اخوي على الموضوع

[عبير الحب]

[center]ههههههههههههههههههههههههههههههههههههههههههه[/align]


[center]موضوع رهيب

يعطيك العافية[/align]

[فايض الشوق]

صح صح صح صح والله صح

انا عشت اكثر حياتي في الغربية وكان عملي حول الرياض

بس تراك طنشت عيال ابها والخميس تراهم من السعودية

[دابيييل]

ههههههههههههههه

الله يفضحك يا شيخ

مشكوووور علي الموضوع

[إندماج الأرواح]

هههههههههههههههههههههههههههه
هههههههههههههههههههههههههههه

طلعتى فضائحنا الله يهديكى

هههههههههههههههههههههههههه