اذا ضاقت بك الدنيا <<<<<<<< رح للخياط..!!

[ولد الشيوخ]

[center]السلام عليكم ورحمة الله وبركاته

لحظه تأمل

لكل واحد منا بالدنيا هذي افراح واحزان..يوم تحس انك اسعد الناس ..
ويوم تحس انك اتعس واحزن الناس..

وهذا حال الدنيا..يوم لك ويوم عليك..

والدنيا تدور..وماراح ترسي علي شئ..
لابالخير ولا بالشر..اعتبر نفسك قائد لسفينه ومامعك الا راكب واحد..
والسفينه راح تغرق..وش تفضل ترمي خويك بالبحر ولا ترمي اغراضك بالبحر..!!

هذا حالنا بالدنيا..خوينا وصديقنا الزمن..بس للاسف..
بوقت يصير الزمن اكبر خاين لنا..وبيوم ثاني يصير الزمن هو سبب سعادتنا..
وبكل الحالتين..
زعلنا او فرحتنا وضيقتنا ماراح تغير شئ..سلم امرك لله وهواعلم بعباده..
واعرف ان الله ماراح يضرك بشئ اذا مشيت بطاعته..
والعكس اعرف ان الله راح يذلك ويخليك اتعس الناس على وجه الارض اذا عصيته..!!

انتـ/ـي طفشانـ/ــه..
حبه حبه اخليك اسعد عمر قلي قصدي اسعد الناس ان شاء الله..

اعلم حبيبي الشاب انك اذا حطيت يدك على خشتك الشهباء وقلت :
(يلعن ام الطفش وين اروح..وين اولي) ..
انك ماراح تغير شئ من طفشك وتخليه وناسه وضحك ..
والعكس لو كنت اسعد الناس وودك تشقق ملابسك من الوناسه الي انت فيها ..
ماراح تغير الوناسه وتقلبها صياح ونياح ..

زبده موضوعنا هذا<<<<<<<<<<<<<< بدري ..
اذا طفشتوا وش تسوون علشان تبعدون الطفش عنكم وعن خششكم القميله ..
يعني تطلع أقرب نخله بحوشكم وتغني..فوق النخل فوق فوق ..
وإلا تمشى على البحر وتغني..نزلت للبحر تتشمس الحلوه ..وإلا وش تسوي ...!!


وانا واعوذ بالله من هالكلمه..اذا ضاق صدري وطفشت وانا من النوع الي مستحيل يقر(يجلس)بالبيت ..
اطلع واسوي اي شئ..بس ماحط يدي على خدي واقول..طفش..قلق..زهق..وين اروح..وين اولي .
.يعني احاول ابعد الطفش عن بأي طريقه او وسيله..
حتى لو كان الامر يحتاج وغصبن علي اطفش..احاول والي كاتبه الله يبي يصير

تبغى تصير مفرفش ..

1/اذا قمتوا من النوم اضحكوا..ايه اضحكوا ليش مااعجبكم..انا اقوم وكشرتي ماليه خشتي ..
حتى لو اني متأخر على المعزّب ..

2/اذا قابلت اي واحد اضحك بخشته..والرسول عليه الصلاه والسلام قال..(ابتسامك في وجه اخيك صدقه)..
يعني ابتسم ماقال اضحك وانت فاتح كل فمك علشان مايجي ذباب ويدخل وانت تضحك ..

3/وهالنقطه تتبع الي قبله..يعني اذا ضحكت والي قدامك مكشر خشته ..
اضحك عليه وقله وش فيه الاسمر مايقولي مرحبا ..<<<<<<<<ياقدمي ..

4/ حاول انك تكون وسيع صدر بكل احوال حياتك الي تبي تعشيه
سواء مع اهلك ولا مع اخوياك ولا حتى مع شغالتكم ..يعني لاتقول هذي شغاله خليني اوريها العين الحمراء..

