|
جهاز يحول الام الولاده من الام الى الاب خخخخخخخخخخخخخخخخ تعالو اقروا
واحد ومراته راحو المستشفى علشان الست تولد، وهى خايفة موت من آلام الولادة، الدكتور قال لهم ان فيه اختراع جديد تحت التجربة فى المستشفى وهو جهاز ينقل جزء من آلام الولادة من الأم الى الأب ، الزوج تحمس جدا وقال: انا مستعد اتحمل آلام الولادة كلها لو تقدروا، رد الطبيب: صعب جدا ان الراجل يتحمل آلام الولادة كلها، دى ممكن تموته، دى قدرة ربنا اداها للست، ممكن نحول عليك 10% ونشوف. انا موافق ياللا وصلونى على الجهاز. لا هو مش محتاج توصيلات ده لاسلكى! وفعلا بدأوا التجربة، الست كانت بتصوت من الوجع اول ما شغلوا الجهاز صوتها وطى شوية، وسألوا الزوج ايه الاخبار؟ قال كله تمام، ادونى اكتر. فزودوها لحد 20% وده ولاهامه: ادونى 50% الست بقت مرتاحة جدا والدكاترة مستغربين، الزوج اصر: ادونى 100% الدكاترة كانوا خايفين عليه بس نفذوا علشان يشوفوا النتيجة، الست ماحستش باى الم والراجل مافيش منه رمش اتهز. تمت الولادة والدكاترة قعدوا يهنوا الراجل على رجولته وقوة احتماله وهو باس الام والطفل ورجع البيت علشان يبلغ العيلة ان ولى العهد شرف ويوضب للاحتفال، وهو داخل من باب العمارة لقى صويت وستات كتير لابسين اسود! فيه ايه؟ الاستاذ طارق اللى ساكن فوقك، جاتله حاله غريبة قعد يصرخ ويقول آه، آه بعلو حسه من غير أى سبب وفجأة اتشنج وطب ساكت!
| 
11-25-2004, 11:35 PM
العرض العادي
