[قلبي تعب والله]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

تنهيده منى ... و نفسها توصلك

و ميت قصيده كتبتها ؟؟ عنوانها اسمك

قولك ف عشقي مش هيفرق ف القضيه

هفضل احبك .. بس انا بدى اقولك

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



ف البعد عنك سكتى احزان ..

ضلمه و ضباب بينزفوا دخان

( ابيض و اسود ) دنيتى فى البعد

و لما اشوفك تعود لها الالوان


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

و الفجر يخرج من عيونك يبتسم

ضحكة نهار فوق الشفايف ... تترسم

و القى ف رموشك ألف قاضى و محكمه

يأسى و دموعى و خوفى فيها بيتعدم


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

رعشه ف ايديا و فوق شفايفى بتتولد

و كل كلمه ابعتها من قلبى للسانى

بتتفقد ..

لولا انى مؤمن و عارف الخلاق ...

كانت عيونك جوه منى هتتعبد


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

عجبى عليكى

عجبى عليكى ف بسمتك ألغاز

وف ضحكتك تاخدى لقب استاذ

بحلم بنفسى ف بدلتى و انتى ...

فستانك ابيض منور البرواز

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


يمكن تكون الصوره دى احلام

جايز حقيقه مخبياها ايام ...

مقدرش اقول يا حبيبتى غير إنى

من حبر روحى كتبتلك ... اجمل كلام


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]