5/اذا صارت لك مصيبه قل(قدر الله وماشاء فعل)..وارض بالي كتبه الله لك..
ويمكن هالشئ اللي ضيق صدرك يكون شر لك وانت ماتدري.. ..


بــــــــاخــــــــــــتـــــــــــصار
رمضان حسني مبارك عليكم
و هذا اول موضوع من بعد غيبه قصيره
واحس ان الموضوع ينقط مصاله ..

بس ياليت كل واحد يقول وش يسوي اذا حس بالضيق ..
يروح للخياط ولا يعمل اييه ..؟؟


ملاحظه:
تراني مانقلت الموضوع <<<< ايه هيّن[/align]

[همـ الروح ـس]

[center]سواق الشيوخ
موضوع جميل ورائع فعلا وكل انسان يمر بالضيق
وانا لما امر بالضيق استغفر ربي وارجع لله وبعدين اقول لنفسي
المثل الشائع(اضحك للدنيا عشان الدنيا تضحكلك)

شكرا اخي على طرحك الموضوع يعطيك العافيه[/align]

[صقر النوايف]

[center]سواق شيوخ

هلا وغلا بملح المنتدى <<< هيه انت وجهك لا تصدق



انت سكر المنتدى

عزيزي كلماتك رائــعة

وطرق الي قلتها للوصول الى السعادة
رائــعة أيضــا

سلمت يداك على الموضوع

تقبل شكري وامتناني

أخوك

صقر النوايف [/align]

[إحساس الكلمة]

[center]

سوٌاق الشيوووخ
أولا الحمدلله ع السلامة لك فترة ماظهرت بس شكلك ماخذ إجازة من عند الشيوخ وشغال لحسابك ع الدتسون حقك ولو سمعت نصيحتي كان أخذت بمشورتي الأوله
أخي العزيز :
موضوعك حلووو ولي عوده عليه بس بأقولك مقدما إذا طفشت يمكن أدخل فيك شمااال وخليك حاسب حسابك
أجمل التحاااايا وأطيب المنى
[/align]

[إحساس الكلمة]

[center]
سوٌاق الشيوووخ
تحية طيبة ...وبعد
اشكرك على هذا الموضوع الجميل الذي تناغمت فيه الكلمة المفيدة بروح الدعابة أبدعت وأروعت في سبك هذه المفردات التي تجذب العضو بقراءتها فتاره تحلق به في سماء المعرفة وتارة ترحه من عناء ومشقة القراءة وهذا الأسلووب ليس كل كاتب متميز يجيده فأهنئك على هذا القلم الذي ينثر مداده بكل جديد ومفيد ..
أخي العزيز لقد شدني هذا الموضوع لأنه يمثل حال واقع الشباب في هذا الزمااان والذي بعد عن كتاااب الله وسنة نبية وضعفت عزيمتة ونوايااااه فأصبح الهم كابوسااا على قلبه وفكرة ولسااانه فأصبح حاله عندما تكلمة بكلمة واحدة لا يقووول الحمدلله على كل حال بل يقووول طفشان زهقاااان ومن أين أتى هذا الطفش مثل ماذكرت تراكمت الذنوووب والمعااصي على قلبه حتى أصبح كل قلبه نقااااط سوداء فلا مجااال للفرح ولا للتفاؤل في حياااتة إلا الهم والغم والعياااذ بالله أى نعم نذكر الله ونفرح ونلهوا في دنيااانا ولكن لا نكوووون غائبين مغييبن لا ذكر ولا صلاة بل كل الحياااة فسق وفجووور وهذا حااال الشباب مع الأسف فأصبحنا نرى ونسمع عن حالات الإنتحار والمصحااات النفسية مليئة بهذه النماااذج
قال الشاعر :
والهم يخترم الجسم نحافة ... ويشيب ناصية الصبي ويهرم
فلماذا نهتم وننغم ونحن نرى أن الأمل والفرج والأقدار كلها بيد الله سبحاانة وتعالي فهو المتصرف في الأمور ولو تطفشنا الدهر كله وتضجرنا مازادنا إلا خسارة في دنيا وآخرة بل بعض الشباب يقووول مادام الشغلة خربانه أخربها وأقعد على تلها وهذا منطق من لا إيمان له منطق إنسان ضعيف همة وعزيمة ولوكان ذا عزيمة قوية وتأمل النعم والعوافي لزادته صلة روحية بالله سبحانه وتعااالى وينظر إلى الله نظرة مدين يعلوها الترفع والتخشع إن حال عصرنا وفي هذا الوقت مااكثر العواصف التي تهب علينا من كل حدب وصوب وتملأ آفاقنا بالغيوووم المرعدة وكم نواجه بما نكره ومن هنا يجي دورنا كشباب مؤمن بالله عزوجل ولا نجعل للأحباااط واليأس سبيل علينا بل نطهر قلوووبنا من الوساوس النفسية لتطمئن هذه النفس ....
سوٌاق الشيوخ اكرر لك شكري على هذا الإبداع والتميز في الطرح والأسلوووب لا حرمنا من هذه المواضيع الهادفة التي فعلا تنير عقولنا وتذكر بصائرنا ...
[center]لك مني أجمل التحاااايا وأطيب المنى[/align]
[/align]

