مرثية الشيخ زايد ( رحمه الله )

[رهين الالم]

[center]لا عاد يوم ٍ جاب الأخبار لا عاد
************ ابموت شيخ ٍ راح ما هو بعايد
في يوم مثل اليوم بالصدر وقاّد

************ وبصدر شعبه مثل حر الوقايد
واليوم ساد الحزن بأرض العرب ساد

************ وأيضا بكل ديار الإسلام سايد
وإن كان دمع العين والحزن مافاد

************ فن الدعا له من عظيم الفوايد
يارب ترحم من على العطف معتاد

************ وكفالة الأيتام جتله عوايد
إغفر لمن بالخير للشعب قد جاد

************ وأدخله بالجنات ياخير جايد
شيخ العرب يومه رما للهدف صاد

************ ولا كل رمّاي ٍ للأهداف صايد
ابحكمه العادل له الشعب منقاد

************ ولا ظنتي مثله على الأرض قايد
على طريق الحق ثابت ولا حاد

************ ولو عاش طول العمر ما هو بحايد
زايد وفي عهده به الخير يزداد

************ والخير جا عنوان للشيخ زايد
ولا مات من خلف له ركون وعماد

************ وهم لدولتهم ركون وعمايد
والشبل من ذاك الأسد ماخذ امداد

************ ابنه خليفه جعل عمره مدايد
وخوانه اللي جاوا له درع وسناد

************ وأهل الإمارات العزيزه سنايد
ودنياً على ما قيل طارد وطرّاد

************ والموت حق وكلنا له طرايد
ولا عاد يوم ٍ جاب الأخبار لا عاد

************ ابموت شيخ ٍ راح ما هو بعايد
ولا عدت أنا شاعر ولا عدت قصّاد

************ في يوم موته جفّ نبع القصايد[/align]