الفرق بين الحجازي والنجدي بدووون زعل

[بياع الورود]

الفرق بين الحجازي والنجدي


الفرق في التعليم :

النجدي يوم تجيه تقول ها كيف الدراسه يقولك تمام وتسأله في مواد صعبه؟؟ يقولك قول
وش فيه سهل وخاصة هالانجليزي ترى بيني وبينه تار ياذابحني ياذابحه ويوم يجي اخر
الترم مافي علامه حمراء الا على الانجليزي سوا فيها روبن هوود
اما الحجازي اول ماتجيه تقوله سلام عليكم يقلك قوود مورنينج تقول مستر جونسون
الاخ ويومتقوله كيف الدراسه يقول ميه ميه باقيلي ترم وانا مهندس طموح هتلر


الفرق في الاكل :

يوم تخاوي نجدي لمطعم ماتسمع غيريصيح باعلى حسه تقول مؤذن ياقهوجي لكن الحجازي
ماتسمع غير اصابيعه تطرقع اكس كيوز مي ويوم يجي الاكل الحجازي مّّرّكب كاتم صوت
قبل مايدخل المطعم اما النجدي صوت عتاب في فمه مع طيرانها ولمن يخلصون الاكل
النجدي يقوم يلحس اصابيعه بدون مايغسل يده لا ويحك شعره بعد لكن الحجازي اذا
ماتروش مايجيله نوم


الفرق في المغازله :

ياويل بنت تمشي من قدام نجدي ياهو حاطط الرقم في برقعها ياهو ساحبها مع يدها
يقلها ترى العشاء عندنا لكن الحجازي يمشي على خطوات الاعجاب الي هي نظره
فابتسامه فحديث فموعد فلقاء


الفرق في الاسواق :

النجدي تلاقيه ماشي كانه سيف عز الله راشينه بعلبة ماريتو كامله قبل مايطلع من
البيت والسبحه ماتفارق يمناه لكن الحجازي انسان فريي يمشي يضحك ياكل فشار يشرب
عصير تقول مخلخل


الفرق في الاسماء :

اذا جا مولود لنجدي سماه خالد تركي سعود عليان واذا ازمت معه مره سماه نوفل اما
الحجازي اذا جاه ولد سماه رامي وسام عمار عمرو مع ان اسم حلو مره فاهميني
انتو
واذا انقال شي في مجلس رجاجيل عاب رجال منهم قام مفزوع وهو يصيح انا ولد ابوي
تقول صدام رش الكيماوي
لكن الحجازي يقوم مفرصع عيونه ويقول
استحي على وشك ولا رح امشي عز الله ظلم المجلس بروحتك يالغالي .


السكن والمصروفات :

النجدي اذا بناء بيت يبنيه عشان الضيوف مجلس ومقلط نص البيت
وكلها ثلاث عزايم في السنه
الحجازي يطبق نظرية انا اول وبعدين الضيوف هذا اذا فيه ضيوف
النجدي يتسلف ويسدد اقساط عشان يركب سيارة كشخه
الحجازي يركب كسرة سيارة بس الشقه متحف وجدرانها معرض

النجدي مضيع راتبه في الكرم
الحجازي يمسك رياله وبشده

-------------------


السلوكيات :

النجدي بحكم احتكاكه بالطبيعه المتمثله في غبار نجد
تجده فطن ذكي حار ملقوف
الحجازي بحكم استنشاقه كميات هائله من اكسجين البحر
تجده وسيع صدر وماله شغل في غيره

النجدي راعي فزعات
الحجازي نفسي نفسي

النجدي اذا اخطيت عليه ماينساها
بعد عشر سنوات يقول لك تذكر يوم ويوم ويوم انك
الحجازي يسوي فورمات للذاكره



أنا من نجد الغالية وأحب أهل الحجاز واحب طبعهم ....

يعجبني في الحجازي البساطة في التعامل بدون تكلف وأكثرهم اللي بقلبه على لسانه .

والميزه التي تميزهم عن أهل نجد أيضاً ( وهذه عايشتها بنفسي ) أنك بسهولة جداً تصبح صديقاً لهم , يعني لو مثلاً نجدي سكن في جده راح يكّون صداقات مع جيرانه بسرعة . بعكس أهل نجد الذين يتحفظون بشدة من كل غريب .

وكما قال الشاعر د/ غازي القصيبي :

نعم... نحن الحجاز و نحن نجد هنا مجدٌ لنا وهناك مجدُ


ملطوووووش اتمنى عدم الزعل

[الحروف الهجائية]

بالنسبة لسعة الصدر اتوقع حسب الشخص ووراثته
وانا اشوف اللي يتحفظ يدل انه ذكي وحذر>>>>>>ترا مو قصدي شي لا احد يزعل

على العموم كلنا من بلد واحد الله يحفظه

وعلى ماقلت اخوي
نحن الحجاز و نحن نجد هنا مجدٌ لنا وهناك مجدُ



ومشكووووووووووووووور