[دايـ.الشوووق.ـم]

ياشيخ الشيوخ

اسمح لي اقول لك انك رهيب وشيخ مو سواق...

موضوع رائع من اسان رائع

تحيااتي .

اخوك... داايم الشووق

[دمعة ليل]

مشكور سواق الشيوخ على الموضوع الحلو
بس احنا البنات لما نزهق وش نسوي انتو تاخد مفتاحك وتطير لاي مكان طيب انا ما عندي احد يوديني ويجيبني على كيفي وانا لما ازهق ما اعرف ويش اسوي...
يالله عطني حل لي..؟

[أبـوعبدالله]

المشاركة الأصلية كتبت بواسطة دمعة ليل

مشكور سواق الشيوخ على الموضوع الحلو
بس احنا البنات لما نزهق وش نسوي انتو تاخد مفتاحك وتطير لاي مكان طيب انا ما عندي احد يوديني ويجيبني على كيفي وانا لما ازهق ما اعرف ويش اسوي...
يالله عطني حل لي..؟

[center]قشّــــــــري بصـــــــــــــل [/align]

[مشاري الشمري]

ســــــ ــواق الشيوخ

موضوع رائـع لما فيـه من كلمات رائـعه وفيـه كلمات تنكيـت ههههههههههههههه

سواق الشيوخ سلمت على الموضوع الرائـــــــع

مشـــــــ ـــاري

[ولد الشيوخ]

[center]تانيا

الأروع بموضوعي
توقيع تانيا عليه
والرجوع الى الله في حزّات الضيق احسن حل
ونعم بالله

صقر النوايف

تسلم والله
آخ بس لو تشوف وجهي غدا طماطه[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
يا أخي ما احد عبّرني وعطاني وجه
كلّه بس رح وتعال جب و ودّ


إحساس الكلمة

لا .. لا .. لا عـاد
احساس يرد على موضوع لي
لا وبعد مرّتيـن[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
ما اقــدر اتشقق أنا
شكلي بعد هالرد باقبل العرض اللي قدّمته


دايـ.الشوووق.ـم

لا والله أنت الشيخ وأصير لك سوّاق بعد [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

دمعة ليل

طيب انا ما عندي احد يوديني ويجيبني على كيفي

افااااااااا وأنا ويـن رحت؟!!

ابو عبدالله2002

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
<<<<<<<< على قد ردّك

مشاري الشمري

شكل (ههههههههههههه) [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]علامة الجوده عندك[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]
كل ما أشوف لك رد ألقى هالـ هاآت تسبق ردك

يعطيكم العفايه على ذا المرور <<<<<<< ما ذكّرتكم بأحد ؟؟؟؟[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][/align]